ԿԱՍԿԱԴ ԲԱՆԿՆ ԱՐՁԱՆԱԳՐՈՒՄ Է ԻՐ ՁԵՌՔԲԵՐՈՒՄՆԵՐԸ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՈԼՈՐՏՈՒՄ ՄԱՄԼՈ ՀԱՂՈՐԴԱԳՐՈՒԹՅՈՒՆ, 21-ը ապրիլ, 2009թ. Երեւան - ապրիլ 21, 2009թ. Կասկադ Բանկը հայտարարում է, որ էականորեն իջեցրել է առեւտրային վարկերի բազային տոկոսադրույքըՙ սահմանելով 15%, նախկինում գործող` 18%-ի փոխարեն: Տոկոսադրույքի զգալի նվազեցում է կատարվել նաեւ մինչեւ 50,000 ինչպես ԱՄՆ դոլարով, այնպես էլ Եվրոյով տրամադրվող առեւտրային վարկերի դեպքումՙ կազմելով, համապատասխանաբար 20% եւ 18%, նախկինում գործող` 24% եւ 22%-ի փոխարեն: Կասկադ Բանկն առաջարկում է նաեւ ավանդներ գրավիչ եւ շահավետ պայմաններով: Այժմ, ներդնելով ՀՀ դրամով ավանդ Կասկադ Բանկում, արդեն հնարավոր է ստանալ մինչեւ 15.5% տարեկան տոկոսադրույք: Նորացվել եւ բարելավվել են «Կասկադ» ավանդի պայմանները, ըստ որոնց երկու ամիսը մեկ բարձրանում է ավանդի եկամտաբերությունը եւ ավանդատուին հնարավորություն է ընձեռնվում պահպանել կուտակված տոկոսները` ժամկետից շուտ այն ընդհատելու դեպքում: Կասկադ Բանկը հնարավորություն է տալիս իր հաճախորդներին օգտվել բանկի կողմից մատուցվող ծառայություններից շաբաթվա ցանկացած օր, քանի որ Բանկն աշխատում է յոթ օրՙ առանց հանգստյան օրերի: Ավելացվել է համատեղ զեղչային ծրագրով Բանկի քարտատերերին զեղչ տրամադրող առեւտրային կետերի քանակը եւ տրամադրվող զեղչի տոկոսը: Այժմ մեր քարտատերերը հնարավորություն ունեն օգտվել արդեն մինչեւ 50% զեղչից քաղաքի 177 առեւտրի եւ սպասարկման կետերում: Բանկի վարած արդյունավետ քաղաքականության շնորհիվ 2009թ. I եռ արդյունքներով Բանկի կողմից արձանագրվել է շահութաբերության բավարար մակարդակ, ինչը վկայում է նաեւ հաճախորդների շրջանում Բանկի վայելած վստահության մասին: Կասկադ Բանկը մտադիր է շարունակել իր ակտիվ գործունեությունը նաեւ 2009թ.-ինՙ նպատակ ունենալով առավելագույնս բարելավել իր հաճախորդներին տրամադրվող բանկային ծառայությունները: Կասկադ Բանկի 100% բաժնետեր է հանդիսանում «Կասկադ Կապիտալ Հոլդինգս» ՓԲԸ-ն, որի մնացած ընկերություններն են Կասկադ Կրեդիտ ՓԲԸ-ն, Կասկադ Ինշուրանս ՓԲԸ-ն, Կասկադ Ինվեստմենթս ՓԲԸ-ն եւ Կասկադ Քնսալթընթս ՓԲԸ-ն: | 
