ԴԻՄՈՒՄ-ԽՆԴՐԱԳԻՐ Ալավերդի քաղաքի բնակիչ Շուշանիկ Թանդիլյանից Հարգելի «Ազգ» օրաթերթ Ձեզ է դիմում Շուշանիկ Թանդիլյանն Ալավերդի քաղաքից: Երեսուներկու տարեկան եմ, մանկուց հաշմանադամ: Փոքր տարիքից ոտքս կաղում էր, 2005թ.-ի փետրվարին ենթարկվեցի վիրահատության Երեւանի «Սուրբ Ներսես Մեծ» բժշկական կենտրոնում: Առաջին վիրահատությունն անցավ անհաջող: Վիրահատվեցի եւս երկու անգամ (մարտ եւ սեպտեմբեր ամիսներին):Սկեսեցի քայլել ձեռնափայտի եւ քայլակի օգնությամբ: 2005թ.-ի հոկտեմբեր ամսին կտրուկ փոխվեց առողջական վիճակս, եւ բարձր ջերմության տենդով տեղափոխվեցի Երեւանՙ «Սուրբ Ներսես Մեծ» բժշկական կենտրոն: Բժիշկների հավաստմամբ, ջերմության պատճառը գաղտնի ինֆեկցիան էր, որը մանկուց եղել է իմ օրգանիզմում: Դրա հետեւանքով տարիների ընթացքում քայքայվել է ձախ ազդրիս հոդը: 2005թ. նոյեմբերին կրկին վիրահատվեցի, որից հետո սկսեցի ինքնուրույն քայլել: 2008թ.մայիսին դժբախտաբար վայր ընկնելու արդյունքում նորից վնասվեց ձախ ոտքիս հոդը: Բժշկական հերթական հետազոտության արդյունքում պարզ դարձավ, որ ինֆեկցիոն պրոցեսը նորից կրկնվել է: «Սուրբ Ներսես Մեծ» բժշկական կենտրոնի բժիշկ Հայկ Կիմի Ավագյանի հավաստմամբ անհրաժեշտ է համակարգված բուժում (պրոթեզավորում) , ինչի արդյունքում կկարողանամ լիարժեք քայլել: Պահանջվող պրոթեզի համար անհրաժեշտ է բավականին մեծ գումարՙ 12 000 ԱՄՆ դոլարին համարժեք դրամ, ինչի հնարավորությունն իմ ընտանիքը չունի: Հարգելի «Ազգ» օրաթերթ, ակնկալում եմ Ձեզնից ինֆորմացիոն աջակցություն: Կանխավ շնորհակալություն: «Արդշինինվեստբանկում» բացվել է բանկային հաշվեհամար. ՇՈՒՇԱՆԻԿ ԹԱՆԴԻԼՅԱՆ Հայաստանի Հանրապետություն, Լոռու մարզ, ք. Ալավերդի, Փիրուզյան 18/23 հեռ.ՙ 0253-2-28-86 2477900635530010 | 
