ՄՈՍԿՎԱՅՈՒՄ ԿԱԼԱՆԱՎՈՐՎԵԼ Է ՀԱՅԱԶԳԻ ՔՐԵԱԿԱՆ ՀԵՂԻՆԱԿՈՒԹՅՈՒՆ Մոսկվայի քրեական հետախուզության աշխատակիցները Ռուսաստանի մայրաքաղաքում ձերբակալել են քրեական մեծ հեղինակություն համարվող Կամո Սաֆարյանին: Այդ մասին «Ինտերֆաքսին» հաղորդել է իրավապահ մարմինների մի աղբյուր: Ձերբակալման ժամանակ հայտնաբերվել է 11 գրամ հաշիշ: Ներկայում դատարանի որոշմամբ Կ. Սաֆարյանը կալանավորված Է: Աղբյուրը նաեւ հաղորդել Է, որ կալանավորվածը ծնունդով Հայաստանից Է, ծնվել Է 1961 թվականին: Նա ունի չորս դատվածություն, որոնցից վերջինը թվագրված Է 1994 թվականով, երբ նա Նիժնի Նովգորոդում ազատազրկման Է դատապարտվել զենք պահելու համար: «Այնուհետեւ Սաֆարյանը տեղափոխվել Է Ուկրաինա, որտեղ ապրել է մինչեւ 2006 թվականը, երբ նա արտաքսվեց այդ պետությունիցՙ հինգ տարվա ընթացքում մուտքի արգելքով», հաղորդել Է «Ինտերֆաքս»-ի զրուցակիցը: «Կալանավորվածը հետխորհրդային տարածքում ամենահայտնի «օրենքով գողերից» մեկն է եւ ամուր ու կայուն կապեր ունի նախկին խորհրդային հանրապետությունների քրեական աշխարհում», հավելել Է գործակալության զրուցակիցը: |
