«Ազգը» Հայհիդրոմետ ծառայության օդերեւութաբանության կենտրոնի պետ Զարուհի Պետրոսյանին խնդրեց մեկնաբանել, թե ինչպիսի եղանակ է սպասվում առաջիկա մեկ շաբաթվա ընթացքում: Նոյեմբերի 21-ի ցերեկվանից սկսած հանրապետության ողջ տարածքում սպասվում են տեղումներ, լեռնային եւ նախալեռնային շրջաններումՙ ձյան տեսքով: Արարատյան դաշտում եւ Երեւան քաղաքում ձյուն չի ակնկալվում: Օդի ջերմաստիճանը կնվազի 6-7 աստիճանով, սկսած 21-ի ցերեկվանից: 22-ին հանրապետությունում սպասվում է առանց տեղումների եղանակ, բացառությամբ Սյունիքի եւ Տավուշի մարզերի, որտեղ տեղումները կշարունակվեն նաեւ նոյեմբերի 23-ին: Մինչեւ նոյեմբերի 25-ը կգերակշռի առանց տեղումների եղանակ: Օդի ջերմաստիճանի բարձրացում կնկատվի նոյեմբերի 22-ից ու կդառնա +8+13 ցերեկը, 0-3 աստիճան ցուրտ Արարատյան դաշտավայրում: Նոյեմբերի 25-ի գիշերը մի քանի աստիճանով գիշերվա ջերմաստիճանը կբարձրանա մինչեւ +5 աստիճան:
