|
«ԱԶԳ» ՕՐԱԹԵՐԹ #43, 12-03-2010
| Անցուդարձ | Տեղադրվել է` 2010-03-12 01:26:47 (GMT +04:00) |
ՄԻՋՆԱԺԱՄԿԵՏ ԾԱԽՍԱՅԻՆ ԾՐԱԳԻՐԸ ՆԱԽԱՐԱՐՆԵՐԸ ՊԵՏՔ Է ՎԵՐՑՆԵՆ ՀՍԿՈՂՈՒԹՅԱՆ ՏԱԿ Ա. Մ. Կառավարության երեկվա նիստից առաջ վարչապետ Տիգրան Սարգսյանը դիմեց կառավարության անդամներին, հանձնարարելով բոլոր նախարարներին հսկողության տակ վերցրել միջնաժամկետ ծախսային ծրագիրը եւ համադրել հանրապետության նախագահի նախընտրական ծրագրի հետ: «Քանի որ հիմա աշխատանքներ են ընթանում, որոնք մենք պետք է ավարտենք հունիսին, բոլոր նախարարները պետք է ինձ ներկայացնեն գրավոր զեկուցագրեր իրենց տեսանելի խնդիրների մասին, որպեսզի կարողանանք հանրապետության նախագահի նախընտրական ծրագրում առկա թիրախները դարձնել իրականանալի», ասաց նաՙ ավելացնելով, որ զեկուցագրերում պետք է արտացոլվեն նաեւ այն խնդիրները, որոնք ծագել են 2009 թ. մեր մակրոտնտեսական ցուցանիշների վատթարացմանը զուգընթաց: Ըստ վարչապետիՙ զեկուցագրերը նախարարները կներկայացնեն մոտակա երկու շաբաթվա ընթացքում: |
