«Ա1+»-Ը ԿՄԱՍՆԱԿՑԻ ՀԵՌՈՒՍՏԱՏԵՍԱՅԻՆ ԿԱՊՈՒՂԻՆԵՐԻ ՄՐՑՈՒՅԹԻՆ Հ. Ա. Մարդու իրավունքների եվրոպական դատարանի վճռի հիման վրա, որը պարտավորեցնում էր ՀՀ կառավարությանը մրցույթ անցկացնել եւ հնարավորություն տալ «Ա1+» հեռուստաընկերությանը վերադառնալու եթեր, Եվրոպայի խորհրդի նախարարների կոմիտեն հրապարակել է որոշում, որում նշված է. «Ընդունել ի գիտություն այն տեղեկությունը, որը ներկայացրել է Հայաստանի կառավարությունը` հաստատելով 2010-ի հուլիսին մրցույթի կայացումը, որին պետք է մասնակցի դիմումատուն` «Ա1+»-ը»: Հավելենք նաեւ, որ Հայաստանում կապուղիների մրցույթները հեռուստաեթերի թվայնացման գործընթացների պատճառով երկու տարով դադարեցվել էին, իսկ այդ ժամկետը լրանում է հենց այս տարվա հուլիսին: | 
