Վրաստանի սահմանը ապօրինի հատելու համար ՀՀ քաղաքացի Համլետ Ադամյանին սպառնում է մինչեւ 5 տարվա ազատազրկում: «Ազատություն» ռադիոկայանի փոխանցմամբ` Վրաստանի սահմանային ոստիկանությունը ձերբակալել է 2008-ի հոկտեմբերի 22-ին ռուս-վրացական սահմանը` Մցխեթ-Մթիանեթի շրջանում հատելու համար: Հիշեցնենք, որ 2007-ից Ռուսաստանը փակել է Վրաստանի հետ սահմանը, հետեւաբար Ռուսաստանի տարածքից քաղաքացիների մուտքը Վրաստան դիտարկվում է որպես ապօրինի: Իր հերթին` վրացական «Գռուզի օնլայն» պարբերականը նշել է. «Հաճախ հայաստանցիները մուտք են գործում Վրաստանի օկուպացված տարածքներ, իսկ այնուհետեւ` Վրաստանի մնացյալ տարածքներ` վարչական սահմանների չպահպանվող հատվածներով»:
