Ֆուտբոլի Հայաստանի ազգային հավաքականի պաշտպան Ռոբերտ Արզումանյանը հավանաբար շուտով տեղափոխվի Ուկրաինայի «Կրիվբաս»: Լեհաստանի «Յագելոնիայում» հանդես եկող Արզումանյանի ծառայություններից թիմի գլխավոր մարզիչ Թոմաշ Հայտը մտադիր է հրաժարվել: Նա նշել է, որ Արզումանյանը խաղերի ժամանակ հաճախակի է սխալվում, բացի այդ էլ մշտապես առողջության հետ կապված խնդիրներ ունի: Դա է պատճառը, որ Արզումանյանը «Յագելոնիայի» հետ չմեկնեց Թուրքիաՙ ուսումնամարզական հավաքի, այլ մարզվում է թիմի երիտասարդական կազմում:
