ԱՐՄԱՆ ՓԱՇԻԿՅԱՆԸ ՇԱՐՈՒՆԱԿԵՑ ՀԱՂԹԱՐՇԱՎԸ Իրանում անցկացվող շախմատի մրցաշարի 5-րդ տուրում Արման Փաշիկյանը շարունակելով հաղթարշավըՙ պարտության մատնեց իրանցի Պոույա Իդանին: Իսկ ահա Լեւոն Բաբուջյանը 4 անընդմեջ հաղթանակներից հետո առաջին պարտությունը կրեց իրանցի Մորթեզ Մահջոբի հետ պարտիայում: 5 տուրից հետո Փաշիկյանն ու Մահջոբը 100 տոկոսանոց արդյունքով գլխավորում են աղյուսակը: Բաբուջյանն ունի 4 միավոր: 6-րդ տուրում ուշադրության կենտրոնում կլինի առաջատարների մրցավեճը, որում Փաշիկյանը խաղալու է սեւ գույնի խաղաքարերով: Կանանց մրցաշարում հաջող է հանդես գալիս Արման Փաշիկյանի կինըՙ Մարիա Կուրսովան, որը 4 տուրից հետո 3,5 միավորով 4 շախմատիստուհիների հետ գլխավորում է աղյուսակը: Կուրսովան մրցաշարը սկսեց իրանցիներ Բիտա Բագշանիի, Կիմիա Մորադիի եւ Դորսա Դերախշանիի նկատմամբ տոնած հաղթանակներով, իսկ 4-րդ տուրում ոչ-ոքի խաղաց Շայեստեհ Գհադերի հետ: Հետաքրքրական է, որ օտարազգիներից բացի Մարիա Կուրսովայից, Իրանի մրցաշարի 45 մասնակիցների թվում է միայն վրացի Սոֆիկո Խուխաշվիլին: Մնացած մասնակիցներն իրանցիներ են: | 
