«ԿԱՐՊԻՍ ՓԱՓԱԶՅԱՆ» ՄՐՑԱՆԱԿԸՙ ԴՈԿՏ. ՓԻԹԵՐ ԳՈԼԻՅՍԿՈՒՆ Հ. Ծ. Բուլղարացի եւ այլ երկրներից ժամանած պաշտոնական անձանց, մտավորականների ու հոգեւորականների ներկայությամբ մարտի 11-ին Սոֆիայի Ազգային երաժշտության ակադեմիայում կայացած համերգ-միջոցառման ժամանակ, որով մեկնարկել է Սոֆիայի ՀԲԸ միության կամերային նվագախմբի 6-րդ համերգաշրջանը մաեստրո Պետրոս Փափազյանի ղեկավարության ներքո, «Կարպիս Փափազյան» մրցանակ է շնորհվել բուլղարացի լեզվաբան, Սոֆիայի պետհամալսարանի հայկական գիտությունների բաժանմունքի վարիչ դոկտ. Փիթեր Գոլիյսկուն, իր հայանպաստ գործունեության, հայ-բուլղարական բանահյուսության փոխադարձ կապերի բացահայտման եւ երկու երկրների հարաբերությունների ամրապնդման գործում ունեցած դերակատարման համար: 1988-ին հիմնված այս մրցանակը շնորհվել է բարոնուհի Քարոլայն Քոքսին, դոկտ. Իվ Թերնոնին, դոկտ. Վոլֆգանգ Գուստին, Մոհամմեդ Ռիֆաաթ էլ Իմամին եւ այլոց: |
