ՀԱՂԹԵՑԻՆ ԱԴՐԲԵՋԱՆՑԻՆԵՐԻՆ Մոսկվայում ընթացող Վլադիմիր Դվորկովիչի շախմատի 7-րդ միջազգային մրցաշարի 4-րդ տուրում Հայաստանի պատանեկան հավաքականն առաջին հաղթանակը տոնեցՙ 2,5-1,5 հաշվով պարտության մատնելով ադրբեջանցիներին: Առաջին խաղատախտակի վրա Տիգրան Հարությունյանը հաղթեց Կանան Կիզաթին: Վլադիմիր Կանջարյանը պարտվեց Ուլվի Սադիխովին, Սուսաննա Գաբոյանը հաղթեց Ուլվիյա Ֆաթալիեւային: Միակ ոչ-ոքին գրանցվեց Մանուել Պետրոսյանի եւ Ամիլ Աբասովի մրցավեճում: Այս հաղթանակի շնորհիվ Հայաստանի հավաքականը վաստակեց 3 միավոր եւ մրցաշարի հետնապահի տեղը զիջեց Ադրբեջանի ու Լեհաստանի շախմատիստներին, որոնք վաստակել են 2-ական միավոր: 4-րդ տուրում առաջատարըՙ Չինաստանի հավաքականը, նոր հաղթանակ տոնեցՙ 3-1 հաշվով հաղթելով լեհերին: Չինաստանի ընտրանին ունի 8 միավոր: Դվորկովիչի անվան թիմը 6 միավորով 2-րդ տեղում է: Այդ թիմի շախմատիստները 2,5-1,5 հաշվով հաղթեցին թուրքերին: Ռուսները 3,5-0,5 հաշվով հաղթելով ուկրաինացիներին, 5 միավորով ընթանում են 3-րդ տեղում: |
