AZG Daily #39, 20-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

ՄԵԿ ՏԱՐԻ ԱՌԱՋ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 47. ԲՈՒՐԴ, ԱՍՐ, ԳԵՂՄ, ԿԻԶ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#045, 2013-03-26 > #046, 2013-03-27 > #047, 2013-03-28 > #048, 2013-03-29 > #049, 2013-03-30

«ԱԶԳ» ՕՐԱԹԵՐԹ #47, 28-03-2013



Տեղադրվել է` 2013-03-28 22:23:52 (GMT +04:00)


Ընթերցված է` 1365, Տպվել է` 79, Ուղարկվել է էլ.փոստով` 52

«ԱՐԳԵԼՎԱԾ ԳՐՔԵՐԻ» ՇԱՐՔԸ ԿՀԱՄԱԼՐՎԻ

ՄԱՆԱՆԱ ՀՈՎԱԿԻՄՅԱՆ

2012-ին «Անտարես» հրատարակչությունը նախաձեռնեց «Արգելված գրքեր» շարքի տպագրությունը, որի շրջանակում արդեն երեք գիրք լույս է տեսել` Էլիֆ Շաֆաքի «Ստամբուլի բիճը», Հենրի Միլերի «Խեցգետնի արեւադարձը» եւ Ջորջ Օրուելի «1984»-ը: Իսկ շուտով կհրատարակի եւս երեքը` Լորենսի «Լեդի Չաթըրլիի սիրեկանը», Միշել Վերբեկի «Տարրական մասնիկները» եւ Կամիլ լը Մոնիեի «Տղամարդու սերը»:

Գրականագետ Արքմենիկ Նիկողոսյանը երեկ լրագրողների հետ հանդիպմանը ընդգծեց, որ արգելված գրականություն ասելով` շատերը հասկանում են պոռնոգրաֆիա, ինչը թյուր կարծիք է: Նա օրինակ բերելով Էլիֆ Շաֆաքի «Ստամբուլի բիճը» գիրքըՙ ասաց, որ այն արգելված գրականության ցանկում է, սակայն այս վեպում պոռնոգրաֆիական ոչ մի տեսարան չկա: Նշենք, որ գրքերի գինը տատանվում է 5000-6000 դրամի սահմանում:

Վերջերս Facebook սոցիալական կայքում «Անտարես» հրատարակչությունը նկար էր տարածել, որը վենագրված էր` «գիրք կարդալը սեքսուալ է»: Այդ միտքը հանրության մոտ բուռն քննարկումների առիթ տվեց` մեծամասամբ բացասական: Դրա առթիվ Արմեն Մարտիրոսյանն ասաց. «Դա գրել էինք ոչ թե ընթերցողների, այլ չընթերցողների համար, որը մի փոքրիկ հնարք էր: Եվ հետո, սեքսապիլ նշանակում է գրավիչ, իսկ գիրք կարդալը գրավիչ չէ» [*]:

Անդրադառնալով ընթերցանությունը խթանող միջոցներից մեկին` գովազդին, «Անտարես» հրատարակչության տնօրեն Արմեն Մարտիրոսյանն ասաց. «Մեր իշխանության ներկայացուցիչներից հաճախ ենք լսում` գիրք կարդալ չեմ սիրում, քաղաքականությամբ զբաղվելու համար գիրք ընթերցել պետք չէ, եւ մարդիկ մտածում են, որ չաղ ու բախտավոր ապրելու համար գիրք ընթերցել պետք չէ»: Ըստ նրա, ընթերցանությունը խթանող միակ փորձը պետական պաշտոնյայի կողմից այն էր, երբ ԿԳ նախարար Արմեն Աշոտյանը աշակերտների հետ հանդիպման ժամանակ գիրք կարդաց նրանց համար:

Ա. Մարտիրոսյանը նշեց, որ շարքում պետք է լինեն միայն գեղարվեստական արժեք ներկայացնող գրքեր եւ ավելացրեց, որ շուտով հրատարակչությունը նախաձեռնում է նաեւ ստեղծել «Չնոբելյան մրցանակակիրներ» շարք, որը ներկայացնելու է Նոբելյան մրցանակ այդպես էլ չստացած հեղինակների գործերը:

Արմեն Մարտիրոսյանը ցավով նշում է, որ ընթերցողների թիվը 90 տոկոսով նվազել է, որը երեւում է գրքերի վաճառքի քանակից:

Անդրադառնալով գրքի Աբովյան փողոցի գետնանցումում գտնվող տոնավաճառի փակման խնդրին` պարոն Մարտիրոսյանն ասաց, որ տարիներ շարունակ հայաստանյան հրատարակչական ընկերությունները տուժել է այդ «սեւ շուկայից» եւ ամենամեծ վտանգն այն էր, որ հրատարակչությունների կողմից հրատարակած գրքերի պատճենված տարբերակներն էին վաճառվում «սեւ շուկայում», ու ընթերցողն էլ հանցակից էր դառնում դրան:

(*) Այս արտահայտությունըՙ sexappeal, հայերեն կարելի է թարգմանել

սեռագրավիչ կամ սեռահրապուրիչ:

 
 

«ԱԶԳ» ՕՐԱԹԵՐԹ #47, 28-03-2013


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.