AZG Daily #15, 20-04-2018

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

ՄԵԿ ՏԱՐԻ ԱՌԱՋ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 18. Ի՞ՆՉ Է ԱՆՈՒՆԴ. ԱՐՄԵ՞Ն
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#083, 2013-05-21 > #084, 2013-05-22 > #085, 2013-05-23 > #086, 2013-05-24 > #087, 2013-05-25

«ԱԶԳ» ՕՐԱԹԵՐԹ #85, 23-05-2013



ԲԵՅՐՈՒԹ

Տեղադրվել է` 2013-05-22 23:50:18 (GMT +04:00)


Ընթերցված է` 1005, Տպվել է` 42, Ուղարկվել է էլ.փոստով` 41

ՅԱՍՄԻԿ ՇԱՀԻՆԵԱՆԻ «ՆՇԱՆՍ» ԳԻՐՔԻ ԳԻՆԵՁՕՆԸ

Կազմակերպութեամբ Համազգայինի Լիբանանի շրջանային վարչութեան վերջերս «Լ. Շանթ» կեդրոնի «Գ. եւ Հ. Արմէնեան» սրահին մէջ տեղի ունեցաւ «Նշանս» մանկական գիրքին գինեձօնը: Հեղինակն է Յասմիկ Շահինեանը, իսկ նկարազարդումը կատարողըՙ Ալիք Արզումանեանը:

Ձեռնարկին բացումը կատարեց Աղաւնի Առաքելեանը, որ ներկայացնելով գիրքը նշեց, թէ առաջին անգամն է, որ գինեձօն կը կազմակերպուի մանկական գրականութեան ծիրին մէջ: Ան անդրադարձաւ մանկական գիրքերուն կարեւորութեան եւ աշակերտներուն միտքի զարգացման վրայ անոնց ունեցած ազդեցութենէն: Ան նշեց, որ գիրքին չափը, ձեւը, որակը, տառատեսակը, հասկնալի նախադասութիւնները եւ բարձրորակ տպագրութիւնը առաջին իսկ վայրկեանէն կը գրաւեն փոքրիկ ընթերցողն ու ունկնդիրը:

Ա. Առաքելեան դիտել տուաւ, որ ծնողները պարտաւոր են իրենց զաւակներուն ընթերցել նման գիրքեր եւ ընթերցանութիւնը սիրցնել իրենց զաւակներունՙ մանուկ տարիքէն:

Իր աշակերտներուն հետ ունեցած փորձառութիւնը փոխանցելով ներկաներուն` ան գիրքը որակեց հաճելի, հետաքրքրական եւ շինիչ, մանաւանդ որ գրական-գեղարուեստական բոլոր պահանջները կը լրացնէ:

Ապա Նորա Թաշճեան կատարեց գիրքին վերլուծումը` նշելով, որ գիրքը կը յատկանշուի բծախնդրութեամբ, անկեղծութեամբ ու երեւակայութեամբ: Ան ունի մատչելի ու պարզ լեզու, պատկերաւոր ոճ ու մանուկներու ներաշխարհը հարստացնող, հարցասիրութիւնը գրգռող ու հնարամտութիւնը խթանող բովանդակութիւն:

Այս բոլորը ամբողջացնող ու լրացնող մասը կը պարտի Ալիք Արզումանեանի պատկերազարդումին, նշեց ան:

Ն. Թաշճեան յայտնեց, որ մանկական գրադարանը հարստացնող «Նշանս» գիրքով Յասմիկ Շահինեան կը յաջողի բացայայտել, թէ պատանիի մը ֆիզիքական թերութիւնը որքանով կ՛ազդէ անոր ինքնարժեւորման վրայ, որքան կարեւոր է անկէ ձերբազատիլը` ներքին խաղաղութիւն մը հաստատելու ու ազատօրէն յարաբերելու համար շրջապատին հետ:

Նորա Թաշճեանի խօսքէն ետք Սիլվա Քիւրքճեան կատարեց գիրքէն ընթերցում` մանկական հարազատ ոճով:

Ապա գիրքին հեղինակը` Յասմիկ Շահինեան, իր սրտի խօսքը փոխանցեց ներկաներուն: Շնորհակալութիւն յայտնելով առաջին հերթին Շրջանային վարչութեան այս նախաձեռնութեան համար` ան անդրադարձաւ գիրքի զարգացման հանգրուաններուն, թէ ինչպէս միտքը վերածուեցաւ երեւակայութեան թռիչքի եւ մանկական յուզմունք մը վերածուեցաւ պատմութեան: Ան նաեւ շնորհակալութիւն յայտնեց Ալիք Արզումանեանին` իր պատկերացումները ճիշդ նկարելու եւ ներկայացնելուն համար, ինչպէս նաեւ բոլոր անոնց, որոնք իր կողքին եղան եւ քաջալերեցին զինք այս գործին համար: Հեղինակը շնորհակալութիւն յայտնեց նաեւ «Շիրակ» հրատարակչատան, որ կրցաւ շատ դիւրաւ ընկալել եւ իր գործը դիւրացնել բարձրորակ տպագրութիւն ապահովելով իր գիրքին:

Հեղինակին խօսքէն ետք բեմ հրաւիրուեցաւ գրող, հրապարակախոս Թորոս Թորանեան, որ շեշտեց նոր սերունդին վստահելու հրամայականը` նշելով որ այս գիրքը իր հեղինակով, նկարիչով, հրատարակիչով բոլորը նոր սերունդի յուսալի ներկայացուցիչներ են: Ան աւելցուց` ըսելով, որ պէտք չէ վախնանք նոր սերունդէն, այլ պէտք է վստահինք անոր:

Խօսք առաւ նաեւ բանաստեղծ եւ թարգմանիչ Սարգիս Կիրակոսեան, որ ըսաւ, թէ այս գիրքին մէջ ինք կը գտնէ բանաստեղծական ոճ եւ այժմէականութիւն:

Ապա տեղի ունեցաւ գիրքին գինեձօնը` ձեռամբ հեղինակ Յասմիկ Շահինեանի, Թորոս Թորանեանի եւ Սարգիս Կիրակոսեանի:

Աւարտին տեղի ունեցաւ գիրքի մակագրութիւն:

 
 

«ԱԶԳ» ՕՐԱԹԵՐԹ #85, 23-05-2013


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.