AZG Daily #14, 17-04-2015

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

Սրբագրում եւ խմբագրում ամեն ծավալի ու բովանդակության հայերեն տեքստերի, գրքերի
E-mail: xachagox@mail.ru
հեռ.ՙ 094 48-68-03

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

ՄԵԿ ՏԱՐԻ ԱՌԱՋ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 36. ԿԱՆԱՑ ՍՐԱՀ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#103, 2013-06-20 > #104, 2013-06-21 > #105, 2013-06-22 > #106, 2013-06-25 > #107, 2013-06-26

«ԱԶԳ» ՕՐԱԹԵՐԹ #105, 22-06-2013



Խարդախության զոհեր

Տեղադրվել է` 2013-06-22 11:40:37 (GMT +04:00)

ԴԱՏԱԿԱՆ ԽԱՐԴԱԽՈՒԹՅՈՒՆՆԵՐԻ ԿԾԻԿՈՒՄ

ԻՆԳԱ ՊԵՏՐՈՍՅԱՆ

Քարոլին Բաղումյանն ամերիկահայ բժիշկ-ատամնաբույժ է: Նա վաղուց երազել է հաստատվել Հայաստանում եւ ցանկացել, որ իր դուստրը մեծանա հայրենիքում:

2005 թվականին Քարոլին Բաղումյանը գնել է հողամաս Երեւանի Նորք-Մարաշի 13 փողոցում ու այնտեղ սկսել կառուցել իր առանձնատունը: Նա Երեւան ժամանել է 2004-ին, մինչ այդ արդեն համացանցի միջոցով բնակարան է վարձած եղել: Տան բանալին նրան փոխանցել է Նունուֆար Հովհաննիսյանը, որն ասել է, թե շինարար է, ունի շինարարական խումբ ու կարող է Քարոլին Բաղումյանին օգնել Հայաստանում մշտապես բնակություն հաստատելու հարցում: Արդեն 2005-ին հողամաս գնելու ու առանձնատուն կառուցելու գործողությունները կատարել է Քարոլին Բաղումյանի լիազորած Նունուֆար Հովհաննիսյանը, իսկ այդ ընթացքում տիկին Բաղումյանն ապրել է Միացյալ Նահանգներում եւ այցելել Հայաստան երբեմն ու մի քանի օրով: Սակայն գումարային բոլոր վճարումները` հողի գնման, շինարարության ու բանվորների վարձատրման համար կատարել է բանկով, ու մի փոքր մասն էլ կատարել է առձեռն, եւ ունի վճարումների բոլոր կտրոններն ու ստացականները: Քարոլին Բաղումյանի պատմությանն անդրադարձել է նաեւ Hetq.am-ը, որից բառացիորեն մեջբերում ենք մի հատված. «ՆունուՖար Հովհաննիսյանի հետ պայմանավորվեցինք, որ իմ միջոցներով պետք է գնի հողամաս եւ դրա վրա կառուցի առանձնատուն: Նրան փոխանցեցի համապատասխան ձեւի ու բովանդակության լիազորագրեր, որ իմ փոխարեն կատարեր գործարքներ: Ընդհանուր վերցրած` բանկային փոխանցումներով եւ կանխիկ, Նունուֆարին տվել եմ 539 հազար դոլար (բոլոր փաստաթղթերը կան, եւ նա չի հերքում, որ այդքան գումար է ստացել)», պատմել է Քարոլին Բաղումյանը: 2005 թվականին Նորքի 13 փողոցում Նունուֆար Հովհաննիսյանը 45 հազար դոլարով 550 քմ հողամաս է գնել (ավելի ուշ պարզվել է, որ հողամասի իրական գինը 38 հազար է եղել-հեղ.) եւ սկսել առանձնատան շինարարությունը:

Սակայն տան շինարարությունը ձգձգվել է մինչեւ 2009 թվականը, այդ ժամանակ էլ գալով Երեւանՙ Քարոլին Բաղումյանը տեսել է, որ 5 տարվա մեջ կառուցվել է հազիվ մի կիսակառույց շինություն: Իսկ Նունուֆար Հովհաննիսյանը նրանից տարիներով գումարներ է պահանջել առանձնատունը վերջնական տեսքի բերելու համար: Քաղաքապետարանի աշխատակազմի քաղաքաշինության եւ հողի վարչության պետի գրության համաձայն` տեղատեսությամբ պարզվել է, որ կիսակառույցում առկա են նախագծային շեղումներ: Իսկ շենքը, ըստ 2010-ի դեկտեմբերին կատարված գնահատման, արժե 114 միլիոն դրամ, այսինքն` շուրջ 200 հազար դոլարով պակաս գումար է ներդրվել դրա վրա, քան Քարոլինը հատկացրել է Նունուֆար Հովհաննիսյանին: Պարզվել է նաեւ, որ Նունուֆարը շինարարական գործունեություն ծավալելու լիցենզիա չի ունեցել, հաշվապահություն չի վարել ու շինաշխատանքներ կատարելիս որեւէ մեկի հետ համապատասխան պայմանագրեր չի կնքել:

Հասկանալով, որ խաբված է, Քարոլին Բաղումյանը դադարեցրել է իր հարաբերությունները Ն. Հովհաննիսյանի հետ, եւ ինչպես տիկին Բաղումյանն է ասում, այստեղից էլ սկսվել է իր կյանքի մղձավանջային շրջանը. «Նունուֆարն օգտվելով հայերենի իմ վատ իմացությունից, ՀՀ օրենքները չիմանալուց եւ ամենացավալի փաստից` հային հավատալու հանգամանքից, ինձ ներքաշել է դատական մի քաշքշուկի մեջ, ինչից չեմ կարողանում ոչինչ հասկանալ: Եվ հիմա ստացվել է այնպես, որ ես պարտք եմ Ն. Հովհաննիսյանին` իբրեւ անհիմն հարստություն, եւ իմ ողջ ունեցվածքը` հող, տուն, մեքենա, լրիվ գրավ է դրված, եւ ես սնանկացած, զրկված իմ վաստակած գումարով Հայաստանում տուն ունենալու եւ ապրելու երազանքից` պիտի լքեմ Հայաստանը»: Ի դեպ, Նունուֆար Հովհաննիսյանը մինչ տիկին Քարոլինի դեմ դատարան դիմելը Տերյան 65 հասցեի 12 բնակարանը, որը պատկանում է հենց իրեն, գրանցել է ուրիշ անձի անունով, բայց հիմա բնակվում է հենց նույն բնակարանում:

Նունուֆար Հովհաննիսյանը, դիմելով դատարան, պահանջել է հօգուտ իրեն տիկին Քարոլինից բռնագանձել 40 հազար դոլար ու սրան էլ գումարել համապատասխան տույժ-տուգանքի տոկոսագումարը:

Ըստ Hetq.am-ի` Կենտրոն ու Նորք-Մարաշ վարչական շրջանների առաջին ատյանի դատավոր Էդիկ Ավետիսյանը դատարանում Քարոլինին հարցրել է` ընդունո՞ւմ ես: «Նիստի ձայնագրությունը կա. 5 անգամ ասում եմ` ոչ, ոչ...Բայց դատավորը «պեչատում է», որ ես համաձայն եմ, հաշտության համաձայնագիրն իր որոշմանը չի էլ կցում (ինչն օրենքով պարտավոր է) եւ իմ փոխարեն որոշում է, որ հաշտությանը համաձայն եմ», պատմել է Քարոլին Բաղումյանը: Ոչինչ չեն փոխել նաեւ Վերաքննիչ ու Վճռաբեկ դատարանները: Ի դեպ, Նունուֆար Հովհաննիսյանը դատավոր Գայանե Կարախանյանի հորաքրոջ աղջիկն է, ինչն էլ հեշտացրել է կաշառքով եւ ծանոթ-բարեկամների միջոցով դատական հարցերը հօգուտ իրեն լուծելու գործը:

Ըստ տիկին Քարոլինի փաստաբանի` ոստիկանությունը հետաքննություն է սկսել: Տիկին Քարոլինը դիմել է նաեւ սփյուռքի ու արդարադատության նախարարներին, սակայն ոչինչ չի փոխվել, իսկ նախագահականից պատասխանել են, որ տիկին Քարոլինի` իրենց ուղղված դիմումը մակագրվել է գլխավոր դատախազություն:

Հայտնվելով խաբեբայությունների, կեղծարարությունների շղթայում` տիկին Քարոլինը մեր անկատար իրավական համակարգից փոխանակ պաշտպանություն ստանալու, տեսել է հակառակ մոտեցումը ու հիմա սեփական հայրենիքում հայտնվել մոլորության մեջ: Տիկին Քարոլինը արդեն մի անգամ բաց նամակով դիմել է հանրապետության նախագահին, նամակում ասում է. «Չեմ ուզում արժանանալ այն սփյուռքահայերի բախտին, որոնք այստեղ որոշ խաբեբաների հանդիպելուց հետո լքել են հայրենիքը` այլեւս չուզենալով լսել նրա մասին: Ես համագործակցում եմ ԱՄՆ-ի բժիշկ իմ գործընկերների հետ, եւ ունենք մեծ ծրագիր օգնելու հայ հիվանդ մանուկներին: Սակայն մի քանի խաբեբաներ դրդում են, որ հրաժարվեմ նաեւ բարեգործական այս ծրագրից»:

Քարոլին Բաղումյանը միակ սփյուռքահայը չէ, որն ուզում է ապրել հայրենիքում, ուզում է իր աշխատանքն ու ավանդը դնել ոչ թե ուրիշ երկրի զարգացման մեջ, այլ` հայրենիքի, սակայն իրավական ու գերատեսչական մարմինների անարդար, մարդկային հոգեբանության հանդեպ անտարբեր ու հայրենիքի բարօրությամբ, տվյալ դեպքում, կարող ենք ասել, բացարձակապես չհետաքրքրված վերաբերմունքը ոչ միայն չի դրդում հայրենադարձության, այլեւ դրդում է արտագաղթի: Եվ Քարոլինի հետ պատահածը, ժողովրդի լեզվով ասած, «խաբող ու քցող» վերաբերմունքը ցույց են տալիս, որ հաճախ իր երկրում հայ մարդն անպաշտպան է, մարդն իր շահերը չի կարողանում պաշտպանել օրենքով: Ու նույնիսկ օրենքի պաշտպաններն են արհամարհում օրենքն ու իրենց դիմած քաղաքացիներին, որոնք օրենքով պաշտպանվելու կարիք ու հայրենիքում ապրելու ցանկություն ունեն:

Այնուամենայնիվ, տիկին Քարոլինը, ի տարբերություն շատ սփյուռքահայերի, թեեւ հուսահատված, բայց շարունակում է պայքարել իր հայրենիքում ապրելու եւ հայ զավակ դաստիարակելու համար: Եվ արդարության հույսով ու վստահությամբ նա իր երկրորդ նամակն է ուղղում հանրապետության նախագահին: Կից ներկայացնում ենք նախագահին ուղղված նրա երկրորդ նամակը:

Նկար 1. «Շինարար» Նունուֆար Հովհաննիսյանը

Նկար 2. Քարոլին Բաղումյանի կիսակառույց սենյակներից մեկը

Նկար 3. Կիսակառույցից մեկ այլ պատկեր

 
 

«ԱԶԳ» ՕՐԱԹԵՐԹ #105, 22-06-2013


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.
 

Կայքի նորություններ

2015-04-20 00:24:25

Կոալիցիայում "ցեղասպանություն" բառեզրի կողմնակիցներն աճում են

Ապրիլի 19 - Բունդեսթագում ապրիլի 24-ի նիստին Հայոց ոճրագործությունը ցեղասպանություն բնորոշելու կողմնակիցների թիվը կոալիցիայում աճում է, ծանուցում է t-online առցանց լրատունՙ ապրիլի 19-ի երեկոյանՙ նշելով նաեւ, թե արտգործնախարար Շթայնմայերը շարունակում է մերժել դրա կիրառումը։ Մեծ կոալիցիան աշխատում է համապատասխան ձեւակերպման վերաբերյալ, "Սաարբրյուքեր ցայթունգին", ասել է Քրիստոնյա դեմոկրատական միության անդամ Բուդեսթագի համանուն խմբակցության արտաքին քաղաքականության գծով պատասխանատու Ֆրանց Յոզեֆ Յունգը։ "Բունդեսթագը կանվանի ցեղասպանություն", գրում է նաեւ առցանց "Ցայթը"։ Թուրքիայի կառավարության հնարավոր բողոքին ի պատասխան Յունգն ասել է. "Երբ նկարագրում ես եղելությունն այնպես, ինչպես եղել է, չես սադրում"։ Պատմության վերանայումը նպաստում է հաշտեցմանը։ "Ուզում ենք, որ վերջին տարիների շրջափակումը հաղթահարվի, Հայաստանի եւ Թուրքիայի միջեւ հաշտության գործընթաց վերսկսվի"։ Գերմանիայի Ավետարանական եկեղեցու խորհրդի պաշտոնաթող նախագահ Քեսմաննը պահանջել է հստակ խոսելՙ "պատմությունից այն ժամանակ միայն դաս կքաղենք, երբ ցեղասպանությանը ցեղասպանություն անվանենք"։ "Հարյուրհազարավոր հայերի մահը ոչ դժբախտ պատահար է, ոչ էլ պատահականություն, այլՙ ցեղասպանություն", ասել է ՔԴՄ փոխնախագահ Յուլիա Քլյոքները "Վելթ ամ զոնթագին"։ Կանաչների առաջնորդ Չեմ Էոզդեմիրը նույն թերթին փոխանցել է, թե "Քրիստոնյա-դեմոկրատական քրիստոնյա-սոցիալիստական միությունը պիտի լավ մտածի, թե այս պատմական վիճարկմանը որ կողմում է հանդես գալիս։ Չեմ կարծում, թե Կոնրադ Ադենաուերի եւ Հելմուտ Քոհլի կուսակցությունը ցեղասպանությունն ուրացողների կողմն է բռնելու", ասել է նա։ Երեքշաբթի ՙ ապրիլի 21-ին նախատեսված քննարկմանը ՔԴՄ պատգամավոր Քրիստոֆ Բերգները հանդես է գալու "ցեղասպանություն" բառեզրի վերականգնման օգտին։ Իսկ արտգործնախարար Շթայնմայերի ձեւակերպմանը որքան էլ ըմբռնումով, այդուհանդերձ Բերգները հակադարձում էՙ "ապացույցները, որ ցեղասպանություն էր, արտգործնախարարության արխիվներում են"։

Անահիտ Հովսեփյան , Գերմանիա

2015-04-19 22:22:29

Բան Կի Մունի բնորոշմամբ` atrocity crimes, ոչ թե ցեղասպանություն

Worldisraelnews.com-ի հաղորդմամբ, ՄԱԿ-ի գլխավոր քարտուղար Բան Կի Մունը մերժել է Հայոց ոճիրը Հռոմի պապի բնորոշմամբ "ցեղասպանություն" եզրույթով անվանել։ Ըստ իսրայելյան հիշյալ աղբյուրի, գլխավոր քարտուղարը Ֆրանցիսկոս պապի` "20 - րդ դարի առաջին ցեղասպանություն" աստիճանավորման փոխարեն ասել է, թե "եղածը ոչ թե ցեղասպանություն, այլ գազանություն, վայրագություն, ոճիր է ( բնագրումՙ "atrocity crimes." - Ան. Հ.)"։ ՄԱԿ-ի խոսնակը փոխանցել է լրագրողներին, թե Բան Կի Մունը իրազեկ է պապի գործածած եզրույթին, բայց գիտակցում է, որ այդ բնորոշումն առնչվում է զգայնությունների, իսկ այն երկրները, համայնքները, որոնց վերաբերում է հարցը, երկխոսության մեջ են։ Կարծում եմՙ կարեւոր է, որ դրանք շարունակվեն, փոխանցել է խոսնակը։ Լրատուն իր շարադրանքում գործածում է Հայոց ցեղասպանություն (Armenian genocide) ձեւը եւ նշում, թե 1943-ին Լեմկինը ցեղասպանություն եզրաբառը ստեղծել է` նկատի ունենալով հայերին։ Իսրայելի պաշտոնական դիրքորոշումը ոչ ճանաչում, ոչ էլ ժխտում է Հայոց ցեղասպանությունըՙ Թուրքիայի եւ Ադրբեջանի զգայուն հարաբերությունները նկատի ունենալով։

Անահիտ Հովսեփյան, Գերմանիա

2015-04-18 18:19:55

"Հայաստանը երեկ եւ այսօր"

2016-ի ցուցահանդեսը եւ թուրքերի հնարավոր բողոքը

18 ապրիլի - Գերմանական SWR հեռուստատեսությունը հաղորդում է, թե հնարավոր է, որ 2016 -ի ամռանը Բոդենզեին մերձակա Իուբերլինգենի (Ueberlingen) քաղաքային պատկերասրահում Հայաստանի ժամանակակից արվեստը ներկայացնող ցուցահանդեսը վեճերի առիթ տա, քանի որ առնչվում է 100 տարի առաջ հայերի դեմ կատարված ոճրագործությանը։ "Դի վելթը" մանրամասնում է, թե "Հայաստանը երեկ եւ այսօր. գեղանկարչություն եւ լուսանկարչություն 1975-2015" վերնագրյալ ցուցահանդեսն անցկացվելու է հունիսից նոյեմբեր, այս ժամանակահատվածում ցուցադրվելու են նաեւ` ֆիլմեր, ներկայացվելու է Հայաստանի երաժշտական ժառանգությունը, կազմակերպվելու են քննարկումներ, եւ հիշատակված միջոցառումները Հայոց ցեղասպանության թեման չեն շրջանցելու։ 100 000 եվրո արժողությամբ ցուցահանդեսի նպատակը ոչ թե սադրելն է, այլ մեր տարածաշրջանում ապրող թուրքերի եւ հայերի միջեւ երկխոսությունը քաջալերելը, մեկնաբանել է քաղաքապետ Բեքերը։ "Մեր երկրում հարգում են կարծիքի ազատությունը , իսկ արվեստը ազատ կարծիք արտահայտելու մի ձեւ է", նկատել է տվել անկուսակցական քաղաքապետ Զաբինե Բեքերը` հավելելով, թե "միջոցառումների շրջանակը հնարավորություն է տալու իհարկե սեփական կարծիք ձեւավորել" ։ Գերմանիայի հարավում գտնվող Բոդենզեի շրջանում համեմատաբար մեծաթիվ հայեր են ապրում։ Ցուցահանդեսի կազմակերպիչները հույս ունեն, որ այցելուներ կունենան նաեւ սահմանակից Շվեյցարիայից եւ Ավստրիայից։ Մեր կողմից հավելենք, որ "Ազգում" ժամանակին իրազեկել ենքՙ այդ շրջանում է գտնվում Կոնստանցի թատրոնը, որ 2014-ին բեմադրել էր Հիլզենրաթի "Վերջին մտքի հեքիաթը" , ինչը բորբոքել էր տեղի թուրքերին ։ (Մանրամասները` տե՛ս "Ազգ" 18-04-2014, 02-05-2014)։

Անահիտ Հովսեփյան, Գերմանիա

2015-04-17 23:56:33

"Ցեղասպանություն" եզրաբառի վերաբերյալ Բունդեսթագի կոալիցիայի ներսում էլ բողոք կա

"Ցեղասպանություն" բառեզրի վերաբերյալ կրքերը Գերմանիայի քաղաքական վերնախավում թեժանում են: Հեռուստատեսության առաջին ալիքը` ARD - ն իր "Օրվա համայնապատկեր" (Tagesschau) լրատվական ծրագրում ապրիլի 17-ին ժամը 14.25-ին հաղորդում է, թե Բունդեսթագում առաջիկա շաբաթ "հայերի դեմ 100 տարի առաջ իրականացված կոտորածների հիշատակին" նվիրված նիստում, եթե Դաշնային կառավարության ցանկությամբ լինի, "ցեղասպանություն" բառեզրը չպիտի կիրառվի: Սրա դեմ զգալի բողոք կա, նաեւՙ կոալիցիայի ներսում, իրազեկում է հեռուստատեսությունը: Այնուհետ ներկայացնում, թե պատմաբաններն արդեն վաղուց են արձանագրել, որ եղածը ցեղասպանություն է` մտադրված, պետականորեն կազմակերպված բնաջնջման քաղաքականություն: 1987-ից ի վեր Եվրոպական խորհրդարանը այս բնորոշումն է գործածում, եվրոպական բազմաթիվ երկրներ, դրանց թվում` Ֆրանսիան, Շվեյցարիան, Նիդեռլանդներըՙ նմանապես: Հռոմի պապ Ֆրանցիսկոսն էլ " ցեղասպանություն " եզրաբառը գործածեց: Բայց Դաշնային կառավարությունը այլ հայացք ունի, նշում է հեղինակը` վկայակոչելով արտգործնախարար Շթայնմայերի` ապրիլի 17- ին հնչեցրած պատասխանը, որն արդեն ներկայացրել ենք "Ազգի" այսօրվա լրահոսում: Բունդեսթագի պատգամավորների մեջ աճում է "ցեղասպանություն" բառը կիրառելու կողմնակիցների թիվը: ԳԴՀ օրենսդիր մարմնի արտաքին հարաբերությունների հանձնաժողովի նախագահ, քրիստոնյա դեմոկրատական կուսակցության անդամ, մասնագիտությամբ իրավաբան Նորբերթ Ռյոթգենը (Norbert Roettgen) կողմ արտահայտվելով իրերն իրենց անունով կոչելուն, նկատել է տալիս, թե Թուրքիայի հանդեպ չափազանցված ուշադրություն կա այն դեպքում, երբ օսմանյան կայսրության իրավահաջորդ Թուրքիան հայոց "ցեղասպանության" մասին չի էլ ուզում իմանալ եւ արդեն այդպես արտահայտվելու համար լուրջ գրոհել է Հռոմի պապի վրա: Կառավարող նույն կուսակցության անդամ "Ընդդեմ տեղահանությունների" կենտրոնի նախագահ Էրիկա Շթայնբախն էլ համակարծիք է իր կուսակից Ռյոթգենին։ "Վերջապես հասել է ժամըՙ վերապահ կեցվածքից հրաժարվելու եւ Հայոց ցեղասպանությունը նաեւ պաշտոնապես ճանաչելու առումով"։ Մեր նախորդ հրապարակումներում իրազեկել ենք, որ նույն կուսակցության անդամ Քրիստոֆ Բերգներն էլ պնդում է, որ բառեզրը պիտի ամրագրվի: "Ես "ցեղասպանություն" եզրաբառից խուսափելու յուրաքանչյուր փորձի դեմ եմ ", ասել է Բերգները եւ Դաշնային կառավարությունից պահանջել` գերմանական առանձնահատուկ պատասխանատվության գիտակցությամբ անցյալի իրադարձությունները թուրքական ակնկալիքներին համապատասխան ձեւով չշարադրել":

Ապրիլի 16-ի մեր լրահոսում ծանուցել ենք "Շփիգելի" առցանց քվեարկության մասին: Ապրիլի 17-ի ժամը 19.20 -ի տվյալներով, հարցման 19343 մասնակիցներից 16 874 -ը կամ 87, 24 տոկոսը կողմ են` Դաշնային կառավարությունը չպետք է լռիՙ ցեղասպանությունը պիտի անվանի ցեղասպանություն։

Անահիտ Հովսեփյան, Գերմանիա

2015-04-17 14:57:10

ԳԴՀ կառավարությունը դեռ չի սահմանել

17 ապրիլի - "Գերմանիայի կառավարությունը դեռ չի սահմանել 100 տարի առաջ 1,5 միլիոն հայերի կոտորածները ինչպես բնորոշել", իրազեկում է գերմանական dpa գործակալությունըՙ ապրիլի 17-ին։ Նույն բովանդակությամբ հոդված է հրապարակել նաեւ առցանց "Ֆրանկֆուրտեր ալգեմայնեն"։ Հռոմի պապի` Հայոց ցեղասպանությունը` որպես 20-րդ դարի առաջին ցեղասպանություն բնորոշումից հետո, երբ Թուրքիայի նախագահ Էրդողանը հրաժարվում է պատասխանատվությունից, ԳԴՀ արտգործնախարարն ի՞նչ դիրքորոշում ունի։

Գերմանիայի արտգործնախարար Ֆրանկ Վալտեր Շթայնմայերը էստոնիա այցի ճանապարհին անդրադառնալով Հայոց դեմ կատարված ոճրագործությունը սահմանելու հարցին պատասխանել է, թե "անցյալի ոճրագործությունը բառեզրով կամ բառեզրի շուրջ վիճաբանությամբ պետք չէ սահմանափակել" ։ Միեւնույն ժամանակ Շթայնմայերը նկատել է տվել , թե դեռեւս չեն ավարտվել Բունդեսթագում հայտարարության առիթով գործադրվող ջանքերը։ Լրատվական գործակալությունը հիշեցնում է, թե Դաշնային կառավարությունը "ցեղասպանություն" բառեզրը չի գործածում։

Անահիտ Հովսեփյան, Գերմանիա

2015-04-17 13:54:27

Ավստրիան ապրիլի 24-ին կճանաչի Հայոց ցեղասպանությունը

Ավստրիական "Կուրիերը" ապրիլի 17-ին փոխանցում է, թե ավստրիական ժողովրդական կուսակցությունը, սոցիալ- դեմոկրատական կուսակցության հետ, ընդդիմության ճնշման տակ, առաջին անգամ Ավստրիայի Ազգային Խորհրդումՙ պառլամենտում հանդես են գալու Հայոց ցեղասպանությունը ճանաչելու հայտարարությամբ։ Սրանով Ավստրիայի խորհրդարանը առաջին անգամ պաշտոնապես կճանաչի Հայոց ցեղասպանությունը։ 21 երկիր արդեն պաշտոնապես ճանաչել է, գրում է վերոնշյալ աղբյուրըՙ հիշեցնելով, թե Ավստրիան դրանց շարքում չի ընդգրկվել։ Ապրիլի 24-ինՙ ճիշտ 100 տարի հետո, Ավստրիայի խորհրդարանն առաջին քայլը կանի ճանաչելու ոճրագործությունը։

Անահիտ Հովսեփյան, Գերմանիա