AZG Daily #39, 20-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

ՄԵԿ ՏԱՐԻ ԱՌԱՋ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 114. ԻՆՉՈ՞Ւ ԿԼՈՆ ԵՎ ՈՉՙ ԿՐԿՆԱԿ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#001, 2014-02-28 > #002, 2014-03-07 > #003, 2014-03-14 > #004, 2014-03-21

«ԱԶԳ» ՕՐԱԹԵՐԹ #2, 07-03-2014



ՇՈՒԿԱ

Տեղադրվել է` 2014-03-06 23:48:30 (GMT +04:00)


Ընթերցված է` 4174, Տպվել է` 98, Ուղարկվել է էլ.փոստով` 77

ԻՆՉՊԵՍ Է ՓՈԽՎԵԼ ՀԱՅԱՍՏԱՆԻ ԱՆՇԱՐԺ ԳՈՒՅՔԻ ՇՈՒԿԱՆ 1 ՏԱՐՎԱ ԸՆԹԱՑՔՈՒՄ

ԱՐԱ ՄԱՐՏԻՐՈՍՅԱՆ

Անշարժ գույքի կադաստրի պետական կոմիտեի` շուկայի վերլուծության տվյալների համաձայն, 2013-ին Հայաստանի անշարժ գույքի շուկայում կատարվել են 48716 օտարման գործարքներ, որոնց 74,3 տոկոսը առքուվաճառքներինն է: Նախորդ 2012-ի համեմատ օտարման գործարքների քանակը նվազել է 3,6 տոկոսով: Ինչպե՞ս են փոխվել բնակարանների եւ անհատական տների գները Երեւանում ու մարզերում, ի՞նչ է տեղի ունեցել հողի շուկայում, որքանով են ավելացել հիպոթեկային վարկավորման ցուցանիշները:

Երեւանում բնակարանների եւ անհատական տների գների փոքր աճ

Բնականաբար, անշարժ գույքի գործարքների մեծ մասն արձանագրվում է բնակարանների նկատմամբ եւ Երեւանում: Այսպես` օտարման գործարքների քանակի 40,7 տոկոսն արձանագրվել է Երեւան քաղաքում: Մայրաքաղաքում 14677 առքուվաճառքի գործարքների 60,5 տոկոսն արձանագրվել է բազմաբնակարան շենքերի բնակարանների նկատմամբ: 2012-ի համեմատ, բնակարանների առքուվաճառքի գործարքների քանակը Երեւանում 2013-ին աճել է 6,9 տոկոսով:

Բնակարանների շուկայական միջին գները Երեւանում 2013-ին 2012-ի համեմատ աճել են 5,4 տոկոսով: Ըստ վարչական շրջանների, Երեւանում բնակարանների 1 քմ մակերեսի միջին շուկայական գները այսպիսին են եղել.

Վարչական շրջաններՄիջին գները (դրամ) 2012թ.Միջին գները (դրամ) 2013թ.
Կենտրոն411900 427000
Արաբկիր341300355100
Քանաքեռ-Զեյթուն268900281900
Նոր-Նորք232300249800
Ավան241600258400
Էրեբունի237700248100
Շենգավիթ 237900253900
Դավթաշեն261800273500
Աջափնյակ229300246600
Մալաթիա-Սեբաստիա227000239500
Նուբարաշեն141100150900
Միջինը Երեւանում (բացի Նորք-մարաշից)257300271300

2013-ին Հայաստանում գրանցվել է անհատական տների առքուվաճառքի 5052 գործարք, որից 1362-ը` Երեւանում: Մայրաքաղաքում անհատական տների առքուվաճառքի գործարքների քանակը 2012-ի համեմատ նվազել է 4,4 տոկոսով:

Միջինացված` 250 քմ շինության մակերես եւ 400 քմ տնամերձ ունեցող անհատական տների 1 քմ-ի միջին գները (ներառյալ տնամերձի միավորի գինը) 2013-ին 2012-ի համեմատ մայրաքաղաքում աճել են 3,9 տոկոսով : Ըստ Երեւանի վարչական շրջանների, գներն այսպիսին են եղել.

Վարչական շրջաններՄիջին գները (դրամ) 2012թ.Միջին գները (դրամ) 2013թ.
Կենտրոն463600475300
Արաբկիր370200388200
Քանաքեռ-Զեյթուն280800294300
Նորք-Մարաշ306900318400
Ավան258600270000
Էրեբունի227300238900
Շենգավիթ244700254400
Դավթաշեն263200275300
Աջափնյակ239300249200
Մալաթիա-Սեբաստիա226900237400
Նուբարաշեն145000150000
Միջինը Երեւանում (բացի Նոր Նորքից)257100285900

Երեւանից դուրս ամենաթանկ տներ ու բնակարաններ ունեցող քաղաքների առաջին եռյակն անփոփոխ է

Մարզերում, բացառությամբ Երեւանը, 2013-ին վաճառվել են 4611 բնակարաններ, որոնց քանակը 2012-ի համեմատ աճել է 6,6 տոկոսով, իսկ միջին գները` 4,3 տոկոսով: Երեւանից հետո, ամենաթանկ բնակարանները 2013-ին եղել են Ծաղկաձորում , որտեղ 1 քմ մակերեսի շուկայական գինը կազմել է ավելի քան 292 հազար դրամ: Վաղարշապատում (Էջմիածնում) եւ Աբովյանում 1 քմ գինը 154 հազար հազար դրամ: Ապա գալիս են Նոր Հաճնը` 128 հազար դրամ, Գորիսը` 120 հազար դրամ, Իջեւանը` 117 հազար դրամ, Աշտարակը եւ Մասիսը` 114 հազար դրամ 1 քմ դիմաց ցուցանիշներով:

Մարզերում անցյալ տարի վաճառվել են 3690 անհատական տներ` 4,1 տոկոսով ավելի նախորդ տարվա համեմատ: Միջինացված` 200 քմ շինության եւ 1000 քմ տնամերձ մակերեսով անհատական տների միջին գները մարզերում 2013-ին 2012-ի համեմատ աճել են 3,3 տոկոսով: Ամենաթանկ անհատական տները դարձյալ Ծաղկաձորում են` 1 քմ-ն 305 հազար դրամ: Երկրորդը Աբովյանն է որտեղ 1 քմ-ն կազմել է 156 հազար դրամ, երրորդը Վաղարշապատն է 1 քմ-ն 153 հազար դրամ: Ապա գալիս են Աշտարակըՙ 136 հազար դրամ, Նոր Հաճնը եւ Գորիսըՙ 129 հազար դրամ, Իջեւանը 122 հազար դրամ, Եղվարդը` 116 հազար դրամ 1 քմ դիմաց:

Հիպոթեկային վարկավորումն ավելացել է ավելի քան 25 տոկոսով

Հողի շուկայում հետեւյալ պատկերն է` 2013-ին 2012-ի համեմատ, հողերի առուվաճառքի գործարքների քանակը նվազել է 3 տոկոսով, աճուրդով վաճառքներինը` 7,1 տոկոսով: Ընդ որում, Երեւանում աճել է 91,7 տոկոսով, իսկ մարզերում միասին վերցրած` նվազել 12,2 տոկոսով:

2013-ին իրականացվել են հիփոթեքային գրավադրման 1895 գործարքներ, որից 1305-ը` Երեւանում: Հիփոթեքային գրավադրման գործարքներից 79,1 տոկոսն իրականացվել են բազմաբնակարան բնակելի շենքերի բնակարանների, 13,7 տոկոսը` անհատական բնակելի տների, մնացածը հասարակական նշանակության օբյեկտների, այգետնակների եւ հողերի նկատմամբ: 2012-ի համեմատ, հիփոթեքային գրավադրման գործարքների քանակն աճել է 25,7 տոկոսով, ընդ որում Երեւանում` 36,1 տոկոսով, իսկ մարզերում` 7,5 տոկոսով:

Շուկայի աշխուժացում, բայց փոքր տեմպերով

Այսպիսով, ի՞նչ միտումներ են գրանցվել 2013-ին անշարժ գույքի շուկայում: Նախեւառաջ, դա գների որոշակի, բայց դեռեւս փոքր աճն է տարեկան կտրվածքով , ինչը կարելի է գնահատել որպես ճգնաժամին հաջորդած խորը անկումից հետո անշարժ գույքի շուկայի վերականգնման եւ զարգացման նշան: Հայտնի է որ անշարժ գույքի շուկայի գնային պատկերը միայն դրամային արտահայտությամբ ամբողջական պատկերը չի տալիս, քանի որ այստեղ գործարքներն հիմնականում իրականացվում են դոլարով: Ուստի հարկ է նկատի ունենալ նաեւ դրամ-դոլար փոխարժեքը:

Այս տարվա հունվարին դոլար-դրամ փոխարժեքը կազմել է 406,67 դրամ 1 դոլարի դիմաց, իսկ տարվա ընթացքում, որոշ վայրիվերումներից հետո, դեկտեմբերին դարձել է 405,32 դրամ: Այսինքն, տարվա ընթացքում փոխարժեքի տատանումը անգամ 1 տոկոս չի կազմել, հետեւաբար անշարժ գույքի գների փոփոխությունը տարեկան կտրվածքով նույնպես էապես չի տարբերվում դոլարով գների փոփոխություններից:

Հաջորդըՙ ավելացել է գործարքների քանակը, ինչը նույնպես շուկայի աշխուժացման ցուցիչ է: Անշարժ գույքի շուկայի աշխուժացման մասին վկայող եւս մեկ երեւույթ է հիպոթեկային գործարքների ավելացումը: Այդուհանդերձ, անշարժ գույքի գների փոքր աճը փաստում է, որ աշխուժացման տեմպերը դեռեւս մեծ չեն: Հավանական է, որ այս տարի դրանք ավելանան, եթե սկսվեն իրագործվել նախատեսված պետական մի քանի խոշոր քաղաքաշինական եւ կառուցապատման ծրագրերը եւ ընդհանուր տնտեսական ակտիվության տեմպը գոնե չնվազի:

Այս տարվա հունվարին` առանց էական փոփոխությունների

Անշարժ գույքի կադաստրի պետական կոմիտեն հրապարակել է նաեւ 2014-ի հունվարի շուկայի վերլուծության տվյալները: Համաձայն դրանց, բոլոր, այդ թվում օտարման գործարքների քանակը 2013-ի հունվարի նկատմամբ որոշ չափով ավելացել է, իսկ դեկտեմբերի նկատմամբ` նվազել: Նույն պատկերն է նաեւ Երեւանում բնակարանների եւ մարզերում բնակարանների եւ անհատական տների առքուվաճառքի գործարքների քանակի պարագայում, որոնք ավելացել են նախորդ տարվա հունվարի համեմատ: Աննշան չափով նվազել են մայրաքաղաքում անհատական տների առքուվաճառքի գործարքները: Բնակարանների գները թե՛ Երեւանում, թե՛ մարզերում աննշան աճ են արձանագրել, իսկ անհատական տներինը` մնացել անփոփոխ նախորդ ամսվա` դեկտեմբերի համեմատ: Հունվարն ընդհանրապես տնտեսական ակտիվության առումով ամենաաննպաստ ամիսն է, բայց այս հունվարին ցուցանիշների բարելավում կա անցյալ տարվա հունվարի նկատմամբ: Հավանական է, որ առաջիկա ամիսներին այդ միտումը շարունակվի:

 
 

«ԱԶԳ» ՕՐԱԹԵՐԹ #2, 07-03-2014


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.