AZG Daily #46, 08-12-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

ՄԵԿ ՏԱՐԻ ԱՌԱՋ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 80. ՀԱՅԿԱԿԱՆ ՄԱԾՈՒՆԸ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#005, 2014-03-28 > #006, 2014-04-04 > #007, 2014-04-11 > #008, 2014-04-18 > #009, 2014-04-24

«ԱԶԳ» ՕՐԱԹԵՐԹ #7, 11-04-2014



ՕՐԵՐԻ ՀԵՏ

Տեղադրվել է` 2014-04-11 00:11:23 (GMT +04:00)


Ընթերցված է` 1998, Տպվել է` 42, Ուղարկվել է էլ.փոստով` 41

ՍԽԱԼՆԵՐԻ ԿՐԿՆՈՒԹՅՈՒՆ

Հ. ԱՎԵՏԻՔՅԱՆ

Կան մարդիկ, որոնք հրաշալի դատել ու տրամաբանել գիտեն, երբ հարցը վերաբերում է իրենցից դուրս կամ հեռու խնդիրներին: Բայց երբ հարցը վերաբերում է իրենց կամ իրենց շրջապատին եւ կամ սեփական գործունեությանը, ընկնում են սուբյեկտիվիզիմի որոգայթների մեջ եւ, բնականաբար, թույլ տալիս տրամաբանության սխալներ: ՀՀ հիմնադիր նախագահը այդ տիպի մարդկանցից է:

Ուշադրությամբ ծանոթանալով նրա վերջինՙ ilur.am կայքէջին տված հարցազրույցին, ապշում ես, որ պատմական ու միջազգային հարցերի մեջ երկաթյա տրամաբանություն ցուցաբերող մարդը ինչպե՞ս է կարողանում հօգուտ իրեն ներկայացնել իրադարձությունների ընթացքը, երբ փաստերն ու իրողությունները բացորոշ կերպով հակառակն են ապացուցում: Նա փորձում է համոզել ընթերցողներին, որ վարչապետի հրաժարականը կամ պաշտոնազրկումը (ի դեպ, նա հերքելով հերքում է հրաժարականի վարկածը, քանի որ դա հակասում է իր թեզին) արդյունք էր բացառապես «հրաշալի քառյակի» շուրջօրյա հանրահավաքների սպառնալիքին, եւ այդ իրողությունը «մեծ հաղթանակ» որակելուց հետո պնդում, որ «Սերժ Սարգսյանը եթե ոչ ամբողջովին, ապա գոնե կիսով չափ կապիտուլյացիայի է ենթարկվել», եւ հորդորում է ոչ¬ իշխանական մյուս ուժերին շարունակել ճնշումը մինչեւ Սերժ Սարգսյանի հրաժարականի հարցի բարձրացումըՙ իշխանափոխության նպատակով: Նա առաջարկում է նաեւ երկրորդՙ իր բառերով ավելի փափուկ տարբերակՙ հանրահավաքների ճնշման ներքո խորհրդարանում «երկիցս վիժեցնել նոր կառավարության ծրագրի ընդունումը», ինչը, նրա կարծիքով կստիպի նախագահ Սարգսյանին ցրել խորհրդարանը եւ ԱԺ արտահերթ ընտրություններ անցկացնել: Այսինքնՙ երկու տարբերակ, մեկը կոշտ, մյուսը փափուկ, երկուսն էլ իշխանափոխության նպատակով, երկուսն էլ «շուրջօրյա հանրահավաքների ճնշման տակ»:

Այստեղ առկա է ոչ միայն տրամաբանության սխալ, այլեւ հաշվարկի:

Առաջինՙ ինքնամեծարմամբ «հրաշալի քառյակ» հորջորջվածի մյուս անդամների վարքագծի անորոշությունը, որը, մեղմ ասած, եզրակացության հանգելու ոչ մի կռվան չի կարող տալ ամենահեռատես կամ խորաթափանց մարդուն անգամ:

Երկրորդՙ հակառակ կողմի, այսինքնՙ իշխանության հնարավոր քայլերի անտեսումը, հակառակ որ Լ. Տեր¬Պետրոսյանն ինքը նույն հարցազրույցում հաստատում է, որ «Սերժ Սարգսյանը, ինչ¬ինչ, բայց հաշվել գիտի»: Երրորդՙ շուրջօրյա հանրահավաքների մասնակիցների թվի, անգամ «սիներգիայի օրենքի ներգործությամբ» նրանց հարյուրհազարանոց մասնակցության վրա հույս դնելը, այն էլՙ ելնելով ինքնախաբեական այն տվյալներից, որ, իբր, այս տարվա մարտի 1-ի իրենց հանրահավաքը եղել է երեսունհազարանոց:

Իսկապես զարմանալ կարելի է, որ մեկ անգամ արյունալի ու ողբերգական վախճան ունեցած հանրահավաքներ ու երթեր նախաձեռնած անձը ցանկանում ու դրդում է կրկին փորձել ձախողված նույն բանը եւ անկայուն մեր ժամանակներում կրկին անորոշության մատնել երկիրն ու ժողովուրդը:

Ի՞նչ անուն տալ սխալների կրկնությանը:

 
 

«ԱԶԳ» ՕՐԱԹԵՐԹ #7, 11-04-2014


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.