AZG Daily #20, 25-05-2018

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

ՄԵԿ ՏԱՐԻ ԱՌԱՋ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 31. ԾՆԿԻ ԲԵՐԵԼՙ ԸՆԿՃԵԼ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#038, 2014-11-28 > #039, 2014-12-05 > #040, 2014-12-12 > #041, 2014-12-19 > #042, 2014-12-26

«ԱԶԳ» ՕՐԱԹԵՐԹ #40, 12-12-2014



Տեղադրվել է` 2014-12-11 23:53:02 (GMT +04:00)


Ընթերցված է` 1021, Տպվել է` 13, Ուղարկվել է էլ.փոստով` 8

ԺՆԵՎԻ ՀԱՅՈՑ ՑԵՂԱՍՊԱՆՈՒԹՅԱՆ ՀՈՒՇԱՀԱՄԱԼԻՐԸ ՇՎԵՅՑԱՐԻԱՅԻ ԻՆՔՆԻՇԽԱՆՈՒԹՅԱՆ ԲԱՐՈՄԵՏՐ

ԱՆԱՀԻՏ ՀՈՎՍԵՓՅԱՆ, Գերմանիա

«Ազգի» ընթերցողներն իրազեկ են, որ Ժնեւումՙ ՄԱԿ-ին հարակից այգում նախատեսված էր կառուցել Հայոց ցեղասպանության զոհերի հուշահամալիր: 7 տարի է, ինչ Թուրքիայի հակազդեցության պատճառով, որին տուրք է տալիս նաեւ Շվեյցարիայի արտգործնախարարությունը,Արիանա այգում «Հիշողության լապտերներ» հուշահամալիրի շինարարությունը իրականություն չի դառնում: Ժնեւի կանտոնի ղեկավարները հայ համայնքին առաջարկել էին Մելիք Օհանյանի հեղինակած 8 մետր երկարությամբ լապտերների համար նոր վայր որոնել, ինչը Հայոց ցեղասպանության զոհերի ժառանգները մերժել էին: 2014-ի դեկտեմբերի 8-ին թվագրյալ նամակով Շվեյցարիայի արտգործնախարար Բուրկհալթերը Ժնեւի կանտոնի վարչապետ Ֆրանսուա Լոնշամին (Franջois Longchamp) առաջարկում է մերժել հուշահամալիրի թույլտվությունըՙ «ՄԱԿ-ի անկախ ու խոհեմ մթնոլորտը պահպանելու, նաեւ հարակից միջազգային մյուս կառույցների գործառույթները լավագույն պայմաններում շարունակելու նկատառումով»: Շվեյցարիայի Ազգային խորհրդի արտաքին հարաբերությունների հանձնախմբի նախագահ Կարլո Սոմմարուգան տեղեկացրել է, թե հանձնախմբում անհանգստացած են եւ արտգործնախարարից բացատրություն են ակնկալում: «Անհասկանալի է, թե Շվեյցարիայի պես մարդու իրավունքների պաշտպան, քաջալերող պետությունն ինչպես է Թուրքիայի ժխտող կառավարության կամակատարը դառնումՙ նրան արտոնելով իր տարածքում որոշելու», շվեյցարական հեռուստատեսությանը տված հարցազրույցում ընդգծել է Շվեյցարիա-Հայաստան կազմակերպության պատվո նախագահ Սարգիս Շահինյանը: «Եթե Ժնեւի քաղաքապետարանը նոր տեղ տրամադրի, կհամաձայնե՞ն» հեռուստալրագրողի հարցին Շահինյանը մերժողական պատասխան է տվելՙ ասելով , թե դատարան են դիմելու:

 
 

«ԱԶԳ» ՕՐԱԹԵՐԹ #40, 12-12-2014


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.