AZG Daily #39, 20-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 111. ԱՆԵՐԵՍ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#034, 2015-09-18 > #035, 2015-09-25 > #036, 2015-10-02 > #037, 2015-10-09 > #038, 2015-10-16

«ԱԶԳ» ՕՐԱԹԵՐԹ #36, 02-10-2015



Տեղադրվել է` 2015-10-01 22:41:19 (GMT +04:00)


Ընթերցված է` 904, Տպվել է` 5, Ուղարկվել է էլ.փոստով` 3

ՓՈԽՎԱՐՉԱՊԵՏ ՀԱՍԱՆՈՎԻՆ ԶԱՅՐԱՑՐԵԼ Է ՄԱԿ-Ըՙ ՍԱՐԳՍՅԱՆԻ ԵԼՈՒՅԹՆ ԻՆՉՊԵ՞Ս ՉԸՆԴՀԱՏԵՑԻՆ

ԱՆԱՀԻՏ ՀՈՎՍԵՓՅԱՆ, Գերմանիա

ԼՂ հակամարտության այժմյան ստատուս քվոն անընդունելի է , ըստ ադրբեջանական պետական «Ազերթաջ» լրատվական գործակալության, սեպտեմբերի 30- ին Բաքվում ասել է Եվրոմիության Հարավային Կովկասի հարցերով հատուկ ներկայացուցիչ Հերբերտ Սալբերըՙ Ադրբեջանի փոխվարչապետ, փախստականների, բռնի տեղահանվածների պետական կոմիտեի նախագահ, միջազգային հումանիտար օգնության հանրապետական հանձնաժողովի նախագահ Ալի Հասանովի հետ հանդիպման ժամանակ։ Ըստ նույն աղբյուրի, Հասանովը նշել է, թե իր երկրի եւ ԵՄ միջեւ միշտ առկա են եղել լավ հարաբերություններ եւ հավելելՙ «Ադրբեջանի հանդեպ ԵՄ այս կամ այն կառույցի անարդար վերաբերմունքը չի կարող անդրադառնալ մեր հարաբերությունների վրա։ ԵՄ միշտ սատարել է Ադրբեջանի տարածքային ամբողջականությանը, ինքնահռչակ ԼՂՀ «ընտրությունները» համարել հակաօրինական։ Ինչ վերաբերում է սեպտեմբերի 10- ին Եվրոխորհրդարանիՙ Ադրբեջանի վերաբերյալ բանաձեւին, փոխվարչապետն ասել էՙ ԵԽ փաստաթղթին կողմ քվեարկած պատգամավորները դրա լիազորությունը չունեն եւ հայկական սփյուռքի միջոցներով կաշառված են։ «Այդ պատգամավորներն իրենց երկրներում ագրեսիվ պահվածքով են հայտնի, այդ պատճառով էլ այդ պետությունները նրանց Եվրոխորհրդարան են ուղարկում։ Այսինքն կարելի է ասել, թե այդ ժողովուրդները այդպիսիներից ազատվելու համար նրանց ուղարկում են երկրից»։

Անդրադառնալով Ադրբեջանի հիմնական խնդրին, ինչպես ձեւակերպել է փոխվարչապետը, հայ- ադրբեջանական, ղարաբաղյան հակամարտությանը, ադրբեջանցի պաշտոնյան նշել է, թե ԵԱՀԿ Մինսկի խումբը թեեւ զբաղվում է հարցի խաղաղ կարգավորմամբ, սակայն անարդյունավետ։ Նա բողոքել է նաեւ, թե ՄԱԿ- ի ԱԽ, ինչպես նաեւ միջազգային այլ կազմակերպությունների կարգավորման բանաձեւերը դեռեւս ի կատար չեն ածվել, ուրեմնՙ ո՞րն է դրանց իմաստը։ Անդրադառնալով փախստականների խնդրին, Հասանովն ընդգծել էՙ այսօր Եվրոպան չի կարողանում 100- 200 հազար փախստականի տեղավորել, իսկ Ադրբեջանը մեծ աշխատանք է կատարել ավելի քան 1 միլիոն փախստականների ու բռնի տեղահանվածների խնդիրներիՙ մասնավորապես զբաղվածության խնդրի լուծման համար։ Փոխվարչապետն անդրադարձել է Սերժ Սարգսյանի ՄԱԿ- ի ելույթին։ «Չեմ պատկերացնում, ինչպես կարելի է թույլ տալ, որ մի երկրի նախագահ այդպիսի հեղինակավոր կառույցի ամբիոնից այդպիսի վիրավորական արտահայտություններ անի մեկ ուրիշ պետության հասցեին։ Կարծում եմՙ Սարգսյանը հոգեպես առողջ չէ, դրա համար էլ էթիկայի տեսակետից այդպիսի ոչ պատշաճ արտահայտություններ արեց։ Բայց ՄԱԿ-ի վեհաժողովն ինչո՞ւ է նրան այդպիսի հնարավորություն ընձեռում։ Սարգսյանը խախտել է դիվանագիտական էթիկայի բոլոր նորմերը, արարողակարգի կանոնները։ Ենթադրելի էր, որ նրա աբսուրդ ելույթը պիտի ընդհատեին։ Կարծում եմ, որ Սարգսյանի տեղն այժմ հոգեբուժարանն է։ Սերժ Սարգսյանը ահաբեկիչ է։ Ռոբերտ Քոչարյանի հետ միասին նրանք ահաբեկչական գործողությունների, ղարաբաղյան հակամարտության ժամանակ ցեղասպանության ուղղակի կազմակերպիչներ են։ Հայաստանի նախագահն իրՙ ավելի վաղ ռուսական «Նիզավիսիմայա գազետային» տված հարցազրուցում ասել էր, թե իր երկիրը Ադրբեջանի համար կարող է վերածվել պատժիչ սրի։ Այս խոսքերը արտասանած մարդը եթե մի ժամանակ Ղարաբաղում թիվ 1 ահաբեկիչն էր, ապա այսօրՙ աշխարհում է առաջինը։ Մեր տվյալներով Սերժ Սարգսյանի ընտանիքի անդամներից մեկըՙ փեսանՙ դստեր ամուսինը զբաղվում է թմրամիջոցների առեւտրով»։

Ըստ ադրբեջանական հիշյալ գործակալության, եվրոպացի պաշտոնյան ընդգծելով Ադրբեջանիՙ ԵՄ համար միշտ կարեւոր գործընկեր լինելու հանգամանքը, նախ գոհունակություն է հայտնել հանգամանալից տեղեկատվության համար, այնուհետ հավելել, թե ղարաբաղյան հակամարտության վերաբերյալ ԵՄ դիրքորոշումն անփոփոխ է, ստատուս քվոն անընդունելի եւ մոտ ապագայում հակամարտությունը լուծում պիտի գտնի։

Մեր թերթում արդեն նշել ենք, թե «Ազերթաջ»ն ի տարբերություն մերՙ հայերեն, ռուսերեն, անգլերեն թողարկվող «Արմենպրեսի», իր հրապարակումները մայրենիին, ռուսերենին, անգլերենին զուգահեռ տարածում է նաեւ գերմաներեն, ֆրանսերեն, արաբերեն, չինարեն լեզուներով։ Միգուցե այս հարցում հետեւենք Ադրբեջանի՞ օրինակին։

 
 

«ԱԶԳ» ՕՐԱԹԵՐԹ #36, 02-10-2015


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.