AZG Daily #39, 20-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 6. ԵՐԵԽԱ՞ ԵՍ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#038, 2015-10-16 > #039, 2015-10-23 > #040, 2015-10-30 > #041, 2015-11-06 > #042, 2015-11-13

«ԱԶԳ» ՕՐԱԹԵՐԹ #40, 30-10-2015



Տեղադրվել է` 2015-10-29 23:29:47 (GMT +04:00)


Ընթերցված է` 1001, Տպվել է` 6, Ուղարկվել է էլ.փոստով` 8

ԲԵՌԼԻՆՈՒՄ 29-ԱՄՅԱ ՀԱՅԻ ԵՆ ԾԵԾԵԼՙ «ԵՏ ԴԱՐՁԻՐ ԵՐԿԻՐԴ, ԱՅ ԴՈՒ Kanake»

ԱՆԱՀԻՏ ՀՈՎՍԵՓՅԱՆ, Գերմանիա

Ըստ «Բեռլիներ մորգենփոստ» թերթի հոկտեմբերի 25-ի հաղորդման, որ հղում է անում dpa գործակալությանը, ուրբաթՙ հոկտեմբերի 23-ի գիշերը Բեռլինի S-Bahn-ի (երկաթուղու քաղաքներն իրար կապող արագընթաց փոխադրամիջոց) Քյոփենիկ կայարանի մերձակայքում ռասիստական արտահայտություններով վիրավորել, այնուհետ մարմնական վնասվածք պատճառելով ծեծի են ենթարկել 29- ամյա հայ մի երիտասարդի: Ոստիկանության տվյալների համաձայն, մի մեծ խմբից անսպասելի առանձնացել են երկու հոգի եւ բռնություն կիրառել հայի նկատմամբ: Սկզբում հարվածել են, հետո աքացիների տակ առել, այնուհետ շշեր շպռտել, երիտասարդը կարողացել է պաշտպանվել, այնուհետ փախել էՙ թաքնվելով դեռեւս բաց վաճառասրահներից մեկում: Այնտեղից ահազանգել են ոստիկանությանը: Նախաբազուկի, գլխի, ձեռքերի շրջանում ստացած վերքերը դարմանվել են բժիշկների միջամտությամբ: Հանցագործները փախուստի են դիմել: Հետաքննություն է սկսված:

Երեկ մեր հեռախոսային հարցման ի պատասխան Բեռլինի ոստիկանության մամուլի պատասխանատուն, չնշելով հարձակման ենթարկված հայի անուն ազգանունը, տեղեկացրեց, թե նա երկքաղաքացիություն ունիՙ ԳԴՀ եւ ՀՀ քաղաքացի է: Մեր մտահոգությանն ի պատասխան մեկնաբանեց, թե հարձակումը հայ-թուրքական քաղաքական հենք չունի, ըստ երեւույթին 29- ամյա հայի սեւ մազերով, մուգ մաշկով լինելը աջակողմյան կողմնորոշում ունեցող խմբի հայացքից չի վրիպել, եւ նրանցից երկուսը նետել ենՙ «Ետ դարձիր երկիրդ, այ դու Kanake (այս վիրավորական բառը, ավելի շուտ հայհոյանքը գերմանացիները գործածել եւ գործածում են հարավարեւելաեվրոպական երկրներից եկած գասթարբայթերներինՙ աշխատանքային ներգաղթյալներին դիմելիս: Այսօր հատկապես կիրառում են արաբների, թուրքերի, քրդերի, պարսիկների պարագայում- Ան. Հ.): Մեր այն հարցին, թե հաղորդակցություն կայացե՞լ է հայի եւ խմբից անջատված երկու քաղաքացիների միջեւ, ոստիկանության մամուլի պատասխանատուն ասաց, թե տեղյակ չէ, բայց ենթադրում է, որ հայը հասկացել է իրեն ուղղված վիրավորանքը: Մեր մյուս հարցերը պատասխան չունեցան, ոստիկանության աշխատակիցն ընդգծեցՙ իր իրավասությունից դուրս է:

 
 

«ԱԶԳ» ՕՐԱԹԵՐԹ #40, 30-10-2015


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.