AZG Daily #46, 08-12-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 17. «ԱՐ» ԱՐՄԱՏԸ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#039, 2015-10-23 > #040, 2015-10-30 > #041, 2015-11-06 > #042, 2015-11-13 > #043, 2015-11-20

«ԱԶԳ» ՕՐԱԹԵՐԹ #41, 06-11-2015



Տեղադրվել է` 2015-11-06 00:09:48 (GMT +04:00)


Ընթերցված է` 1164, Տպվել է` 4, Ուղարկվել է էլ.փոստով` 1

ՀԱՅԿԱԿԱՆ ՀԱՆՑԱԽՈՒՄԲԸ ԱԿՏԻՎ ԴԵՐԱԿԱՏԱՐ ԿԵՆՏՐՈՆԱԿԱՆ ԳԵՐՄԱՆԻԱՅՈՒՄ

ԱՆԱՀԻՏ ՀՈՎՍԵՓՅԱՆ

Գերմանական լրատվամիջոցներըՙ մեծ տպաքանակ ունեցող «Բիլդը», Թյուրինգիայի տեղական թերթերը, mdr հեռուստատեսությունը նոյեմբերի սկզբին ահազանգում ենՙ մաֆիան կենտրոնական Գերմանիայում ակտիվացել էՙ թմրամիջոցներ, մարմնավաճառություն, ավտոմեքենաների հափշտակում, դրամաշորթում, զենքի առեւտուր, փողերի լվացում: Իտալական եւ ռուսական մաֆիայի հանցախմբերը կենտրոն են գտել հենց այստեղ, իսկ նրանց մեջ առաջնային տեղ են զբաղեցնում հայերը կամ, ինչպես գերմանական լրատվամիջոցներն են գրումՙ հայկական հանցախումբը: Էրֆուրտում հայերի մի մասը համագործակցել է այսպես կոչված ռոք խմբերի հետ, «Joker», «United Tribuns», «Hells Angels», Red Devils MC խմբերի անդամների հետ սերտ կապերը դրա մասին են վկայում:

«Պինդ» հիերարխիայով աչքի ընկնող «Joker»-ի հանցախմբում մի նախագահ կաՙ այսպես կոչված բոսսըՙ երիտասարդ մի հայ է: Այս խմբի պատմությունը մոտ 7 տարվա վաղեմություն ունի, երբ վայրագությունների պատրաստ երիտասարդ ներգաղթյալներՙ Ռուսաստանից, Ադրբեջանից, Հայաստանից, Չեչնիայից աչքի էին ընկնում ուժի ցուցադրմամբ, թմրամիջոցների գործածմամբ, ծեծուջարդով, սպառնալիքներով, ոստիկանների հետ բախումներով: «United Tribuns» խմբին հարում են թե՛ երիտասարդներ, թե՛ մեծահասակներ: Իրենց բացատրությամբՙ խումբը կազմված է մարտարվեստով զբաղվող ուժեղ կազմվածք ունեցող անդամներից, որոնք դռնապան են աշխատում, հսկում են հասարակական վայրերիՙ ռեստորանների, ակումբների անդորրը: Կազմակերպությունն աշխարհում 1700 անդամ ունի: Red Devils MC ակումբի անդամները մոտոցիկլետ վարողներ են, ռոքի սիրահար եւ համարվում են «Hells Angels»-ի ամենամեծ ու կարեւոր հենարանը: Ակումբը ներգրավված է եղել 2014-ի հուլիսին խաղասրահներից մեկի առջեւ ծավալված արյունալի փոխհրաձգության մեջ, որից հետո հայտնվել է Գերմանիայի դաշնային հետաքննության վարչության ուշադրության առանցքում:

MDR-ի հետաքննությունը պարզել է, որ հայկական մաֆիան «Hells Angels» ռոք խմբի հետ տարիներ ի վեր է համագործակցումՙ թմրամիջոցների առուվաճառք, մարմնավաճառություն:

Աքսել Հեմմերլինգի եւ Լուդվիգ Քենդցիայի լրագրողական ծավալուն հետաքննությունը մանրամասնում է, թե 2014-ի հուլիսի 13-ին Էրֆուրտի խաղասրահներից մեկում արյունալի բախման մեջ ներգրավված է հենց հայկական մաֆիան, որի անդամները պատրաստ են ամեն ինչի: Խաղասրահը պատկանում է Կարեն Ս-ինՙ Գերմանիայում գործարար լավ կապեր ունեցող մի հայի: Նա իրեն պատկանող տարածքը տրամադրել է հայրենակիցներինՙ հայկական տեղական մաֆիայի մի խմբի անդամները մյուսՙ Լապցիգի, Բեռլինի խմբի հետ են հանդիպում: Վերջիններիս ցանկությունն է վերահսկողություն ունենալ Էրֆուրտի շուկայի վրա, գերմանացի մեր գործընկերների պատկերավոր արտահայտությամբՙ «կարկանդակից իրենց կտորն» են պահանջում: Լայպցիգից, Բեռլինից Էրֆուրտ ժամանած խմբին ուղեկցում է վայրագությամբ հայտնի մի չեչեն: Տեղաբնակ մի հայի եւ չեչենի միջեւ ձեռնամարտ է սկսվում, այնուհետ կրակոցներ, բազմաթիվ վիրավորներ, գանգստերների մի մասին հաջողվում է փախչել, չեչենը ծանր վիրավորվում է, հայերից մեկըՙ նույնպես: Ականատեսների վկայությամբՙ հրաշք է, որ նման կռվից հետո փողոցում դիակներ չեն հայտնվել: Ոստիկանությունը 20 պարկուճ է հայտնաբերում: Էրֆուրտի արյունոտ հրաձգության գործը մայիսից 12- ից քննվում է մարզային դատարանում:10 մեղադրյալ ամենայն հավանականությամբ հարում է հենց հայկական հանցաշխարհին եւ դրաՙ Գերմանիայով մեկ տարածված ցանցի մի փոքր մասն է ներկայացնում:

Հայկական հանցախումբը զբաղվում է թմրամիջոցների առուվաճառքով, մեծ եկամուտ ստանում: MDR- ի հետաքննությունը պարզել է, թե հայկական հանցախումբը գործունեություն է ծավալում Գերմանիայի դաշնության ողջ տարածքումՙ ցանցը ձգվում է Համբուրգից Հաննովեր, Բեռլինից Լայպցիգ եւ Էրֆուրտ: Նշյալ քաղաքներում հայկական մաֆիայի խիտ ցանցում հիմնականում բարեր ու նարգիլե ծխելու ակումբներ են (Sisha-Clubs): Լրագրողները տարբեր դեպքերի մասին են իրազեկում, որտեղ հայերն աննկատ չեն մնացել: Օրինակները շատ են: Մի անգամ ոստիկանական սովորական ճանապարհային ստուգման ժամանակ էրֆուրտցի իրավապահների աչքից չի վրիպել մի մուգ լիմուզին, որ կանգնեցրել են. ուղեւորները երիտասարդներ են եղելՙ Հայաստանից, գոռգոռացել են, սպառնացել, հեռախոսով խոսել: Րոպեներ անց հայտնվել են այլ ավտոմեքենաներՙ թիկունք լինելու առաջիններին: Իրադրությունը գնալով ավելի վայրագ է դարձել, սպառնալից: Գերմանացի իրավապահներին հաջողվել է վերահսկել իրադրությունը միայն այն ժամանակ, երբ աջակցություն են ստացել իրենց գործընկերներից:

«Դի վելթը» իրազեկում է, թե ՔԴՄ խմբակցությունը կամենում է երկրամասային խորհրդարանումՙ Լանդթագում ներքին գործերի հանձնաժողովի քննությանը դնել հարցըՙ հստակ տեղեկատվություն ակնկալելով ներքին գործերի նախարարից, թե ի՞նչ ռազմավարություն են իրականացնում կազմակերպված հանցավորության դեմ պայքարի գործում: Կանաչների խմբակցության նախագահ Դիրք Ադամսը հայտարարել է, թե իրավապահ բոլոր միջոցներով պայքարելու են կազմակերպված հանցավորության դեմ:

Գերմանիա

 
 

«ԱԶԳ» ՕՐԱԹԵՐԹ #41, 06-11-2015


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.