AZG Daily #23, 15-06-2018

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 80. ՀԱՅԿԱԿԱՆ ՄԱԾՈՒՆԸ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#008, 2016-03-04 > #009, 2016-03-11 > #010, 2016-03-18 > #011, 2016-03-25 > #012, 2016-04-01

«ԱԶԳ» ՕՐԱԹԵՐԹ #10, 18-03-2016



ՄՈՆՐԵԱԼ

Տեղադրվել է` 2016-03-17 23:42:21 (GMT +04:00)


Ընթերցված է` 2916, Տպվել է` 163, Ուղարկվել է էլ.փոստով` 155

ԸՆԴՈՒՆԵԼՈՒԹԻՒՆ ՆՈՐԵԿ ՍՈՒՐԻԱՀԱՅ ՌԱԿ-ԵԱՆ ԱՆԴԱՄՆԵՐՈՒՆ

«Ապագայ»

Մարտի 6-ին, հրաւէրովը Մոնթրէալի Ռամկավար Ազատական կուսակցութեան «Էօժէն Բաբազեան» ակումբի վարչութեան, տեղւոյս Թէքէեան մշակութային միութեան կեդրոնին մէջ պրանչ-նախաճաշով ընդունելութիւն մը սարքուած էր ի պատիւ վերջերս Մոնթրէալ տեղափոխուած սուրիահայ ՌԱԿ-եան անդամներու եւ անոնց ընտանիքներուն:

Ճոխ եւ այլազան համադամներով եւ ուտեստեղէններով հիւրասիրուելէ ետք, խօսք առաւ տեղական ակումբին երկարամեայ վարչական ու համայնքիս նուիրեալ ծառայողՙ ընկ. Նուպար Պապիկեան, որ արագ ակնարկով մը ներկայացուց խտացուած պատմութիւնը Մոնթրէալի ՌԱԿ-ի գործունէութիւններուն, որ կը ցոլացնէր մոնթրէալահայ գաղթօջախի կազմութեան ու արագ զարգացման մէջ ՌԱԿ-ի եւ անոր ղեկավարութեան կեդրոնական դերինՙ Հայ Առաքելական եկեղեցւոյ, Թէքէեան մշակութային միութեան, ՀԲԸՄ-եան ու Ալեք Մանուկեան ամենօրեայ վարժարանի կազմութեան եւ բարգաւաճման մէջ: Ընկ. Պապիկեան շեշտեց, թէ այս նորածին հայ գաղթօջախին մէջ ՌԱԿ-ի եւ ԹՄՄ-ի յարատեւ ճիգերով է որ սկսան ու զարգացան զանազան ժամանակաշրջաններու բեղուն գործունէութիւններ քաղաքական, կրթական, մամուլի ու հրատարակչական, թատերական, երաժշտական, պարի, նկարչական ցուցահանդէսներու, ամառնային ճամբարներու, ռատիօժամի եւ հեռուստատեսութեան, պատանեկան ու երիտասարդական շարժումներու ծրագիրներ, միշտ վայելելով ՀԲԸՄ-եան ցկեանս նախագահ եւ ազգային մեծագոյն բարերար տիար Ալեք Մանուկեանի ամբողջական վստահութիւնն ու զօրակցութիւնը, հանդէպ ընկ. դոկտ. Արշաւիր Կէօնճեանի գլխաւորած ՌԱԿ-ի եւ ԹՄՄ-ի անձնուէր խումբին:

Հակիրճ ելոյթներ ունեցան դոկտ. Արշաւիր Կէօնճեան, տոքթ. Յարութիւն Արզումանեան, ընկերուհի Այտա Գարիպեան, որոնք շեշտեցին ՌԱԿ-ի ոչ-ինքնանպատակ, այլ ընդհանրական ազգային շահերու ի նպաստ առաքելութիւնը: Խօսք առաւ նաեւ «Ապագայ» շաբաթաթերթի պատասխանատու խմբագիր պրն. Աւետիս Պագգալեան, ինքնին նախկին հալէպահայ, որ շուրջ չորս տարիէ ի վեր իր ստանձնած խմբագրի պաշտօնին բերմամբ ինքզինք հարազատօրէն հայկական ազնիւ շրջապատի մէջ կը զգայ: Ան մաղթեց, որ իր հայրենակիցները եւս մաս կազմեն այս ջերմ հայկական շրջանակին:

Օրը շարունակուեցաւ մտերմիկ զրոյցներով որ փոխադարձ ծանօթացումներու առիթը ընծայեց ներկաներուն:

Շնորհաւորելի են Մոնթրէալի ՌԱԿ-ի ակումբի նուիրեալները այս հաճելի եւ ազգօգուտ նախաձեռնութեան համար:

 
 

«ԱԶԳ» ՕՐԱԹԵՐԹ #10, 18-03-2016


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.