AZG Daily #23, 15-06-2018

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 112. ՏՐԱՄԱԲԱՆՈՒԹՅՈՒՆԸ ԵՎ ԳԴԱԼԸ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#010, 2016-03-18 > #011, 2016-03-25 > #012, 2016-04-01 > #013, 2016-04-08 > #014, 2016-04-15

«ԱԶԳ» ՕՐԱԹԵՐԹ #12, 01-04-2016



Տեղադրվել է` 2016-04-06 13:52:34 (GMT +04:00)


Ընթերցված է` 4333, Տպվել է` 596, Ուղարկվել է էլ.փոստով` 589

Ի՞ՆՉՆ Է ՓՈԽՎԵԼՈՒ ՀԱՐԿԱՅԻՆ ՆՈՐ ՕՐԵՆՍԳՐՔՈՒՄ

Կառավարությունը երեկ հավանություն տվեց ՀՀ հարկային օրենսգրքի նախագծին, որը ներկայացրեց պետական եկամուտների կոմիտեի նախագահի տեղակալ Վախթանգ Միրումյանը : Նա անդրադարձավ մի քանի հիմնական փոփոխություններին:

Մասնավորապես` ավելացված արժեքի մասով (ԱԱՀ) օրենսգրքի ընդունումից հետո ոչ միայն արտահանողները հնարավորություն կունենան ստանալ ԱԱՀ-ի գումարները, որոնք որ վճարված են մատակարարներին, այլ նաեւ այն տնտեսավարող սուբյեկտները, ովքեր տնտեսությունում կատարել են ներդրումներ եւ հնարավորություն չեն ունեցել օգտագործելու վեց ամսվա կտրվածքով իրենց մատակարարներին վճարած ավելացված արժեքի հարկի գումարները: Այսինքն, վեց ամսվա կտրվածքով հետ կվերադարձվի նշված տնտեսավարող սուբյեկտների ԱԱՀ-ի գումարները, որպեսզի նրանք կարողանան այդ գումարները օգտագործել:

Հաջորդըՙ արտադրական նշանակության սարքավորումները, ինչպես նաեւ հումքի տեսակներ երրորդ երկրներից ներմուծվելու դեպքում ԱԱՀ-ն կվճարվի ոչ թե մաքսային մարմին ներմուծման օրվանից 10 օրվա ընթացքում, այլ` հարկային մարմնին` մինչեւ հաջորդ ամսվա 20-ը:

Վերամշակում իրականացնող ընկերությունների համար ոչ թե ԱԱՀ կգանձվի սահմանին եւ կվերադարձվի, այլ ոչ կգանձվի եւ ոչ էլ կվերադարձվի, որպեսզի ժամանակային առումով նրանք հնարավորություն ունենան գումարներն օգտագործելու:

Առհասարակ ԱԱՀ-ի մասով նախատեսվում է հաշվանցումների ազատականացում, ինչը նշանակում է բիզնեսի մոտ լրացուցիչ միջոցների առկայություն: Նման մոտեցում է լինելու նաեւ շահութահարկի գծով: Մասնավորապես, նախատեսվում է ծախսերի ճանաչման սկզբունքի առումով ազատականացում, որպեսզի արտերկրում ապրանքների գովազդի, մարկետինգի, կադրերի պատրաստման եւ վերապատրաստման ծախսերի գծով նվազեցումները կատարվեն առանց որեւէ կաշկանդվածության եւ սահմանափակման: Նախատեսվում է նաեւ ընդհանուր դաշտում գործող անհատ ձեռնարկատերերի համար հարկային բեռի նվազեցում, որպեսզի հավասարվի շահութահարկին:

Ակցիզային հարկերի մասով նախատեսվում է 2017-2021 թթ. ընթացքում սահուն, ըստ տարիների որոշակիորեն վերանայել ծխախոտի արտադրանքի, օղու, ինչպես նաեւ վառելիքի որոշ տեսակների համար ակցիզային հարկի դրույքաչափերը: Ծխախոտի եւ օղու մասով դրույքաչափերը համապատասխանեցվելու են Եվրասիական տնտեսական միության անդամ երկրներում գործող դրույքաչափերին: Այնուամենայնիվ, ըստ Վախթանգ Միրումյանի, անգամ 2021 թ. մենք չենք հավասարվում նշված դրույքաչափերին եւ ունենում ենք ընդհանուր դրույքաչափից 20 տոկոս ավելի ցածր դրույքաչափեր:

 
 

«ԱԶԳ» ՕՐԱԹԵՐԹ #12, 01-04-2016


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.