AZG Daily #38, 13-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 115. ՆՈՐԱՄՈՒԾՈՒՄ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#007, 2017-02-24 > #008, 2017-03-03 > #009, 2017-03-10 > #010, 2017-03-17 > #011, 2017-03-24

«ԱԶԳ» ՕՐԱԹԵՐԹ #9, 10-03-2017



Տեղադրվել է` 2017-03-09 22:53:20 (GMT +04:00)


Ընթերցված է` 4835, Տպվել է` 481, Ուղարկվել է էլ.փոստով` 0

ՆՈՐԱԾՆԱՅԻՆ ԵՐԵԽԱՆԵՐԻ ԽՆԱՄՔԻ ՀԱՄԱՐ ՍՏԵՓԱՆԱԿԵՐՏԻ ԲՈՒԺՀԱՍՏԱՏՈՒԹՅՈՒՆՆԵՐԸ ՆՈՐ ՍԱՐՔԱՎՈՐՈՒՄՆԵՐ ՍՏԱՑԱՆ

«Հայաստան» համահայկական հիմնադրամի բարերար, Ռամկավար Ազատական կուսակցության Գերագույն խորհրդի անդամ, արգենտինահայ Դանիել Յուսեֆյանը Արցախի «Մոր եւ մանկան առողջության պահպանման կենտրոն» եւ «Արեւիկ» մանկական բուժմիավորում ՓԲԸ-ներին նվիրաբերել է 4 նոր սարքավորումներ: Սա առաջին անգամը չէ, որ Դանիել Յուսեֆյանը եւ Յուսեֆյան ողջ ընտանիքը կարեւոր նվիրատվություններ են անում Մայր հայրենիքին, հատկապես կենտրոնանալով այն ծրագրերի վրա, որոնք միտված են ազգաբնակչության վերարտադրողական կարողությունների աճմանը:

«Արցախպրես»-ի թղթակցի հետ զրույցում «Արեւիկ» մանկական բուժմիավորման տնօրեն Մեսրոպ Մարգարյանն ասել է, որ հիվանդանոցը համալրվել է գերմանական «Դրեգեր» ֆիրմայի 2 գերժամանակակից կուվեզներով (հատուկ ինկուբատոր), որտեղ պահվում են անհաս եւ ցածր քաշով ծնված նորածին երեխաների:

«Այս սարքավորումներն ապահովում են անհաս երեխաների խնամքի բոլոր պայմանները. դրանք ապահովված են համապատասխան խոնավությամբ, ջերմաստիճանով, թթվածնով, որոնց օգնությամբ նորածինների կենսագործունեությունը նորմալ է ընթանում: Սարքավորումն ունի նաեւ մոնիտոր, որն ապահովում է շնչառական եւ սիրտ-անոթային համակարգի գործունեության բոլոր պարամետրերը: Երեխան տեւականորեն գտնվում է վերահսկողության տակ: Տարվա կտրվածքով, կուվեզներում պահվում է 15-20 երեխա»,-ասել է Մ. Մարգարյանը եւ նշել, որ մինչ այսօր բուժմիավորումում կար ընդամենը 2 սարքավորում:

«Մոր եւ մանկան առողջության պահպանման կենտրոն»-ի տնօրեն Վադիմ Օսիպովն էլ լրացրել է, որ նորածինների ինտենսիվ թերապիայի բաժանմունքը համարվում է կենտրոնի կարեւոր օղակներից մեկը, եւ այն գտնվում է ԱՀ առողջապահության նախարարության ուշադրության կենտրոնում:

«Վերջին տարիների ընթացքում պարբերաբար կենտրոնի նորածինների ինտենսիվ թերապիայի բաժանմունքը հագեցվել է ժամանակակից սարքավորումներով: Այս սարքավորումները հնարավորություն են տալիս ԱՀ-ում ծնված անհաս նորածինների լիարժեք բուժում, հսկողություն եւ խնամք իրականացնել: Սարքավորումները կնպաստեն էլ ավելի բարձրացնել բուժման մակարդակը»,- ասել է Վ. Օսիպովը եւ նշել, որ «Մոր եւ մանկան առողջության պահպանման կենտրոն»-ը մինչ այսօր ուներ ընդամենը 1-ը. այն համալրվել է եւս 2-ով:

Վ. Օսիպովի խոսքովՙ եղած սարքավորումների մաշվածության պատճառով իրենք չէին կարողանում դրանք լիարժեք օգտագործել: Artsakhpress.am

Նկար 1. Դանիել եւ Իզաբել Յուսեֆյանները

 
 

«ԱԶԳ» ՕՐԱԹԵՐԹ #9, 10-03-2017


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.