AZG Daily #46, 08-12-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 54. ԽԱՐՈՒՅԿԻ ՎՐԱ ԿԱՐԵԼԻ Է ՊԱՏՐԱՍՏԵԼ ԽԱՇ, ԽՈՐՈՎԱԾ, ԽԱՇՄԻՍ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#014, 2017-04-14 > #015, 2017-04-21 > #016, 2017-04-28 > #017, 2017-05-05 > #018, 2017-05-12

«ԱԶԳ» ՕՐԱԹԵՐԹ #16, 28-04-2017



ԴԻՏԱՐԿՈՒՄՆԵՐ

Տեղադրվել է` 2017-04-28 01:26:35 (GMT +04:00)


Ընթերցված է` 3988, Տպվել է` 464, Ուղարկվել է էլ.փոստով` 0

«ԵՀՈՎԱՅԻ ՎԿԱՆԵՐ» ԿՐՈՆԱԿԱՆ ԿԱԶՄԱԿԵՐՊՈՒԹՅՈՒՆԸ ՕՐԵՆՔԻՑ ԴՈՒՐՍ ՀԱՅՏԱՐԱՐՎԵՑ ՌՈՒՍԱՍՏԱՆՈՒՄ

ՌՈՒԲԵՆ ՀԱՅՐԱՊԵՏՅԱՆ, Մոսկվա

ՌԴ արդարադատության նախարարությունը հատուկ որոշումով արգելեց «Ռուսաստանում Եհովայի վկաների կառավարչական կենտրոնի», իսկ ավելի պարզՙ «Եհովայի վկաներ» կրոնական կազմակերպության գործունեությունը երկրի ողջ տարածքում: Վերացվում են աղանդի 395 տեղական կազմակերպությունները, բոլոր աղոթատները: 175 հազար «հավատացյալները» կարող են նույնիսկ ազատազրկվել արգելքը խախտելու դեպքում:

Ինչո՞ւ է այսքան անողոք վերաբերմունքը այս աղանդի նկատմամբ: Բանն այն է, որ մինչ այդ այն արգելվել էր սոսկ մի քանի տարածաշրջաններում, այդ թվում նաեւ Մոսկվայի մարզում: Սակայն կազմակերպությունը շարունակում էր իր վտանգավոր գործունեությունը, ավելի ու ավելի լայնորեն տարածելով իր աղանդավորական կենսակերպը, օրական 10-12 ժամ քարոզելով իր ուսմունքը: Արդարադատության նախարարությունը նրա գործունեությունը բնութագրեց որպես ծայրահեղական ու տոտալիտար, որի նպատակը ոչ թե մարդկանց մերձեցնելն է Աստծուն, այլ զոմբիացնել նրանց, վերահսկել նրանց բանականությունը:

Իրավական տեսակետից որո՞նք են մեղադրանքները. կրոնական կազմակերպությունը խախտում է մարդկային անհատականության ազատության ու անկախության իրավունքները, քայքայում է սահմանադրական կարգի, պետականության, մշակույթի, հասարակության, բարոյականության եւ ռուս ժողովրդի ինքնության հիմքերը, խիստ բացասաբար է ներգործում աղանդավորների ֆիզիկական ու հոգեբանական վիճակի վրա, կրոնական ատելություն ու թշնամանք է սերմանում այն բոլորի նկատմամբ, ովքեր չեն ճանաչում աղանդի հավատքը, այլասերում է ընտանեկան ու բարեկամական հարաբերությունները:

Հատուկ չի բարձրաձայնվում, բայց եւ չի թաքցվում խնդրի քաղաքական կողմը: Բանն այն է, որ այդ կազմակերպությունը հիմնադրվել է ԱՄՆ-ում եւ այսօր էլ այդ «համաշխարհային միասնական աստվածպետության» կենտրոնը գտնվում է Բրուքլինում: Հիմնադիրըՙ թերուս Չարլզ Թեյզ Ռասելը (1852-1916) եղել է ընդամենը արդուզարդի խանութների սեփականատեր, սակայն կարողացել է ստեղծել ամենայնս կազմակերպված կառույցՙ հիմնավորելով աղանդի գլխավոր սկզբունքներն ու կողմնորոշիչները: Կազմակերպության գործունեությունը միշտ ուղեկցվել է սկանդալներով, ֆինանսական շահարկումներով ու բազմաթիվ դատական քաշքշուկներով: Մեր ժամանակներում «Եհովայի վկաները», աշխարհի տարբեր երկրներում զբաղվելով ավանդական կրոնների ու մշակույթների քայքայմամբ, մոլորյալներից տարեկան գանձում է 3 միլիարդ «նվիրատվություն»: Ռուսաստանցի եհովականները իրենց ամերիկացի «հովվապետերին» են նվիրաբերում 40-50 միլիոն դոլար: Առհասարակ Ռուսաստանում այն համոզմունքը գոյություն ունի, որ իրենց երկրում գործող ոչ մի ամերիկյան կառույց, լինի դա կրոնական, հասարակական թե քաղաքական, երբեք չի կարող ելնել Ռուսաստանի ազգային շահերից:

Ինչու ենք այսքան հանգամանորեն անդրադառնում այս արգելիչ իրավական գործողությանըՙ իրականացված Ռուսաստանում: Արդյո՞ք միջուկային հզոր գերտերությունը անվստահության հիմքեր ունի կրոնական մի կազմակերպության նկատմամբ: Պարզվում է, որ ունի: Վերջիվերջո ինչ է բացահայտորեն քարոզում «Եհովան». մերժում է ծառայությունը բանակում, երդմնատվությունը, հայրենասիրությունն առհասարակ եւ իր երկիրը զավթիչներից պաշտպանելու անհրաժեշտությունը, պետական տոները, ազգային դրոշին պատվելը, իր անդամներին արգելում է օգտվել բժշկական որոշակի ծառայություններից (արյան փոխներարկումից) եւ այլն: Հենց միայն այս «ծայրահեղականությունների» համար ոչ թե պետք էր արգելել այս աղանդավորական կազմակերպության գործունեությունը, այլ հենց սկզբից մերժել նրա գրանցումը:

Ահաեւ, եթե, ինչպես ասվեց, հսկա Ռուսաստանն է վնասազերծում այդ վտանգավոր աղանդը, ապա ինչն է խանգարում նույն բանն անել փաստացի պատերազմական վիճակում գտնվող Հայաստանում: Ավելի կոնկրետՙ ամեն անգամ լինելով հայրենի Տավուշի մարզումՙ նախկին Շամշադինի տարածաշրջանում, ապշում ես, թե ինչքան «անխռով» է այստեղ իր շոշափուկները տարածում այս կեղծ կրոնական ուղղությունը: Եվ դա սահմանամերձ բնակավայրերում, երբ թշնամին քթիդ տակ է եւ քանակական մեծ գերազանցություն ունի: Իսկ քեզ քարոզում են չծառայել բանակում: Ի դեպ, աղանդի անդամներից բացի ոչ ոք որեւէ համակրանք չունի դրա եկվոր ակտիվիստների նկատմամբ, եթե չասենք հակառակ զգացման մասին: Այստեղ էլ ամենաարտառոցը մնում է զոմբիացվածության բարձր մակարդակը: Եթե Հայաստանում խուսափում են վճռական «հակաամերիկյան» գործողությունից, ապա թող վարվեն ռուսների պեսՙ սկզբում արգելեն «Եհովայի» գործունեությունը գոնե սահմանամերձ մարզերում: Ի՞նչն է խանգարում Հայաստանի արդարադատության նախարարությանը իրագործելու, առանց չափազանցության, նման հայրենասիրական քայլ:

 
 

«ԱԶԳ» ՕՐԱԹԵՐԹ #16, 28-04-2017


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.