AZG Daily #39, 20-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 28. ԱՆՐԱԿ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#020, 2017-05-26 > #021, 2017-06-02 > #022, 2017-06-09 > #023, 2017-06-16 > #024, 2017-06-23

«ԱԶԳ» ՕՐԱԹԵՐԹ #22, 09-06-2017



Տեղադրվել է` 2017-06-08 23:59:35 (GMT +04:00)


Ընթերցված է` 8384, Տպվել է` 533, Ուղարկվել է էլ.փոստով` 0

ԱՄԵՐԻԿԱՀԱՅ ԲԺԻՇԿ ԼԵՎՈՆ ՆԱԶԱՐՅԱՆՆ ԱՐԺԱՆԱՆՈՒՄ Է «ՈՒԼՏՐԱՁԱՅՆԱՅԻՆ ԱԽՏՈՐՈՇՄԱՆ ՌԱՀՎԻՐԱ» ՄՐՑԱՆԱԿԻՆ

Քաղվածՙ ՌԱԿ պաշտոնաթերթ «Պայքարից»

ՀԲԸՄիության Կենտորնական վարչության անդամ, ամերիկյան չափանիշով հռչակավոր բժիշկ Լեւոն Նազարյանն արժանացել է «Joseph H. Holmes Clinical Pioneer Award» 2017 թ. մրցանակինՙ ուլտրաձայնային ախտորոշման բնագավառում ձեռք բերած հաջողությունների եւ նորարարությունների համար:

Նշյալ մրցանակին ամեն տարի արժանանում են աշխարհում լավագույն երկու գիտնական բժիշկներ, որոնց ձեռքբերումները հիշյալ ոլորտում առավել նշանակալից են ու տեւական: Բժիշկ Լ. Նազարյանը մասնագետ է հատկապես մկանային հիվանդությունների ուլտրաձայնային հետազոտությունների բնագավառում եւ ունեցել է հսկայական ներդրում այդ մարզում: Գիտաբժշկության իր ասպարեզի ընթացքում դոկտ. Նազարյանը ավելի քան 490 դասախոսություն է տվել շուրջ 25 երկրներում, մասնակցել մոտ 150 գիտաժողովների, որոնց ընթացքում հանդես է եկել զեկուցումներով ու ցուցադրական ելույթներով, արժանանալով 40-ից ավել մրցանակներիՙ «Վաստակաշատ ծառայություն», «Ուսուցման գերազանցություն», «Լավագույն բժիշկներ Ամերիկայում» եւ այլ անվանակարգերում:

Բժ. Լեւոն Նազարյանը սերում է Նազարյանների մեծ գերդաստանից: Նրա ընտանիքը շուրջ 400 տարվա բարերարության պատմություն ունեցող գերդաստանի շառավիղն է: Նրա մեծ հայրըՙ Լեւոն Նազարյանը, դեռեւս անցյալ դարի կեսերին առանձին հիմնադրամով օժտված դպրոց է կառուցել Բեյրութում: Իսկ հայրըՙ Նազար Նազարյանը, բազմաթիվ բարերարություններ է արել Սփյուռքում եւ Մայր Հայրենիքում, եւ ինչպես որդին այժմ, այնպես էլ հայրըՙ Նազար Նազարյանը, մեր ազգին ու հայրենիքին ծառայում են ՀԲԸՄիության միջոցով, հանդիսանալով նրա Կենտրոնական վարչության անդամ, գանձապահ եւ Խնամակալ մարմնի անդամ:

Նրանց վերջին ժամանակաշրջանի ամենամեծ նվիրատվության շնորհիվ Երեւանի բժշկական համալսարանի հիվանդանոցն օժտվել է առանձին շենքով եւ գերժամանակակից սարքավորումներով եւ հայտնի է «ՀԲԸՄ-ԵՊԲՀ Լեւոն եւ Կլաուտիա Նազարյան ռադիոլոգիայի կենտրոն» անունով:

 
 

«ԱԶԳ» ՕՐԱԹԵՐԹ #22, 09-06-2017


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.