AZG Daily #46, 08-12-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 75. ԳԼՈՐԵՆՔ ԴՈՒՐՍ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#027, 2017-07-14 > #028, 2017-07-21 > #029, 2017-07-28 > #030, 2017-08-18 > #031, 2017-08-25

«ԱԶԳ» ՕՐԱԹԵՐԹ #29, 28-07-2017



ՄԱՀԱԳՐԱԿԱՆ

Տեղադրվել է` 2017-08-10 22:24:01 (GMT +04:00)


Ընթերցված է` 17622, Տպվել է` 2712, Ուղարկվել է էլ.փոստով` 0

ԷԴՈՒԱՐԴ ԼԻՊԱՐԻՏԻ ԴԱՆԻԵԼՅԱՆ

ՀՀ ԳԱԱ պատմության ինստիտուտ
ՀՀ ԳԱԱ հայագիտության եւ հասարակական գիտությունների բաժանմունք

Կյանքից հեռացավ ՀՀ ԳԱԱ պատմության ինստիտուտի երկարամյա աշխատակից, Հին դարերի պատմության բաժնի վարիչ, պ.գ.դ. Էդուարդ Դանիելյանը:

Դժվար է հավատալ, որ այլեւս մեզ հետ չէ պատմաբան, հրաշալի գործընկեր, նվիրյալ հայագետ Էդուարդ Դանիելյանը: Թերեւս միակ մխիթարությունն այն է, որ նա հայ պատմագիտության մեջ թողեց մնայուն գործեր եւ իր իսկ խոսքերովՙ միշտ հավատարիմ մնաց հայ պատմագիտության հայագիտական-խորենացիական դպրոցին:

Էդուարդ Դանիելյանը ծնվել է 1944 թ. փետրվարի 18-ին Երեւանում: 1961-1966 թթ. սովորել եւ ավարտել է Երեւանի պետական համալսարանի աշխարհագրական ֆակուլտետը, 1966-1972 թթ.ՙ Երեւանի պետական Վ.Բրյուսովի անվան լեզվաբանական համալսարանի օտար լեզուների ֆակուլտետը (անգլերեն լեզու), 1968-1971 թթ.ՙ Հայաստանի ԳԱԱ պատմության ինստիտուտի ասպիրանտուրան: 1972 թ. պաշտպանել է թեկնածուական ատենախոսությունՙ «Անտիկ տիեզերագիտական հայացքների արտացոլումն Անանիա Շիրակացու «Տիեզերագիտութիւնում» եւ «Աշխարհացոյց»-ում թեմայով: 1988 թ. պաշտպանել է դոկտորական ատենախոսությունՙ «Հայ-բյուզանդական քաղաքական հարաբերությունները Սասանյան Պարսկաստանի մայրամուտին եւ Արաբական խալիֆայության սկզբնական շրջանում» թեմայով:

1971-1978 թթ. նա ՀՀ ԳԱԱ պատմության ինստիտուտում գիտաշխատող էր, 1978-1989 թթ.` ավագ գիտաշխատող, մինչեւ 2010 թ. առաջատար գիտաշխատող, 2010 թվականիցՙ «Հին դարերի պատմության» բաժնի վարիչ, գլխավոր գիտաշխատող: Միաժամանակ Դանիելյանը Վ. Բրյուսովի անվան օտար լեզուների համալսարանում Երկրագիտության ամբիոնի վարիչ էր մինչեւ 2006 թ.:

Է. Դանիելյանի գիտական հետաքրքրությունների ոլորտում Հայոց հին եւ միջնադարյան պատմության հիմնահարցերն էին` կապված Հայկական լեռնաշխարհում հայ ժողովրդի տեղաբնիկության, ավելի քան հինգհազարամյա հայկական պետականության, պատմական աշխարհագրության ու տիեզերաբանական պատկերացումների, քրիստոնեության եւ Հայ Առաքելական Եկեղեցու վաղ պատմության, հայ-իրանական ու հայ-բյուզանդական հարաբերություների, Արցախի խնդիրների եւ բազում այլ հարցերի հետ: 2015 թվականից նա «Հիմնարար հայագիտություն» (Fundamental Armenology) անգլալեզու էլեկտրոնային հանդեսի հիմնադիրն ու գլխավոր խմբագիրն էր, ավելի քան 200 աշխատությունների հեղինակ:

Էդուարդ Դանիելյանի անունը միշտ վառ կմնա հայրենի երկրի հայագետների սրտերում:

 
 

«ԱԶԳ» ՕՐԱԹԵՐԹ #29, 28-07-2017


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.