AZG Daily #15, 20-04-2018

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 54. ԽԱՐՈՒՅԿԻ ՎՐԱ ԿԱՐԵԼԻ Է ՊԱՏՐԱՍՏԵԼ ԽԱՇ, ԽՈՐՈՎԱԾ, ԽԱՇՄԻՍ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#012, 2018-03-30 > #013, 2018-04-06 > #014, 2018-04-13 > #015, 2018-04-20

«ԱԶԳ» ՕՐԱԹԵՐԹ #14, 13-04-2018



ԱՆՑՈՒԴԱՐՁ

Տեղադրվել է` 2018-04-13 11:30:25 (GMT +04:00)


Ընթերցված է` 1321, Տպվել է` 7, Ուղարկվել է էլ.փոստով` 0

2030-Ի ԱՇԽԱՐՀԻ ՀԻՆԳ ԽՈՇՈՐԱԳՈՒՅՆ ԲԱՆԱԿՆԵՐԸ

ՍԱՌԱ ԳԱՍՊԱՐՅԱՆ, Նյու Յորք

Ռուսաստանին ուղղված Twitter-յան սպառնալիքից հետո աշխարհը տագնապով սպասում է ռուս-ամերիկյան կոնֆլիկտի թեժացմանը սիրիական ճակատում: Եթե դիվանագիտական որեւէ հրաշք տեղի չունենա, Սիրիայում չափվելու են գերտերությունների տնօրինության տակ գտնվող գերժամանակակից ռազմական ձեռքբերումները, ինչն արդեն լուրջ սպառնալիք է մարդկության համար:

Ամերիկյան «National Interest» պարբերականը վերջերս հանդես էր եկել ուշագրավ մի կանխատեսությամբ. «2030-ին ո՞ր ժողովուրդները կունենան աշխարհի հինգ ամենաազդեցիկ բանակները» վերնագրությամբ: Վերլուծաբան Ռոբերտ Ֆերլին առանձնացնում է հզոր բանակ լինելու երեք չափանիշ.

- Բանակի հագեցումը նորարարական տեխնոլոգիական սարքավորումներով:

- Բանակի նկատմամբ ցուցաբերած իշխանությունների աջակցությունը, առանց փոխզիջման:

- Բանակի նորացման, որակի կատարելագործմանն ուղղված անդադրում ջանքերը:

Հեռանկարում վերոնշյալ չափորոշիչներին համապատասխանող առաջին երկիրը Հնդկաստանն է, գրում է ռազմական վերլուծաբանը: Հնդկաստանի բանակն այժմ հագեցված է աշխարհում արտադրվող ռազմական տեխնիկայի գրեթե ողջ տեսականիով: Ռուսաստանը, Եվրոպան, Իսրայելը եւ Միացյալ Նահանգները վաճառում են իրենց արտադրանքը Հնդկաստանին, լրացնելով այդ երկրի աճող ներքին ռազմարդյունաբերական համալիրը:

Հաջորդըՙ ֆրանսիական բանակն է: Բոլոր եվրոպական երկրների շարքում, ըստ ամենայնի, Ֆրանսիան կպահպանի ամենաարդիական, կործանիչ բանակ ունեցողի մենաշնորհը: Ֆրանսիայի ռազմարդյունաբերական համալիրը մնում է կայուն, ինչպես ներքին, այնպես էլ արտահանման ճակատներում: Բանակն ունի ժամանակակից հրամանատարություն եւ կապի սարքավորումներ եւ համարվում է Եվրոմիության զինված ուժերի ողնաշարը:

Ռուսաստանը երրորդ տեղն է աշխարհի հզորագույն բանակների կանխատեսումներում ըստ հեղինակավոր պարբերականի: Ռուսական բանակը կլինի հարվածային ուժ, սակայն, այնուամենայնիվ, լուրջ խնդիրներ կունենա: Խորհրդային ռազմարդյունաբերական համալիրն ու արդիական տեխնոլոգիաների ներդրումը ե՛ւ կօգնեն, ե՛ւ կխանգարեն միմյանց: Այնուամենայնիվ, Ռուսաստանի հարեւանները կշարունակեն վախենալ ռուսական բանակի չափից եւ հզորությունից հատկապես, այսպես կոչվածՙ «հիբրիդային» պատերազմներից:

Հետաքրքրական է, որ Միացյալ Նահանգների բանակը դասվել է չորրորդ տեղում: Հեղինակին դուր չի եկել, որ ամերիկյան բանակում որոշ սարքավորումներ մնացել են դեռ սառը պատերազմի ժամանակներից եւ վերազինման չեն ենթարկվել մինչ օրս: Թե ուղղակի որ ոլորտի մասին է խոսքը, հոդվածագիրը չի նշում: Հինգերորդըՙ Չինաստանի բանակն է:

Մեզ համար հուսադրողն այս հոդվածում այն փաստն է, որ այս դիտարկնան մեջ արծարծված գրեթե բոլոր երկրների հետ Հայաստանը ունի սերտ բարեկամական հարաբերություններ: Հաշվի առնելով այս հանգամանքը, պետք է խթանել Հայաստանի ռազմական համագործակցությունը նրանց հետ, ակտիվորեն զարգացնել փոխգործակցությունը ռազմարդյունաբերության ոլորտում: Գուցե մի օր հայկական բանակն էլ հայտնվի միջազգային չափանիշներով ուժեղագույնների շարքում:

 
 

«ԱԶԳ» ՕՐԱԹԵՐԹ #14, 13-04-2018


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.