AZG Daily #39, 20-10-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 13. ԲԱՐՈՎ ԵԿԱՐ, ԱՄԱՆՈՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#022, 2017-06-09 > #023, 2017-06-16 > #024, 2017-06-23 > #025, 2017-06-30 > #026, 2017-07-07

ԱԶԳ ՕՐԱԹԵՐԹ - ՄՇԱԿՈՒՅԹ #24, 23-06-2017



Տեղադրվել է` 2017-06-22 22:53:43 (GMT +04:00)


Ընթերցված է` 2496, Տպվել է` 10, Ուղարկվել է էլ.փոստով` 0

ԹԱՆԿՈՅԻ ԵՐԱԺՇՏԱԿԱՆ ԱՆՄՈՌԱՆԱԼԻ ՑՈՒՑԱԴՐՈՒԹԻՎՆ ՄԸ

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ, Լիբանան

Թանկօն, հասարակական, ինչպէս նաեւ պարահանդէսային պար է: Ան ծնած եւ մշակուած է Արժանթինիՙ Պուենոս Այրես եւ Ուրուկուէյիՙ Մոնթէվիտէօ քաղաքներուն մէջ, ապա տարածուած համայն աշխարհի մէջ: Այս պարին զուգակցող երաժշտութիւնը ծանօթ է իբրեւ թանկօ երաժշտութիւն:

Բարձր հովանաւորութեամբ Լիբանանի մէջ Արժանթինի դեսպանատան, գործակցաբար Լիբանանի Ազգային երաժշտանոցին, Շաբաթ, 17 Յունիս 2017-ի երեկոյեան, Լիբանանի ՀԲԸՄ-ՀԵԸ «Անդրանիկ» մշակութային միութեան կազմակերպութեամբ, թանկոյի երաժշտական երեկոյ մը տեղի ունեցաւ ՀԲԸՄ-ի Տեմիրճեան կեդրոնին մէջ, Նաքքաշ:

Ներկայութեամբ Լիբանանի մէջ Հայաստանի Արժանթինի, Մեքսիքայի եւ Պրազիլի դեսպաններուն, ՀԲԸՄ-ի Շրջանակային յանձնաժողովի անդամներու, ՀԵԸ-ի Կեդրոնական վարչութեան ատենապետին եւ անդամներուն, մտաւորականներու, երաժշտասէր հոծ բազմութեան, ՀԵԸ «Անդրանիկ» մշակութային միութեան ատենապետ Շահէ Պապահեքեան բարի գալուստ (հայերէն եւ անգլերէն) մաղթեց ներկաներուն, ընդգծելով որ իր գլխաւորած միութիւնը հանրութեան ներկայացուցած է բարձրորակ մշակութային ձեռնարկներՙ գրական, երաժշտական, պարային եւ արուեստի տարբեր ոլորտներու պատկանող: Ապա ծանօթացուց օրուան արուեստագէտները. «Այսօր այս սրահին մէջ հաւաքուած ենք ունկնդրելու համաշխարհային ճանաչում ունեցող թանկօ երաժշտութիւնը եւ այս առիթով հրաւիրած ենք Ազգային երաժշտանոցի դասատու Միքայէլ Աշճեանը, ընկերակցութեամբ ջութակահար, Լիբանանի Ազգային երաժշտանոցի ուսուցիչ Պորիս Միրզոյեանը, Լիբանանի երաժշտանոցի եւ Քասլիքի համալսարանի երաժշտութեան դասատու Անթուան Տիպը եւ Լիբանանի Ֆիլհարմոնիք նուագախումբի «գոնթրպաս», Լիբանանի Ազգային երաժշտանոցի դասատու Խաչատուր Զվազեանը»:

Շահէ Պապահեքեան յատուկ շնորհակալութիւն յայտնեց Լիբանանի մէջ Արժանթինի դեսպան Ռիքարտօ Լարիէրային, ձեռնարկին հովանաւորութիւնը ստանձնելու առիթով, նաեւ Լիբանանի Ազգային երաժշտանոցի նախագահ դոկտ. Ուալիտ Մուսալէմին, Khanito Dance Academy-ին եւ հաճելի ժամանց մաղթեց ներկաներուն:

Ապա խօսք առաւ Լիբանանի մէջ Արժանթինի դեսպան Ռիքարտօ Լարիէրան: Ան բարձր գնահատեց թանկօ երաժշտական երեկոյ կազմակերպելու այս նախաձեռնութիւնը եւ դրուատեց մարդկային քաղաքակրթութեան մէջ հայ մշակոյթին ներդրումը: Ան նաեւ շնորհակալութիւն յայտնեց Միքայէլ Աշճեանինՙ արժանթինեան թանկօն տարածելու աշխատանքին համար:

Հոծ բազմութիւն մը գրաւած էր սրահին բոլոր աթոռները: Ներկաները հաճոյքով ըմբոշխնեցին թանկոյի երաժշտական իւրայատուկ երեկոյ մը: Արուեստագէտներուն բարձրորակ կատարողականութիւնը, ճաշակով եւ բծախնդրօրէն ընտրուած 16 երաժշտական կտորներ, մեծ խանդավառութիւն ստեղծեցին սրահին մէջ: Յայտագիրի վերջաւորութեան, Khanito Dance Academy-ի աշակերտներՙ Մոսիկ Ճանիքեան եւ Կասիա Քոնճեան «Լա գոմփարսիթա» պար մը մատուցեցին, արժանանալով ներկաներու բուռն ծափերուն:

Երեկոյի աւարտին, ՀԵԸ-ի Կեդրոնական Վարչութեան ատենապետ Վիգէն Չերչեան յատուկ յուշանուէրով մը պատուեց Լիբանանի մէջ Արժանթինի դեսպան Ռիքարտօ Լարիէրան: Յուշանուէրներ յանձնուեցան նաեւ երեկոյին մասնակից բոլոր արուեստագէներուն:

Գնահատելի աշխատանք:

 
 

ԱԶԳ ՕՐԱԹԵՐԹ - ՄՇԱԿՈՒՅԹ #24, 23-06-2017


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.