AZG Daily #47, 15-12-2017

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ՀԱՅՈՑ ՑԵՂԱՍՊԱՆՈՒԹՅԱՆ 100-րդ ՏԱՐԵԼԻՑ

Armenian Genocide

«ԱԶԳ» ՕՐԱԹԵՐԹԻ ՆՈՐ ՀԵՌԱԽՈՍԱՀԱՄԱՐՆԵՐՆ ԵՆ

ԱԶԴԱԳԻՐ

 RSS | WAP | FACEBOOK | PDF | PDF-Culture    
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ
ՀԵՂԻՆԱԿՆԵՐ | ԾԱՂՐԱՆԿԱՐՆԵՐ
ՀԱՅԵՐԵՆԸ ԱՓԻ ՄԵՋ` ԶՐՈՒՅՑ 17. «ԱՐ» ԱՐՄԱՏԸ
ԲԱԺԱՆՈՐԴԱԳՐՎԵՔ «ԱԶԳ»ԻՆ
ԼՈՒՅՍ Է ՏԵՍԵԼ "ԱԶԳ-ՄՇԱԿՈՒՅԹ" ՀԱՎԵԼՎԱԾԻ ՀԵՐԹԱԿԱՆ ՀԱՄԱՐԸ
#039, 2017-10-20 > #040, 2017-10-27 > #041, 2017-11-03 > #042, 2017-11-10 > #043, 2017-11-17

ԱԶԳ ՕՐԱԹԵՐԹ - ՄՇԱԿՈՒՅԹ #41, 03-11-2017



Տեղադրվել է` 2017-11-02 21:25:46 (GMT +04:00)


Ընթերցված է` 2653, Տպվել է` 0, Ուղարկվել է էլ.փոստով` 0

ԱԼԵՔՍԱՆԴՐ ՅԱՐՈՒԹԻՒՆԵԱՆԻ «ՍԱՅԱԹ-ՆՈՎԱ» ՕՓԵՐԱՆ ԼՈՆՏՈՆԻ ՄԷՋ

Ասատուր ԿԻՒԶԵԼԵԱՆ, Լոնտոն

Ուրբաթ եւ շաբաթ 20-21 հոկտեմբեր 2017-ին Լոնտոնի Questors թատերասրահին մէջ Լոնտոնի Հայկական Օփերա-ն (ԼՀՕ) բեմադրեց Ալեքսանդր Յարութիւնեանի «Սայաթ-Նովա» օփերան:

ԼՀՕ-ը կեանքի կոչուեցաւ ի խնդիր հայ մշակոյթի, յատկապէս հայ երաժշտութեան տարածման, լոնտոնաբնակ երաժիշտ Արիս Նադիրեանի կողմէ: Համեմատաբար կարճ ժամանակուան ընթացքին Նադիրեան կրցաւ իր շուրջ համախմբել երաժիշտներու, արուեստագէտներու եւ սիրողներու խումբ մը: Ի գիտութիւն նշեմ, որ ԼՀՕ ցարդ Լոնտոնի մէջ բեմադրած է «Անուշ», «Կարինէ», «Դաւիթ Բէկ», «Կրակէ Օղակ» եւ «Սայաթ-Նովա» օփերաները: ՀՀ Սփիւռքի նախարարութիւնը բարձր գնահատելով Արիս Նադիրեանի կատարած աշխատանքը, անցեալ տարի զայն պարգեւատրեց «Կոմիտաս» շքանշանով:

«Ա. Յարութիւնեանի «Սայաթ-Նովա» օփերան (կը գրէ յայտագրին մէջ բեմադրիչ ՍԵԴԱ ՈՒԱՅԹ) պատուհան մը կը բանայ 18-րդ դարու համանուն հռչակաւոր աշուղի արտակարգ կեանքին վրայ: Յիշեալ օփերային նիւթը քաղուած է Սայաթ-Նովայի կեանքէն: Յարութիւնեան, արուեստագէտերուն վերապահուած իրաւունքով եւ գեղեցկօրէն հիւսուած երաժշտութեամբ, յաջողած է մեզ տանիլ դէպի աշուղին ապրած կեանքի կարեւոր հանգրուանները, Թիֆլիսի շուկաները, ուր յղկուած է անոր արուեստը, ապաՙ այն ժամանակաշրջանը, երբ Սայաթ-Նովան դարձած է Հերակլես Բ. թագաւորի պալատական աշուղը եւ սիրահարած թագաւորի քրոջՙ իշխանուհի Աննային վրայ, հուսկՙ Հաղբատի վանքը, ուր իր կեանքի վերջին տարիները անցուցած է որպէս վանական: Յարութիւնեան վարպետօրէն ընդելուզած է Սայաթ-Նովայէն եօթ երգեր իր օփերային մէջ եւ անոնցմով աղիւսածՙ իր ստեղծագործութեան կառոյցը»:

Բեմադրիչը կը նշէ նաեւ, որ իր նպատակը եղած է «Սայաթ-Նովա» օփերային տալ աւելի ժամանակակից նկարագիր:

Բեմադրութեան «ժամանակակից նկարագիր» տալու եւ կիսա-թատերական ձեւաւորմամբ (semi-stage format) ներկայացնելու որոշումն ունէր իր հասկնալի պատճառները: 18-րդ դարու դէպքերուն եւ դէմքերուն նուիրուած օփերայի մը աւանդական հասկացողութեամբ ամբողջական բեմադրութիւնը մեծածախս նախաձեռնութիւն մըն էր, զոր ԼՀՕ-ը իր ֆինանսական սահմանափակ միջոցներով չէր կրնար իրականացնել: Առնուած որոշումը արդարացնող կար տրամաբանական ուրիշ բացատրութիւն մը եւս:Հանդիսատեսներուն մեծամասնութիւնը, Սայաթ-Նովայի պարագային մանաւանդ, թատրոն պիտի գար, գլխաւորաբար անոր երգերը լսելու համար: Ես, որպէս ականատես եւ ականջալուր վկայՙ կրնամ անվարան հաստատել, որ յիշեալ առաջադրութեամբ թատրոն եկած հանդիսականները ներկայացումէն ստացան ակնկալուածէն աւելի մեծ գոհունակութիւն, երբ լսեցին սքանչելի մենակատարները, բոլորն ալ անուանի երգիչներ, որոնք մեծ վարպետութեամբ երգեցին հանճարեղ աշուղին երգերը առանձին եւ նուագախումբի-երգչախումբի հետ համատեղ, անուանի խմբավար Լեվոն Բարիքեանի ղեկավարությամբ, ստեղծելով երաժշտական առինքնող մթնոլորտ մը: Ներկաները հիացախառն յուզումով ունկնդրեցին ՀՀ Ժողովրդական արտիստ Պերճ Քազազեանի (Սայաթ-Նովա), Անայիս Հեղոյեանի (Իշխանուհի Աննա), Արիս Նադիրեանի (Աշուղ եւ Իշխան) եւ Արշակ Քուզիկեանի (Պազարպաշի եւ Թագաւոր) մեծ վարպետութեամբ յագեցած բարձրորակ կատարումները:

Տաղանդաւոր պարաստեղծ-պարուսուց-պարուհի Շաքէ Մեճըր Չիլինկիրեան , ինչպէս միշտ, այս անգամ եւս արժանացաւ հանդիսատեսներու հիացումին, երբՙ որպէս պալատական պարուհի, կատարեց իր ինքնատիպ հեզաճկուն մենապարը:

Նաթալիա Սուքիասի յօրինած եւ լուսարձակով պաստառի վրայ ցուցադրած զարդանկարներն ու գծանկարները մեծապէս տպաւորեցին հանդիսատեսը:

Բնական է, առանց վերոյիշյալ տաղանդաշատ երգիչներու եւ արուեստագէտներու նման բարձրորակ բեմադրութիւն մը անկարելի պիտի ըլլար ներկայացնել: Չմոռնանք ուրեմն նշելու, որ այդ յաջողութեան մէջ կարեւոր բաժին ունէին նաեւ շատ ուրիշներ, յատկապէս ԼՀՕ-ի վարչութեան անդամները, իրենց ատենապետինՙ Դաւիթ Ստեփանի գլխաւորութեամբ, ինչպէս նաեւ բազմաթիւ կամաւորներ, որոնց անխոնջ աշխատանքը արժանի է բարձր գնահատանքի:

Սրտանց կը շնորհաւորեմ ԼՀՕ, որ յաջողեցաւ արժանավայել բեմադրութեամբ ներկայացնել մեծանուն կոմպոզիտոր Ալեքսանդր Յարութիւնեանի «Սայաթ-Նովա»ն, արժանանալով բոլորի գնահատանքին, գրաւելով մանաւանդՙ երաժշտութեան եւ բանաստեղծութեան սիրահարներու սիրտերը: Չմոռնանք որ Սայաթ-Նովան որքան մեծ է որպէս երաժիշտ, նոյնքան մեծ է որպէս բանաստեղծ:

23 հոկտեմբեր, 2017

 
 

ԱԶԳ ՕՐԱԹԵՐԹ - ՄՇԱԿՈՒՅԹ #41, 03-11-2017


© AZG Daily & MV, 2009, 2011, 2012, 2013 ver. 1.4
ARMINCO Global Telecommunications Геноцид армян Analitika.at.ua.