RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#009, 2013-02-01 > #010, 2013-02-02 > #011, 2013-02-05 > #012, 2013-02-06 > #013, 2013-02-07

«ԱԶԳ» ՕՐԱԹԵՐԹ #11, 05-02-2013



Տեղադրվել է` 2013-02-05 00:00:57 (GMT +04:00)


Ընթերցված է` 1412, Տպվել է` 63, Ուղարկվել է էլ.փոստով` 54

ՄԱՔՍԱՅԻՆ ՄԻՈՒԹՅԱՆ ՈՒՐՎԱԿԱՆԸ` ԱՊՀ ԻՆՏԵԳՐԱՑԻՈՆ ԳՈՐԾԸՆԹԱՑՆԵՐՈՒՄ

Վ. Պ.

«Ռուսաստանը Կովկասում հետաքրքրված է ուժեղ դաշնակից ունենալ ի դեմս Հայաստանի», ռուսաստանյան «Մոսկովսկիե նովոստի» պարբերականին տված հարցազրույցում հայ-ռուսական հարաբերությունների առնչությամբ հայտարարել է Հայաստանի վարչապետ Տիգրան Սարգսյանը ՙ ընդգծելով, որ հայաստանյան տնտեսության մեջ ներդրումների քանակով Ռուսաստանն առաջինն է` էլ չխոսելով ռազմական ոլորտում համագործակցության մասին:

2012-ի օգոստոսի 8-ին Հայաստանի եւ Ռուսաստանի նախագահների որոշմամբ հանձնաժողով է ստեղծվելու` Մաքսային միության մեջ Հայաստանի մասնակցության հարցի առնչությամբ, թեեւ Ռուսաստանի հետ ընդհանուր սահման չկա: Բացի ընդհանուր սահմանի բացակայությունից` Տիգրան Սարգսյանը նաեւ ընդգծել է, որ հայկական տնտեսության կառուցվածքը զգալի տարբերվում է Մաքսային միության երկրների տնտեսության կառուցվածքից` էներգետիկ ռեսուրսների զգալի պաշարով եւ բարձր մաքսային տուրքերով հայրենի արտադրողի պաշտպանության քաղաքականությամբ:

«Ընդհանուր առմամբ, Մաքսային միությունում տուրքերը կրկնակի բարձր են Հայաստանում կիրառվողներից», նշել է վարչապետը, որպես եւս մեկ առանձնահատկություն նշելով, որ Հայաստանն ԱՊՀ երկրներից առաջիններից մեկն է դարձել Առեւտրի համաշխարհային կազմակերպության անդամ: «Դրա համար անհրաժեշտ է գտնել Մաքսային միության հետ համագործակցության ձեւ եւ առավել արդյունավետ գործիքներ: Միեւնույն ժամանակ, Հայաստանը քանիցս նշել է ԱՊՀ տարածաշրջանում ինտեգրացիոն գործընթացներում իր շահագրգռվածության մասին»:

Խոսելով 2012-ին գրեթե 7 տոկոս տնտեսական աճի ու ուժեղ սփյուռքի, ՏՏ ոլորտի զարգացման ու Հայաստանի` շախմատային գերտերություն լինելու մասին` վարչապետը, պարբերականի խնդրանքով անդրադարձել է նաեւ Վրաստանի վարչապետ Բիձինա Իվանիշվիլու այցին ու նրա հետ քննարկումների արդյունքներին: Մասնավորապես, Տիգրան Սարգսյանը նշել է, որ Իվանիշվիլու հետ քննարկվել է Վրաստանով երկաթուղու գործարկման կարեւորությունը:

«Վրաստանը հետաքրքրված է Ռուսաստանի հետ հարաբերությունների կարգավորմամբ», Իվանիշվիլու հետ քննարկումից այսպիսի հայտարարություն է արել Տիգրան Սարգսյանըՙ շեշտադրմամբ, թե վրաց վարչապետի դիրքորոշումը ուրախալի է` Ռուսաստանի հետ խնդիրների հանգույցը լուծելու շահագրգռվածությամբ:

 
 

«ԱԶԳ» ՕՐԱԹԵՐԹ #11, 05-02-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ