RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-10-01 14:56:35Ադրբեջանական հրետանին ոչնչացրել է սեփական բանակի էլիտար ստորաբաժանումը
2020-10-01 14:54:44Թշնամին արագորեն կորցնում է իր օդուժը
2020-10-01 14:36:39Հրետակոծվում է Հադրութ քաղաքը
2020-10-01 13:52:22Ազգային անվտանգության ծառայությունում բացահայտվել է նախկին բարձրաստիճան զինվորական ծառայություն իրականացրած անձի կողմից պետական դավաճանություն կատարելու դեպք. (տեսանյութ)
2020-10-01 12:15:25Եթե այսօր չմիջամտեն, ապա Կովկասը կդառնա մեկ այլ մեծ խնդիր միջազգային հանրության համար
#038, 2013-03-15 > #039, 2013-03-16 > #040, 2013-03-19 > #041, 2013-03-20 > #042, 2013-03-21

«ԱԶԳ» ՕՐԱԹԵՐԹ #40, 19-03-2013



Տեղադրվել է` 2013-03-18 23:55:33 (GMT +04:00)


Ընթերցված է` 1823, Տպվել է` 105, Ուղարկվել է էլ.փոստով` 79

ՆՈՐԸՆՏՐԵԱԼ ՀՌՈՄԻ ՊԱՊ ՖՐԱՆՍԻՍՔՕ ԲԵՐԳՈԼԻՈ

ՄԻՀՐԱՆ ՍԱՐԱՖԵԱՆ, Բուէնոս Այրէս

Նորընտրեալ Հռոմի պապ Ֆրանսիսքօ տարիներով բարեկամ եղած է արժանթինահայ համայնքի եւ Հայաստանեայց առաքելական Ս. Եկեղեցւոյ, ինչպէս նաեւ ընկերակից հայ ժողովուրդի արդարութեան պայքարին: Արժանթինի թեմի առաջնորդ Գիսակ արք. Մուրատեան անձնական բարեկամութիւն մշակած էր կարդենալ Խորխէ Բերգոլիոյի հետ, երբ միասին գործակցած են էկումենիք շարժումներու առնչութեամբ: Եւ իր միջոցաւ է որ մոնսենիօր Բերգոլիոն ըմբռնած է Եղեռնի ցաւը հայ ժողովուրդի սրտի մէջ, եւ իր արի կեցուածքով ընկերակցած է հայոց պայքարին:

Իր նախաձեռնութեամբ Հայաստանեայց Առաքելական եկեղեցին զետեղած է Խաչքար-խորան մը Բուէնոս Այրէսի Կաթողիկէ Մեթրոփոլիթան տաճարին մէջ: Խաչքարի շինութիւնը կարգադրուեցաւ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմէ, Բուէնոս Այրէսի ՀԲԸՄիութեան մասնաճիւղի բարերարութեամբ: Օծումը կատարուեցաւ 2005 թ. ապրիլի 24-ին, պատարագեն եւ հոգեհանգստեան պաշտօնի կատարումէն անմիջապէս յետոյ, հազարաւոր հաւատացեալներու ներկայութեամբ:

Կարդենալ Բերգոլիո, այժմ Ֆրանսիսքօ, զգայուն մարդ մը եղած է, միշտ իր ուշադրութեան առարկայ դարձնելով աղքատներն ու կարիքաւորները, հոգալով մասնաւորապէս այս վերջինները, որոնց անձամբ կը հասնէր: Կ՚այցելէր աղքատներուն իրենց աւանները, ուր ամէն տեսակ փորձանքներու ենթարկուած մարդկանց անձամբ կը հոգար եւ սիրո խօսք մը կը նուիրէր:

Բազմաթիւ առիթներով, ըլլայ իր առաջնորդական նստավայրին մէջ կամ Սուրբ Գր. Լուսաւորիչ Մայր եկեղեցւոյ խորանին առջեւ մխիթարական խօսքեր արտասանած է Մեծ եղեռնը յիշատակելով, ըսելով որ չպէտք է յուսահատուինք արդարութիւնը փնտրելով: 2004 թ. երբ Գարեգին Բ Ամենայն հայոց կաթողիկոսը իր առաջին հովուապետական այցելութիւնը պիտի կատարէր Հարաւային Ամերիկայի համայնքներուն, կարդենալ Բերգոլիոն ամէն տեսակ դիւրութիւններ եւ գաղափարներ տուաւ համայնքիս եւ բացաւ դռները, որպէսզի շատ աւելի փայլ ունենար Գարեգին Բ Վեհափառ հայրապետին այցելութիւնը եւ ունենար յաւուր պատշաճի փայլը Արժանթինի հիւրասէր հանրութեան:

Կարդինալ Բերգոլիոն ներկայ գտնուեցաւ հայրապետական պատարագին եւ Գարեգին Բ Ամենայն հայոց հայրապետը զինքը խորան հրաւիրելով եւ պարգեւատրելով երկար ծափահարութիւններու արժանացուց ներկայ հաւատացեալներու կողմէ: Հայ դատի բարեկամ մը ըլլալով, կարդինալ Բերգոլիոն մեզ հետ քով-քովի եղած է եւ մասնակիցՙ Եղեռնի վերաբերեալ մեր պայքարին: Այսպէս, հայ ժողովուրդը պէտք է ներկայ գտնուի Նորին Սրբազնութիւն Ֆրանսիսքօ պապի գահակալութեան եւ օծման արարողութեան: ՀՀ նախագահՙ Սերժ Սարգսեանն ու Հայոց հայրապետ Գարեգին Բ կաթողիկոսը, իրենց կարելիութեան սահմաններուն մէջ պէտք է մասնակցին Հռոմի այս պատմական հանդիսութեանց: Եղեռնի 100-րդ տարելիցի օրերը մօտ են: Նաեւ մեր առաջարկն է, որ պատուիրակութեան մաս կազմէ Արժանթինի թեմի առաջնորդ Գիսակ արք. Մուրատեանը, որուն հետ եղբայրական յարաբերութիւններու շնորհիւ նորընտրեալ պապը իր կապերը սերտացուցած է հայ ժողովուրդին հետ: Ֆրանսիսքօ պապի ընտրութիւնը իսկական յեղափոխութիւն մը պիտի բերէ քրիստոնեայ եւ ոչ քրիստոնեայ ժողովուրդներու միջեւ: Ինքը միսիոներ մըն է, ընտրեալ մըն է, եւ մենք յոյսով ենք, որ իր պարզութեամբ եւ քաջութեամբ պիտի առաջնորդէ Կաթողիկէ եկեղեցին Քրիստոսի պատգամներով եւ իր հօտը պիտի զօրացնէ հոգեպէս ու բարոյապէս:

Նկար 1. Բերգոլիօ խաչքար - Հայկական խորան - Կարդինալի առաջնորդութեամբ զետեղուեցաւ Բուէնոս Այրէսի Մետրոպոլիտեն տաճարին մէջ, 2005 թ. ապրիլի 24-ին:

 
 

«ԱԶԳ» ՕՐԱԹԵՐԹ #40, 19-03-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ