RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-11-29 13:32:04Այն մարդիկ, ովքեր հույս ունեն, որ այս մարդասպան վիժվածքը զբաղվելու է մեր տղաների ճակատագրով, ուշադիր կարդացեք այս փաստաթուղթը. Մ. Մինասյան
2020-11-29 13:01:33Որոշել էիր, որ իբրև եթե անխուսափելի է, ապա կարելի է ձրի վերցվելիքը մի քանի միլիարդով վաճառել թշնամուն
2020-11-29 12:58:08Սա եթե արդեն արված լիներ, զինվորների ծնողներն էլ կառավարության առջև բողոքի ակցիա չէին անի
2020-11-29 12:40:35Շատ հետաքրքիր փաստ, որ շատ քչերը նկատեցին
2020-11-28 22:33:07Սամվել Ալեքսանյանը ֆեյքրի ֆաբրիկայի համակարգիչները տեղափոխել է
#040, 2013-03-19 > #041, 2013-03-20 > #042, 2013-03-21 > #043, 2013-03-22 > #044, 2013-03-23

«ԱԶԳ» ՕՐԱԹԵՐԹ #42, 21-03-2013



Ընթացիկ

Տեղադրվել է` 2013-03-21 00:20:21 (GMT +04:00)


Ընթերցված է` 1912, Տպվել է` 95, Ուղարկվել է էլ.փոստով` 90

ՀԱՋՈՐԴ ՏԱՐԻ ԵՎՐՈՊԱԿԱՆ ՆՈՐՄԵՐԸ «ԿՆԵՐԴՐՎԵՆ» ՀԱՅԱՍՏԱՆՈՒՄ

Վ. ՊՈՂՈՍՅԱՆ

Եվրոմիության հետ Ասոցացման համաձայնագրի բանակցությունները հանդիպման լայն ձեւաչափերով փաստացի ավարտվեցին մարտի 19-20-ին տեղի ունեցած 12-րդ փուլով: Հայաստան-ԵՄ ասոցացման համաձայնագրի բանակցությունների 12-րդ լիագումար նիստում Հայաստանի պատվիրակությունը գլխավորում էր ՀՀ արտաքին գործերի նախարարի տեղակալ, գլխավոր բանակցող Զոհրաբ Մնացականյանը: Եվրոպական կողմից բանակցությունները վարում էր Եվրոպական արտաքին հարաբերությունների ծառայության Արեւելյան հարեւանության, Ռուսաստանի եւ Արեւմտյան Բալկանների հարցերով տնօրեն Գունար Վիգանդը:

Հանդիպմանը, ըստ պաշտոնական գնահատման զգալի առաջընթաց է գրանցվել ապագա համաձայնագրի կառուցվածքային ձեւաչափին, ընդհանուր եւ եզրափակիչ դրույթներին, քաղաքական երկխոսությանը, արտաքին եւ անվտանգության քաղաքականությանն առնչվող ոլորտների շուրջը: Արձանագրվել է նաեւ, որ համաձայնեցվել են ոլորտային համագործակցության, ինչպես նաեւ արդարադատության, ազատության եւ անվտանգության վերաբերյալ բոլոր գլուխներր:

«Հաջողությամբ ընթացող» են որակվել Ասոցացման համաձայնագրի բաղկացուցիչ մասը հանդիսացողՙ Հայաստանի եւ ԵՄ միջեւ Խոր եւ համապարփակ ազատ առեւտրի գոտի հիմնելու բանակցությունները, որոնց հաջորդ փուլը տեղի կունենա ապրիլին Երեւանում:

Փոխարտգործնախարար Զոհրաբ Մնացականյանի խոսքովՙ նոյեմբերին Վիլնյուսում կայանալիք Արեւելյան գործընկերության գագաթաժողովի նախօրեին հնարավոր է բանակցվող փաստաթղթի նախաստորագրումը: Նման նախաստորագրման են նույն ժամանակահատվածում սպասում Արեւելյան գործընկերության եւս երկու երկիր` Վրաստանն ու Մոլդովան, իսկ Ուկրաինան արդեն անցել է պայմանագրի ստորագրման փուլ, որն ակնկալվում է իրագործել մինչեւ այս տարեվերջ:

Մնացականյանը երեկ հայտարարել է, որ համաձայնեցվել են բոլոր դրույթները, բայց մնում են դեռեւս որոշ հատվածներ, որ կարիք ունեն լրացման, ավելին, դրանք ըստ էության արդեն կանցնեն ընթացակարգային գործընթացով, այդուհետեւ Հայաստանը պետք է նախապատրաստվի համաձայնագրի իրագործմանը: ԵՄ ներկայացուցիչ Գունար Վիգանդը իր հերթին ընդգծել է, որ ներկա դրությամբ բանակցություններն ավարտված են քաղաքական համատեքստում, իսկ արդեն կոնկրետ ներդրման առումով հաջորդ տարի եվրոպական նորմերը կգործեն Հայաստանում: Վիլնյուսի հանդիպումից առաջ փաստաթղթի նախաստորագրմամբ արդեն հաջորդ տարի որոշ սեկտորներ կդառնան կիրառական:

 
 

«ԱԶԳ» ՕՐԱԹԵՐԹ #42, 21-03-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ