RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#043, 2013-03-22 > #044, 2013-03-23 > #045, 2013-03-26 > #046, 2013-03-27 > #047, 2013-03-28

«ԱԶԳ» ՕՐԱԹԵՐԹ #45, 26-03-2013



Մարզական

Տեղադրվել է` 2013-03-26 00:03:24 (GMT +04:00)


Ընթերցված է` 2201, Տպվել է` 106, Ուղարկվել է էլ.փոստով` 104

ԱՐԹՈՒՐ ԱԼԵՔՍԱՆՅԱՆԸ ԿՐԿԻՆ ՈՒԺԵՂԱԳՈՒՅՆՆ Է ԵՎՐՈՊԱՅՈՒՄ

Թբիլիսիում ավարտվեց ըմբշամարտի Եվրոպայի առաջնությունը, որը հաջող էր Հայաստանի ըմբիշների համար: Հաջող հանդես եկան նաեւ հունահռոմեական ոճի ըմբիշներըՙ նվաճելով մեկ ոսկե, 2 բրոնզե մեդալ:

Գերազանց ելույթ ունեցավ անցյալ տարվա Եվրոպայի չեմպիոն, Լոնդոնի ամառային օլիմպիադայի բրոնզե մրցանակակիր Արթուր Ալեքսանյանը, որը մինչեւ 96 կգ քաշային կարգում կրկին ուժեղագույնը ճանաչվեց: Արթուրը շատ վստահ անցկացրեց իր բոլոր 5 գոտեմարտերը, որոնցում մրցակիցներին ընդամենը մեկ միավոր զիջեց: Այդ միակ միավորը հաջողվել էր վաստակել վրացի ըմբիշ Սոսո Ջաբիձեին, որը 1/8 եզրափակիչում Ալեքսանյանին պարտվել էր 1-12 հաշվով: Իսկ մինչ այդ հայ ըմբիշը պայքարից դուրս էր մղել շվեդ Ստեֆան Շոնին:

Քառորդ եզրափակիչում Արթուրը 4-0 հաշվով հաղթեց թուրք Կենկ Իլդեմին, ապա նույնպիսի արդյունքով առավելության հասավ Ադրբեջանը ներկայացնող վրացի ըմբիշ Շալվա Գադաբաձեի նկատմամբ: Եզրափակիչ գոտեմարտում էլ Եվրոպայի չեմպիոնը դրսեւորեց իր վարպետությունը եւ 6-0 հաշվով հաղթելով բուլղարացի Վլադիսլավ Էմիլով Մետոդիեւին, պահպանեց ուժեղագույնի իր տիտղոսը:

Մինչեւ 84 կգ քաշային կարգում բրոնզե մեդալի արժանացավ Արթուր Շահինյանը: Հաջորդաբար հաղթելով լեհ Դամիան Յանիկովսկուն, հունգարացի Պետեր Բակսիին եւ ֆինն Անտի Հակալային, Շահինյանը մտավ կիսաեզրափակիչ: Այստեղ նրա հետագա ճանապարհը փակեց վրացի Վլադիմեր Գեգեշիձեն: Արթուրը պայքարը շարունակեց բրոնզե մեդալի համար: Հաղթելով բուլղարացի Խրիստո Մարինովին, հայ ըմբիշն արժանացավ բրոնզե մեդալի:

Բրոնզե մեդալով տուն վերադարձավ նաեւ գերծանրքաշային Վաչիկ Եղիազարյանը: Հաղթելով չեխ Դավիթ Վալային, Վաչիկը քառորդ եզրափակիչում պարտվեց ուկրաինացի Եվգենի Օռլովին: Վերջինս հասավ մինչեւ եզրափակիչ, ուստի հայ ըմբիշն իրավունք ստացավ վիճարկելու բրոնզե մեդալը: Առաջին գոտեմարտում Եղիազարյանը հաղթեց ռուսաստանցի Շոխրուդին Այուբովին: 2-րդ գոտեմարտը չկայացավ, քանի որ Եղիազարյանի մրցակից, բուլղարացի Լյուբոմիր Դիմիտրովը վնասվածք ուներ: Հայ ըմբիշը դարձավ բրոնզե մեդալակիր:

Բրոնզե մեդալ կարող էր նվաճել նաեւ մինչեւ 60 կգ քաշային Ալեքսան Միքայելյանը: Նա հաղթելով հունգարացի Իշտվան Կոզակին, 1/8 եզրափակիչում պարտվեց ռուսաստանցի Իվան Կույլակովին, որը մտավ եզրափակիչ: Բրոնզե մեդալի համար պայքարում Միքայելյանը պարտվեց Սլովակիայի ներկայացուցիչ Իշտվան Լեալին:

Հարություն Հովհաննիսյանը (55 կգ) եւ Սասուն Ղամբարյանը (66 կգ) հասան մինչեւ քառորդ եզրափակիչ, իսկ Ռաֆիկ Մանուկյանը (74 կգ) պարտվեց 1/8 եզրափակիչում: Ի դեպ, մինչեւ 66 կգ քաշային կարգում բրոնզե մեդալակիր դարձավ Ֆրանսիան ներկայացնող Արտակ Մարգարյանը:

Մեդալների հաշվարկով Հայաստանի հունահռոմեական ոճի հավաքականը զբաղեցրեց 3-րդ տեղըՙ իրենից առաջ թողնելով Ռուսաստանի (2+2+1) եւ Բուլղարիայի (1+1+1) ըմբիշներին: Հիշեցնենք, որ մեր ազատոճային ըմբիշներն էլ Եվրոպայի առաջնությունում հաջող հանդես եկանՙ նվաճելով մեկական ոսկե եւ արծաթե մեդալ: Եվրոպայի չեմպիոն հռչակվեց Դավիթ Սաֆարյանը (66 կգ), իսկ Մուսա Մուրթազալիեւը (84 կգ) դարձավ արծաթե մրցանակակիր:

 
 

«ԱԶԳ» ՕՐԱԹԵՐԹ #45, 26-03-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ