RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


Պատերազմը մանկական խաղ չի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#048, 2013-03-29 > #049, 2013-03-30 > #050, 2013-04-02 > #051, 2013-04-03 > #052, 2013-04-04

«ԱԶԳ» ՕՐԱԹԵՐԹ #50, 02-04-2013



Մարզական

Տեղադրվել է` 2013-04-01 23:09:48 (GMT +04:00)


Ընթերցված է` 1259, Տպվել է` 78, Ուղարկվել է էլ.փոստով` 66

«ՇԻՐԱԿՆ» ԱՄՐԱՊՆԴԵՑ ԱՌԱՋԱՏԱՐԻ ԴԻՐՔԸ

Ֆուտբոլի Հայաստանի բարձրագույն խմբի առաջնությունում բավականին թեժ մրցապայքար է ծավալվել չեմպիոնի տիտղոսի կոչման համար: Չեմպիոնական մրցավազքում առաջնության 35-րդ տուրը տարբեր կերպ դասավորվեց ոսկե մեդալների գլխավոր հավակնորդներ «Միկայի» եւ «Շիրակի» համար:

Առաջնության միանձնյա առաջատար «Շիրակը» շատ հաջող է խաղում Գյումրիում, որտեղ անցկացրած 12 հանդիպումներից 10-ում հաղթել է, 2-ն ավարտել է ոչ-ոքի: Միայն «Միկային» եւ «Իմպուլսին» է հաջողվել Գյումրիում մեկական միավոր վաստակել: Հերթական անգամ «Իմպուլսն» ուղեւորվեց Գյումրի, սակայն վերադարձավ առանց միավորի: Խաղն աչքի ընկավ գոլերի առատությամբ: «Շիրակը» հաղթեց 4-3 հաշվով: Ընդ որում առաջինը հաջողության հասավ իմպուլսցի Ռումյան Հովսեփյանը, սակայն մեկ րոպե անց շիրակցի Դամե Դիոպը վերականգնեց հավասարակշռությունը: Հետագայում շիրակցիներն արդեն հաշվի մեջ առջեւում էին ու հաղթանակը ձեռքից բաց չթողեցին: Գյումրեցիներից աչքի ընկան Կարեն Մուրադյանն ու Լամին Լի Յորոն, իսկ դիլիջանցիներից իրենց հաշվին գոլեր գրանցեցին Արթուր Բարսեղյանն ու Վահագն Այվազյանը:

Իսկ ահա «Միկան» կրկին անհաջող խաղաց: Սեփական հարկի տակ «Միկայի» ֆուտբոլիստները հյուրընկալել էին «Գանձասարին»: Կապանցի ֆուտբոլիստները կարողացան հմտորեն օգտագործել մրցակցի սխալները: Առաջին խաղակեսի ավարտին Ալեքսանդր Պետրոսյանը բացեց հաշիվը: Դեռ նոր էր սկսվել 2-րդ խաղակեսը, երբ Նարեկ Բեգլարյանը գրավեց իր նախկին թիմի դարպասըՙ կրկնապատկելով հաշիվը: Միայն ավելացված ժամանակում Սեմյոն Մուրադյանին հաջողվեց կրճատել հաշիվըՙ 2-1: Այս պարտությունը «Միկայի» համար կարող է ճակատագրական լինել: Թիմն արդեն 4 միավորով հետ է մնացել «Շիրակից», որի հետ վաղը Գյումրիում անցկացնելու է գավաթի կիսաեզրափակիչ պատասխան հանդիպումը:

Առաջնության գարնանային հատվածը շատ հաջող է սկսել «Փյունիկը», որը 3-րդ անընդմեջ հաղթանակը տոնեց: «Փյունիկը» «Հանրապետականում» մրցեց «Արարատի» հետ, ընդ որում այդ խաղում դաշտի տերերն արարատցիներն էին:

Խաղը շատ հաջող սկսվեց փյունիկցիների համար, որոնք արդեն 4-րդ րոպեին Գագիկ Պողոսյանի դիպուկ հարվածի շնորհիվ հաշվի մեջ առաջ անցան: 2-րդ խաղակեսի սկզբում փորձելով կանխել Կամո Հովհաննիսյանի անցումը, արարատցի Արթուր Մինասյանը գնդակն ուղարկեց սեփական դարպասը: Իսկ քիչ անց Գագիկ Պողոսյանն այդ խաղում իր 2-րդ գոլը խփեցՙ վճռելով հանդիպման ելքը: Արարատցիներին հաջողվեց միայն «թրջել» հաշիվը 11 մ հարվածով, որն անվրեպ իրացրեց Անդրանիկ Սարգսյանը:

Խաղից հետո կայացած մամուլի ասուլիսում թիմերի մարզիչները հետեւյալ կարծիքն արտահայտեցին:

Ռաֆայել Նազարյան («Փյունիկ») - Ոչ այդքան լավ խաղով կարողացանք 3 միավոր վաստակել: Նման բան ֆուտբոլում կարող է տեղի ունենալ: Ինձ մտավախություն պատճառեց, որ մրցակցին հնարավորություն տվեցինք գոլային մի շարք պահեր ստեղծել մեր դարպասի մոտ:

Աբրահամ Խաշմանյան («Արարատ») - Խաղի հենց սկզբից գոլ բաց թողեցինք, նույնը կատարվեց նաեւ 2-րդ խաղակեսի սկզբում: Մենք բազում գոլային պահեր ստեղծեցինք, սակայն չկարողացանք գրավել մրցակցի դարպասը: Գոլ խփելը մեզ համար հիմնախնդիր է դարձել: 2-րդ խաղակեսում տղաներին հանձնարարել էին ճնշում գործադրել մրցակցի դարպասին, սակայն պաշտպանությունում անհամաձայնեցված խաղի պատճառով նորից գոլ բաց թողեցինք: Չէի ասի, թե «Փյունիկն» այսօր ընդգծված առավելություն ուներ: Պարզապես հաղթանակի համար անհրաժեշտ է գոլ խփել, ինչը մեզ չի հաջողվում:

Բարձրագույն խմբում տեղը պահպանելու համար համառ պայքար մղող «Բանանցն» Աբովյանում գոլազուրկ ոչ-ոքի խաղաց «Ուլիսի» հետ:

Մրցաշարային աղյուսակ

 ԽՀՈՊԳՄ
1. Շիրակ35227660-3573
2. Միկա35216852-3669
3. Գանձասար3515101039-3055
4. Փյունիկ351741459-4655
5. Իմպուլս351561460-5551
6. Ուլիս35991734-4536
7. Բանանց354141733-5226
8. Արարատ35742422-6025

Ռմբարկուները

Նորայր Գյոզալյան«Իմպուլս»20
Սեմյոն Մուրադյան«Միկա»14
Ֆոֆանա Բեկո«Շիրակ»14
Լամին Լի Յորո«Շիրակ»13
Անդրանիկ Բարիկյան«Շիրակ»12
Վիուլեն Այվազյան«Փյունիկ»11
Արսեն Բալաբեկյան«Ուլիս»10

 
 

«ԱԶԳ» ՕՐԱԹԵՐԹ #50, 02-04-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ