RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-12-02 00:14:47Բաքուն հաստատեց իր մտադրությունը՝ փոխանակել գերիներին «բոլորին բոլորով» սկզբունքով
2020-11-29 13:32:04Այն մարդիկ, ովքեր հույս ունեն, որ այս մարդասպան վիժվածքը զբաղվելու է մեր տղաների ճակատագրով, ուշադիր կարդացեք այս փաստաթուղթը. Մ. Մինասյան
2020-11-29 13:01:33Որոշել էիր, որ իբրև եթե անխուսափելի է, ապա կարելի է ձրի վերցվելիքը մի քանի միլիարդով վաճառել թշնամուն
2020-11-29 12:58:08Սա եթե արդեն արված լիներ, զինվորների ծնողներն էլ կառավարության առջև բողոքի ակցիա չէին անի
2020-11-29 12:40:35Շատ հետաքրքիր փաստ, որ շատ քչերը նկատեցին
#049, 2013-03-30 > #050, 2013-04-02 > #051, 2013-04-03 > #052, 2013-04-04 > #053, 2013-04-05

«ԱԶԳ» ՕՐԱԹԵՐԹ #51, 03-04-2013



Օրվա հետքերով

Տեղադրվել է` 2013-04-02 23:40:53 (GMT +04:00)


Ընթերցված է` 2073, Տպվել է` 76, Ուղարկվել է էլ.փոստով` 97

ՀԱՂՈՐԴԱԿՑՈՒԹՅԱՆ ԽՆԴԻՐՆԵՐ ՈՒՆԵՑՈՂՆԵՐԻ ԿՅԱՆՔԻ ՈՐԱԿԻ ԲԱՐՁՐԱՑՈՒՄԸ ՇԱՐՈՒՆԱԿՈՒՄ Է ՄՆԱԼ ՎԻՎԱՍԵԼ-ՄՏՍ-Ի ՈՒՇԱԴՐՈՒԹՅԱՆ ԿԵՆՏՐՈՆՈՒՄ

Որեւէ խնդրի լուծում պահանջում է լիարժեք տեղեկացվածություն: Այդ տրամաբանության շրջանակներում, ՄԱԿ-ի Գլխավոր վեհաժողովի միաձայն որոշմամբ, 2008թ.-ից ապրիլի 2-ը հայտարարվել է Աուտիզմի իրազեկման համաշխարհային օր:

«Հայելի» ակումբում երեկ կայացած մամուլի ասուլիսին, որը նվիրված էր Աուտիզմի իրազեկման համաշխարհային օրվան, մասնակցել են Երեխաների զարգացման միջազգային կենտրոնի նախագահ, հիմնադիր տնօրեն Այրա Պաուլ Հայլվելը (ԱՄՆ), «Առաջինըՙ երեխաներին» բարեգործական կազմակերպության նախագահ Նանի Օսկանյանը, Աուտիզմ ազգանին հիմնադրամի տնօրենի ժամանակավոր պատասխանատու Լիլիթ Աթաջանյանը, Երեխաների զարգացման միջազգային կենտրոնի տնօրեն Նարինե Վարդանյանը եւ ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Շուրջ 6 տարի ՎիվաՍել-ՄՏՍ-ն համագործակցում է աուտիզմով տառապող երեխաների կենտրոնի հետ` ձգտելով ֆինանսական աջակցությամբ հնարավորինս մեծացնել իրականացվող ծրագրերի արդյունավետությունը: Մշակվել եւ իրականացվել են նոր ծրագրեր, վերապատրաստվել են մասնագետներ եւ ավելի շատ երեխաներ են ընդգրկվել այդ ծրագրերում:

Այս տարի ՎիվաՍել-ՄՏՍ-ն կենտրոնին տրամադրել է 16 մլն դրամ: Անտարբերությունը մերժող հեռահաղորդակցության առաջատար օպերատորը կարեւոր է համարում հասարակության այս խմբի կյանքի որակի բարելավմանն ուղղված ջանքերը: Այդ նպատակով 2009թ.-ից մինչեւ օրս ընկերությունը կենտրոնին հատկացրել է 80 մլն. 500 հազար դրամ:

«Ամենամեծ չարիքն անտարբերությունն է: Ցանկացած խնդիր հաղթահարելի է, երբ կա խնդրով մտահոգ եւ աջակցության պատրաստակամ հասարակություն: Մենք եղել եւ մնում ենք ձեր կողքին` հուսահատության դռները փակելու, երազելու եւ այդ երազանքներն իրականացված տեսնելու համար: Միասին կարելի է հասնել դրական արդյունքի»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Աուտիզմը զարգացման ընդհանուր խանգարում է, որն ի հայտ է գալիս երեխայի կյանքի հիմնականում առաջին երեք տարիների ընթացքում եւ ազդում է ուղեղի նորմալ զարգացման ու գործունեության վրա, խոչընդոտում սոցիալական հարաբերությունների եւ հաղորդակցման հմտությունների զարգացմանը: Աշխարհում` այդ թվում նաեւ Հայաստանում, աուտիզմով հիվանդ երեխաների թիվն աճում է մեծ արագությամբ: Աշխարհում այսօր 88 երեխաներից 1-ը տառապում է աուտիզմով, 70 տղա երեխաներից 1-ի մոտ ախտորոշվում է աուտիզմ: Աշխարհում ամեն 20 րոպեում տեղի է ունենում աուտիզմի նոր ախտորոշում: Վերջին տվյալներով աուտիզմի ախտորոշումը ամեն տարի 10-17%-ով աճում է:

Աուտիզմով տառապող երեխաների կենտրոնը գործում է միջազգային չափորոշիչներին համապատասխան առաջատար մեթոդներով: Կենտրոնը միակն է Հայաստանում, որ մատուցում է շաբաթական մինչեւ 40 ժամ հատուկ թերապիա-դասընթացներ:

 
 

«ԱԶԳ» ՕՐԱԹԵՐԹ #51, 03-04-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ