RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#065, 2013-04-23 > #066, 2013-04-24 > #067, 2013-04-26 > #068, 2013-04-27 > #069, 2013-04-30

«ԱԶԳ» ՕՐԱԹԵՐԹ #67, 26-04-2013



ԼՈՒՐԵՐ ՆԻՒ ԵՈՐՔԷՆ

Տեղադրվել է` 2013-04-25 23:57:41 (GMT +04:00)


Ընթերցված է` 1304, Տպվել է` 71, Ուղարկվել է էլ.փոստով` 55

ՆԻՒ ԵՈՐՔԻ ՀԱՄԱՅՆՔԸ ՄԻԱՍԻՆ ԵԿԱՒ ԻՐ ՁԵՌՔԸ ԵՐԿԱՐԵԼՈՒ ՍՈՒՐԻԱՀԱՅՈՒԹԵԱՆ

ՅԱԿՈԲ ՎԱՐԴԻՎԱՌԵԱՆ, Նիւ Եորք

Սուրիահայութեան օգնութեան հասնելու համար տարուած աշխարհատարած ջանքերուն եկաւ միանալ նաեւ Նիւ Եորքի համայնքը: Արդարեւ, հովանաւորութեամբ Ամերիկայի Հայաստանեայց եկեղեցւոյ եւ մասնակցութեամբ զանազան կազմակերպութիւններուն, տեղի ունեցաւ սուրիահայութեան ի նպաստ կազմակերպուած երաժշտահանդէսը, որուն մասնակցեցան տասնեակ մը երիտասարդ արուեստագէտներ: «Ֆելիշըն» քոլէճի մեծ սրահը լեցուն էր 700 հայորդիներով:

Բացման աղօթքը կատարեց Ս. Խաչ եկեղեցւոյ հովիւ Վազգէն ծ. վրդ. Գարայեան:

Օրուան հանդիսավարն էր Լոս Անճելըսէն ծանօթ լրագրող եւ «USA Armenia Life Magazine»ի հրատարակիչ Աբօ Ճապարեան , որ շեշտեց Սուրիոյ մեր հարազատներուն օգտակար ըլլալու անհրաժեշտութիւնը: «Անոնք կը ներկայացնեն հարազատ ժառանգորդները տեղահանութեամբ եւ ցեղասպանութեամբ Սուրիական անապատը աքսորուած հայութեան» ըսաւ ան:

Օրուան հրամայական խորհուրդը ներկայացուց մեր գաղութի աւագ սերունդի ազգայիններէն, դարձեալ լրագրող Կարպիս Գազանճեան եւ շնորհակալութիւն յայտնեց կազմակերպիչ յանձնախումբի երիտասարդ անդամներուն, որոնք երկու ամիսէ ի վեր աշխատանքի լծուած են եւ արդէն կոկիկ գումար մը ապահոված նուիրատուութիւններէ եւ յայտարարութիւններէ:

Ասմունքով ելոյթ ունեցաւ «Հայաստանի ձայնը» հեռուստաընկերութեան հաղորդումներու վարիչը` Կարինէ Քոչարեան :

Գեղարուեստական յայտագրով ելոյթներ ունեցան ՀԲԸՄիութեան «Անդրանիկ», Համազգային «Նայիրի» եւ Հայ տունի «Ախթամար» պարախումբերը: Երգով հանդէս եկան Անթուանէթ Քասսաս, Ալին Գորիկըն, Թերեզա Յակոբեան, Կարօ Կոմիտաս, Էդուարդօ Դիամենթէ, Նշան Ջաղացպանեան եւ Ժագ Յակոբեան : Ջութակով Դիանա Վասիլեան անգամ մը եւս հմայեց իր ունկնդիրները, իսկ Անի Մուրադեանՙ իր դաշնամուրով:

Աւարտին խօսք առաւ Անուշաւան եպս. Դանիէլեան , որ քաջալերեց ներկաները աւելիով օգտակար ըլլալու Միջին Արեւելքի մեր այդ աւանդական գաղութին:

Գնահատելի է աշխատանքը երիտասարդաց յանձնախումբին եւ այս ձեռնարկը նախաձեռնող ու համադրող ազգայինին` Ճորճ Խորոզեանին , որ նախկին հալեպահայ ըլլալով, իր ուսերուն վերցուցած էր այս գործին համարեա ամբողջ ծանրութիւնը:

 
 

«ԱԶԳ» ՕՐԱԹԵՐԹ #67, 26-04-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ