RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#073, 2013-05-04 > #074, 2013-05-07 > #075, 2013-05-08 > #076, 2013-05-09 > #077, 2013-05-10

«ԱԶԳ» ՕՐԱԹԵՐԹ #75, 08-05-2013



Տեղադրվել է` 2013-05-07 23:43:45 (GMT +04:00)


Ընթերցված է` 1779, Տպվել է` 57, Ուղարկվել է էլ.փոստով` 66

ԸՍՏ Independent-Իՙ ԻՍՐԱՅԵԼԸ «ԽԱՂՈՒՄ Է ԿՐԱԿԻ ՀԵՏ»

Պ. Ք.

Իսրայելն ուժեղացրել է իր քաղաքների հակաօդային եւ հակահրթիռային պաշտպանությունը, մանավանդՙ Լիբանանի եւ Սիրիայի սահմանների մոտակայքում: Պատճառը մայիսի լույս 5-ի գիշերը Սիրիային իսրայելական օդուժի հասցրած հարվածներն են, որոնք մեծ լարվածություն են ստեղծել Մերձավոր Արեւելքում: Փորձագետները կարծում են, որ ներսիրիական հակամարտությունը կարող է դուրս գալ երկրի սահմաններից:

Իսրայելցի գեներալները հայտարարում են, թե անհանգստանալու պատճառ չկա, մինչդեռ Իսրայելի բանակը բերված է բարձր մարտավիճակի, իսկ մայիսի 6-ին Սիրիայի տարածքից գնդակոծվեցին Գոլանի բարձունքները: Իսրայելը դեռ պաշտոնապես չի էլ ընդունել, որ ինքը հարվածել է սիրիական տարածքին, էլ չենք խոսում զոհերի համար ներողություն խնդրելու մասին:

Դամասկոսում ասում են, որ իսրայելցիների հաջորդ գրոհը կստանա կոշտ հակահարված. դա կլինի գրեթե պատերազմի հայտարարում:

Բրիտանական Independent թերթը Իսրայելի գործողություններն անվանում է «խաղ կրակի հետ»: Այն վտանգը, որ Սիրիայի ներքին հակամարտությունը կարող է տարածվել ամբողջ Մերձավոր Արեւելքում, Իսրայելի քայլերի պատճառով առավել իրական է դառնում, արձանագրում է թերթը:

Սիրիայի հարեւանները, Արաբական պետությունների լիգան, ՄԱԿ-ը, Չինաստանը, Իրանը, Ռուսաստանըՙ ամենքը կոչ են անում թույլ չտալ հակամարտության ծավալում: Ինչ վերաբերում է բուն Սիրիային, ՄԱԿ-ի փորձագետները հայտարարում են, որ առկա են ապստամբների կողմից քիմիական զենքի կիրառման ապացույցներ: «Մենք չունենք կառավարական ուժերի կողմից քիմիական զենքի կիրառման վկայություններ», օրերս հայտարարեց ՄԱԿ-ի հատուկ հանձնաժողովի անդամ Կառլա դել Պոնտեն:

Միայն Սպիտակ տունը սրան արձագանքեց թերահավատության ոգով եւ ենթադրություն արեց, թե ավելի շուտ Բաշար Ասադի վարչակարգն է օգտագործում քիմիական զենք: Ի դեպ, ամերիկացիները չունեն իրենց պնդումն ապացուցող փաստեր: Փոխարենը ԱՄՆ-ում ավելի ու ավելի հաճախ են հնչում ապստամբների օգտին հակամարտությանը միջամտելու կոչեր: Կոնգրեսին արդեն ներկայացվել է օրինագիծ, որը թույլատրում է զենք մատակարարել ապստամբներին: Երկու ազդեցիկ սենատորներՙ Ջոն Մակքեյնը եւ Պատրիկ Լիհին, աճապարեցին հայտարարել, որ իսրայելական ռազմօդանավերի հարվածներն իբր ապացուցում են Սիրիայի հակաօդային պաշտպանության խոցելիությունը:

 
 

«ԱԶԳ» ՕՐԱԹԵՐԹ #75, 08-05-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ