RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ. Սիրելի «ԱԶԳ»ականներ, այս օրերի համար ոչ անսպասելի հանգամանքների պատճառով, «ԱԶԳ» շաբաթաթերթի հունիսի 5-ի համարի նյութերը հրապարակվում են վաղը՝ 6 հունիսի առավոտից սովորական՝ azg.am ԼՐԱՀՈՍ հպման տակ, եւ, միաժամանակ, azgonline.am մեր կայքէջերում։ Գումարած թերթում լույս տեսած նյութերի հրապարակվում են նաեւ այլ հոդվածներ ու մեկ հարցազրույց, որոնք տեղի սղության պատճառով դուրս են մնացել թերթի էջերից։ Ապավինում ենք ընթերցողների ներողամտությանը՝ կամքից անկախ պատճառներով պատահած ուշացման համար։ Խմբագրություն

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#073, 2013-05-04 > #074, 2013-05-07 > #075, 2013-05-08 > #076, 2013-05-09 > #077, 2013-05-10

«ԱԶԳ» ՕՐԱԹԵՐԹ #75, 08-05-2013



Տեղադրվել է` 2013-05-07 23:43:45 (GMT +04:00)


Ընթերցված է` 1374, Տպվել է` 37, Ուղարկվել է էլ.փոստով` 42

ԳՈՒՑԵ Ռ. ՑԱՐՆԻԻ ԿԱԶՄԱԿԵՐՊՈՒԹՅՈՒՆՆ Է ՖԻՆԱՆՍԱՎՈՐԵԼ ԱՀԱԲԵԿԻՉՆԵՐԻՆ

պատրաստեց` Հ. Ծ.

«Ֆորին Պոլիսի Ջոռնըլ» պարբերականում Ջո Ջիամբրոնեն բավական ընդարձակ հոդված է հրատարակել, որտեղ հարց է բարձրացնում, թե ինչո՞ւ Բոստոնի ահաբեկչության կասկածյալների հորեղբոր հարցով չի հետաքրքրվում Հետաքննությունների դաշնային բյուրոն (ՀԴԲ): Որովհետեւ նա աշխատակցե՞լ է պետքարտուղարության եւ Կենտրոնական հետախուզական վարչության հետ USAID-ի կովկասյան տարածաշրջանի գործունեության առնչությամբ: Թե՞ որովհետեւ նա ժամանակին ամուսնացած է եղել ԿՀՎ-ի բարձրաստիճան մի պաշտոնյայի դստեր հետ: Որովհետեւ այդ բարձրաստիճան անձնավորությունըՙ Գրեհեմ Ֆուլերը ներգրավվա՞ծ է «իսլամ ծայրահեղականների» գործունեության մեջ: Թե՞ որովհետեւ Ֆուլերը ԿՀՎ-ի շտաբի ղեկավարն է եղել Քաբուլում (Աֆղանստանում), կամ որովհետեւ 20 տարի ծառայել է արտգործնախարարությունում, հիմնականում արաբական երկրների բաժնում (Թուրքիա, Լիբանան, Սաուդյան Արաբիա, Հյուսիսային Եմեն եւ այլն):

Ինչ էլ լինի պատճառը, Ջիամբրոնեն գտնում է, որ ՀԴԲ-ն պարտավոր էր հետաքրքրվել Ռուսլան Ցարնիի 1995-ին ստեղծած փոքրիկ կազմակերպությամբ, որի անունն է «Չեչեն միջազգային կազմակերպությունների կոնգրես»: Ինչո՞ւ: Որովհետեւ USAID-ի համար նրա աշխատանքը եւ ԿՀՎ-ի հետ սերտ կապերը ստիպում են մեզ ավելի մոտիկից ծանոթանալ նրա անձնական գործունեությանը: USAID-ին երկար ժամանակ կապ է ունեցել ԿՀՎ-ի հետ, եւ եթե դա մի ժամանակ «խիստ գաղտնի» մակագրության տակ էր պահվում, ապա այժմ այդպես չէ:

Ավելին, Բլումբերգը պարզել է, որ նա «իրավախորհրդատու է եղել USAID-ի հետ պայմանագիր կնքած ամերիկյան մի ընկերության մոտ, որը տնտեսական օգնության ծրագիր է իրականացրել Ղրղզստանում»: Իսկ Դանիել Հոպսիկերը բացահայտել է, որ Ղազախստանի նավթադաշտերից մեծապես օգտվել է, կապ ունենալով «Հալիբըրտոն» ընկերության հետ (նա այդ ընկերության կապալառուն է եղել):

Մի՞թե զուգադիպություններն այդ մեկ անձի շուրջը բավական շատ չեն, որ մենք ավելի լուրջ ուշադրություն դարձնենք նրան: Վերջերս Ղազախստանից երկու ուսանողների մեղադրանք ներկայացրին, թե իբր Ջոհար Ցարնաեւի հետ կապված հետքերը «ոչնչացնում» են: Հարց է առաջանում, շարունակում է լրագրողը, «ոչնչացնո՞ւմ» էին, թե՞ նորանոր փաստեր «թողնում» այնտեղ: Կարծես թե լավ չեն «ոչնչացրել» ամեն ինչ: Ի՞նչը պիտի դրդեր այդ «ընկերներին» խառնվելու նման մեծ ահաբեկչության գործերին: Անկեղծ ասած, անսովոր, արտակարգ է թվում նման գործելակերպը:

Ամերիկյան մամուլը լուռ է մնում Ֆուլեր-Ցարնի/Ցարնաեւ կապի մասին: Մինչդեռ նրա անունը ոչ միայն կապվում է Ցարնաեւների կլանի հետ (ամուսնական կապի միջոցով), այլեւ նրա տան հասցեն կապվում է անմիջականորեն վերոնշյալ չեչեն կազմակերպության հետ:

«Չեչեն միջազգային կազմակերպությունների կոնգրեսը», ըստ Հոպսիկերի, 1996-ին բարեգործության անվան ներքո օժանդակել է ոմն Շեյխ Ֆաթհիի, որ «օգնություն» ձեռք բերի չեչեն ազատամարտիկների համար: Դրանից մի քանի տարի անց մենք ականատես եղանք 2001-ի սեպտեմբերի 11-ի իրադարձություններին:

«Շեյխ Ֆաթհին այն գլխավոր օղակներից մեկն էր, որը նյութական օժանակություն էր ցուցաբերել չեչեն ապստամբներին», կարդում ենք Ֆիցջերալդի մեղադրական արձանագրության մեջ: Այն ուղղված էր ընդդեմ «Միջազգային բարեգործություն» (Benevolence International) հաստատության, որը հետագայում փակվեց «ահաբեկիչներին ֆինանսավորելու» հիման վրա:

Մյուս կողմիցՙ միջազգային մեկ ուրիշ զգուշացում մենք տեսնում ենք Թամեռլանի առնչությամբ: 2012-ին Սաուդյան Արաբիայի մի պաշտոնական անձնավորություն անգլիական «Դեյլի մեյլ» պարբերականին ասել էր, որ Մեքքա ուխտագնացության մեկնելու Թամեռլանի խնդրանքը իրենք մերժել են:

Իսրայելի հետախուզական կայքի տվյալներով կամ կարծիքով երկու եղբայրները (կամ դրանցից ավագը) «հավաքագրված» են եղել Միացյալ Նահանգների հետախուզության կողմից եւ հետո իրենց «հավաքագրող տերերի» դեմ են դուրս եկել հանուն ջիհադի:

Ըստ լրագրող Ջիամբրոնեիՙ ռուսական «Իզվեստիան» նույնպես համաձայն է վերոնշվածին, հատկապես այն մասով, որ ահաբեկիչները «հավաքագրված» են եղել հենց իրենցՙ ամերիկյան հետախուզության կողմից:

 
 

«ԱԶԳ» ՕՐԱԹԵՐԹ #75, 08-05-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ