RSS | WAP | FACEBOOK | PDF | PDF-Culture
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#104, 2013-06-21 > #105, 2013-06-22 > #106, 2013-06-25 > #107, 2013-06-26 > #108, 2013-06-27

«ԱԶԳ» ՕՐԱԹԵՐԹ #106, 25-06-2013



Տեղադրվել է` 2013-06-24 23:25:20 (GMT +04:00)


Ընթերցված է` 1080, Տպվել է` 26, Ուղարկվել է էլ.փոստով` 17

ԼԻԲԱՆԱՆԻ ԲԱՆԱԿԻ ՈՒ ՍՈՒՆՆԻ ԻՍԼԱՄԻՍՏՆԵՐԻ ԲԱԽՈՒՄՆԵՐ

Լիբանանում կիրակի գիշեր եւ լույս երկուշաբթի օրը տեղի են ունեցել բանակի եւ սիրիացի ապստամբներին պաշտպանող տեղացի սուննի իսլամիստների բախումներ: Ասոշիեյթեդ պրես գործակալության տվյալներովՙ սպանվել է առնվազն 12 մարդ:

Ռոյթեր գործակալությունը հաղորդում է, որ սպանվածների մեջ կան 10 լիբանանցի զինծառայող եւ սուննի արմատական քարոզիչ, շեյխ Ահմադ ալ Ասիրի կողմնակիցներ: Կան նաեւ հինգ տասնյակ վիրավորներ:

Մարտերը սկսվել էին կիրակի օրը լիբանանյան Սայդա քաղաքի արվարձաններում: Առաջինը կրակ էին բացել ալ Ասիրի կողմնակիցները, որոնք զինված ուժերի հսկիչ անցակետի վրա էին հարձակվել իսլամիստներից մեկի ձերբակալությունից հետո: Ապա մարտերը շարունակվել էին բուն Սայդայում:

Նույն օրը YouTube-ում զետեղվել է ալ Ասիրի տեսագրված ելույթը, որտեղ նա Լիբանանի բանակին մեղադրում էր Սիրիայի կառավարական զորքերի կողմից կռվող շիաների «Հզբոլլահ» շարժմանն օգնելու մեջ: Շեյխը բոլոր «ազնիվ մարդկանց» կոչ էր անում լքել բանակը եւ միանալ իրեն:

Լիբանանի զինվորական հրամանատարության հայտարարության մեջ նշվում է, որ ալ Ասիրի խմբի հարձակումը բուն Լիբանանում «պատերազմի պատրույգ վառելու» փորձ է: Հարձակումը համեմատվում է Բեյրութի 1975 թ. դեպքերի հետ, որոնցում վճռական դեր էին խաղացել պաղեստինցի գրոհայինները: Այն ժամանակ բախումները դրել էին Լիբանանի 15-ամյա քաղաքացիական պատերազմի սկիզբը:

Բեյրութն աստիճանաբար ներքաշվում է քաղաքացիական պատերազմի մեջ: «Հզբոլլահ» խմբավորումը Բաշար Ասադի զորքերի հետ կռվում է սիրիացի ապստամբների դեմ, իսկ բուն Լիբանանում կան այդ ապստամբների բազմաթիվ կողմնակիցներ:

 
 

«ԱԶԳ» ՕՐԱԹԵՐԹ #106, 25-06-2013

AZG Daily #23, 14-06-2019

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ