RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#151, 2013-09-11 > #152, 2013-09-12 > #153, 2013-09-13 > #154, 2013-09-14 > #155, 2013-09-17

«ԱԶԳ» ՕՐԱԹԵՐԹ #153, 13-09-2013



Մարզական

Տեղադրվել է` 2013-09-12 23:16:13 (GMT +04:00)


Ընթերցված է` 852, Տպվել է` 25, Ուղարկվել է էլ.փոստով` 26

ՀԱՅ ԲԱԶԿԱՄԱՐՏԻԿՆԵՐԻ ՀԱՐՈՒՍՏ ԱՎԱՐԸ

Նրանցից երկուսն աշխարհի չեմպիոն հռչակվեցին

Լեհաստանի Գդինիա քաղաքում անցկացված բազկամարտի աշխարհի առաջնությունում հաջող ելույթներ ունեցան հայ բազկամարտիկներըՙ նվաճելով 2-ական ոսկե, արծաթե եւ բրոնզե մեդալ:

Մեծահասակների մրցաշարում Վլադիմիր Մնացականյանն ուժեղագույնը ճանաչվեց մինչեւ 80 կգ քաշային կարգումՙ հաղթելով բոլոր մրցակիցներին ձախ ձեռքով մրցաձեւում: Հայաստանին 2-րդ ոսկե մեդալը պարգեւեց երիտասարդների մրցաշարին մասնակցած Աշոտ Ադամյանը, որն աջ ձեռքով մրցաձեւում հաղթող ճանաչվեց մինչեւ 60 կգ քաշայինների մրցավեճում: Հատկանշական է, որ չեմպիոն հռչակված մեր 2 բազկամարտիկներն էլ եզրափակիչում պարտության մատնեցին ադրբեջանցի մարզիկներին: Ի դեպ, Աշոտը մրցանակակիր դարձավ նաեւ ձախ ձեռքով մրցաձեւումՙ գրավելով 2-րդ տեղը:

Արծաթե 2-րդ մեդալը մեր հավաքականի կազմում նվաճեց մինչեւ 18 տարեկան պատանիների մրցումների մասնակից Դավիթ Ստեփանյանըՙ ուժերը չափելով ձախ ձեռքով մրցավեճում մինչեւ 65 կգ քաշային կարգում: Դավիթը մեկ բրոնզե մեդալ էլ նվաճեց աջ ձեռքով մրցումներում: Բրոնզե մյուս պարգեւին արժանացավ մինչեւ 100 կգ քաշային Արմեն Չապուխյանըՙ մասնակցելով աջ ձեռքով մեծահասակների մրցումներին: Ի դեպ, ըստ բազկամարտի ՀՀ ֆեդերացիայի նախագահ Արսեն Գաբրիելյանի, Արմեն Չապուխյանը մրցավարների կոպիտ սխալի պատճառով զրկվեց չեմպիոնության համար պայքարելու հնարավորությունից: Մեր պատվիրակությունն այդ փաստի առիթով բողոք է ներկայացրել, սակայն մրցումների կազմկոմիտեն այն մերժել է:

Նկար 1. Վլադիմիր Մնացականյանը (աջից )մրցման պահին

 
 

«ԱԶԳ» ՕՐԱԹԵՐԹ #153, 13-09-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ