RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


«ԱԶԳ» ՇԱԲԱԹԱԹԵՐԹԻ ԸՆԹԵՐՑՈՂՆԵՐԻՆ: Մայիսի 28-ի տոնի առիթով արձակուրդի մեջ գտնվելու պատճառով «Տիգրան Մեծ» տպագրատունը հինգշաբթի օրը չաշխատեց։ Հետեւաբար թերթի հերթական համարը բացառաբար լույս կտեսնի շաբաթ առավոտյան։ Ընթերցողներին սպասում է բովանդակալից համար, որտեղ հաճելի ընթերցանության համար իրենց նյութերը կառաջարկեն Երվանդ Ազատյանը, Անահիտ Հովսեփյանը, Նաիր Յանը, Արեւիկ Քեշիշյանը, Հակոբ Ծուլիկյանը, Արծվի Բախչինյանը, Սուրեն Սարգսյանը, Արմեն Մանվելյանը, Մանուկ Արամյանը, Ռաֆիկ Հովհաննիսյանը, Հակոբ Միքայելյանը, Գեւորգ Գյուլումյանը, Հակոբ Ավետիքյանը եւ ուրիշներ՝ գլխավորությամբ Սուքիաս Թորոսյան-Toto-ի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#154, 2013-09-14 > #155, 2013-09-17 > #156, 2013-09-18 > #157, 2013-09-19 > #158, 2013-09-20

«ԱԶԳ» ՕՐԱԹԵՐԹ #156, 18-09-2013



Տեղադրվել է` 2013-09-17 23:31:32 (GMT +04:00)


Ընթերցված է` 1009, Տպվել է` 25, Ուղարկվել է էլ.փոստով` 21

ԵԳԻՊՏՈՍԸ ԿԱՐՈՂ Է ԴԱՌՆԱԼ ՀԱՅՈՑ ՑԵՂԱՍՊԱՆՈՒԹՅՈՒՆԸ ՃԱՆԱՉԱԾ ԱՌԱՋԻՆ ՄՈՒՍՈՒԼՄԱՆԱԿԱՆ ԵՐԿԻՐԸ. Vatican Insider

Եգիպտոսի նախկին նախագահ Մուհամմեդ Մուրսիի պաշտոնանկությունից հետո Եգիպտոսը կարող է դառնալ առաջին մուսուլմանական երկիրը, որ կճանաչի 1915 թվականին Օսմանյան կայսրության կազմակերպած Հայոց ցեղասպանությունը: «Արմենպրես»-ի հաղորդմամբ` այս մասին գրում է Վատիկանի գործունեությունը լուսաբանող Vatican Insider կայքը` անդրադառնալով Եգիպտոսի Ժողովրդական ճակատ ինստիտուտի ղեկավար, փաստաբան Մուհամմեդ Սաադ Խայրալլահի աննախադեպ քայլին, ով պատմության մեջ առաջին անգամ Հայոց ցեղասպանության կազմակերպման մեղադրական հայց է ներկացրել Թուրքիայի դեմ: Եգիպտական դատարանը գործը կքննի նոյեմբերի 5-ին:

Այս մասին փաստաբանն առաջին անգամ հայտարարել էր սեպտեմբերի 4-ին` Լիլիան Դաուդի` Եգիպտոսում եւ արաբական աշխարհում մեծ դիտողականություն վայելող «թոք շուի»-ի ժամանակ: Նա հույս է հայտնել, որ իր հայցը կստիպի Եգիպտոսին` «Մերձավոր Արեւելքի սուննի մահմեդական ամենամեծ պետությանը», ճանաչել Հայոց ցեղասպանությունը` օրինակ ծառայելով մյուս արաբական երկրների համար:

Հաղորդման ժամանակ նաեւ առաջարկ է հնչելՙ Հայոց ցեղասպանության զոհերի հիշատակին նվիրված հուշարձան կանգնեցնել մայրաքաղաք Կահիրեում: Գործող կառավարությանը կոչ է արվել դիվանագիտական քայլեր ձեռնարկել, որպեսզի Թուրքիան ստիպված լինի փոխհատուցել ցեղասպանության զոհերի ժառանգներին:

Իտալական La Stampa օրաթերթի մշակած Vatican Insider նախագիծը նախատեսված է Վատիկանի, Հռոմի պապի գործունեությունը եւ Սուրբ աթոռի մասին նորությունները լուսաբանելու, միջազգային ասպարեզում կաթոլիկ եկեղեցու ներկայության եւ կրոնական հարցերի վերաբերյալ ամբողջական տեղեկատվություն տրամադրելու համար:

 
 

«ԱԶԳ» ՕՐԱԹԵՐԹ #156, 18-09-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ