RSS | FACEBOOK | ISSUU | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՄԵՐ ՄԱՍԻՆ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
ԲԱԺԱՆՈՐԴԱԳՐՎԵՔ «ԱԶԳ»ԻՆ
#159, 2013-09-21 > #160, 2013-09-24 > #161, 2013-09-25 > #162, 2013-09-26 > #163, 2013-09-27

«ԱԶԳ» ՕՐԱԹԵՐԹ #161, 25-09-2013



Տեղադրվել է` 2013-09-24 23:29:59 (GMT +04:00)


Ընթերցված է` 978, Տպվել է` 30, Ուղարկվել է էլ.փոստով` 13

ՋԱՎԱԽԱՀԱՅՈՒԹՅԱՆ ՆԱԽԱՍԻՐՈՒԹՅՈՒՆԸ ԴԵՌ ՀՍՏԱԿ ՉԷ

Ի. Պ.

ԱԺ պատգամավոր, «Վիրահայերի միասնություն» հայրենակցական միության նախագահ Տաճատ Վարդապետյանը հոկտեմբերի 27-ին Վրաստանում կայանալիք նախագահական ընտրությունների վերաբերյալ ասում է` ցանկալի է, որ Վրաստանի նախագահ դառնա այն թեկնածուն, որը ջերմ հարաբերություններ կպահպանի ինչպես Հայաստանի, այնպես էլ Հայաստանի գործընկեր պետությունների հետ:

Երեկվա ասուլիսի ժամանակ Տաճատ Վարդապետյանը նաեւ ցանկություն հայտնեց, որ Վրաստանը նույնպես մտնի Մաքսային միություն, որպեսզի տարածաշրջանում տիրի ներդաշնակ մթնոլորտ:

Ասուլիսին նախորդող օրը բանախոսը հեռախոսազրույց էր ունեցել Վրաստանի նախագահի խորհրդականի հետ եւ իմացել, որ 9 թեկնածու պաշտոնապես արդեն գրանցվել են:

Ըստ Տաճատ Վարդապետյանի` դեռ ընդգծված չէ, թե ո՞ր թեկնածուի հանդեպ է վիրահայության համակրանքը: Իսկ թեժ պայքար ներսում կլինի 3 թեկնածուի` Նինո Բուրջանաձեի, Մարգվելաշվիլիի եւ Բագրաձեի միջեւ:

«Վիրահայերի միասնության» նախագահը կարծում է` եթե հաղթանակի վարչապետ Իվանիշվիլիի թիմը, ապա նրանց տված խոստումները կիրականան ավելի վստահ քայլերով, կիրականան նաեւ վիրահայերին տված նրանց խոստումները: Իսկ այսօրվա դրությամբ թեկնածուներից յուրաքանչյուրը կուզենա, որ վիրահայությունը ջերմ լինի իր հանդեպ: Տաճատ Վարդապետյանի փոխանցմամբ` նախորդ ընտրությունների ժամանակ վիրահայությունը համախմբվել է մեկ թեկնածուի շուրջը , բայց այս անգամ պատկերը հակառակն է:

Տաճատ Վարդապետյանը ընտրությունների ելքը չի կանխորոշում, սակայն չի բացառում, որ կարող է լինել նաեւ երկրորդ փուլ, որի ժամանակ ջավախահայերի նախասիրությունները կերեւան ավելի հստակ:

 
 

«ԱԶԳ» ՕՐԱԹԵՐԹ #161, 25-09-2013

AZG Daily #12, 02-04-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ