RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-10-01 17:39:29Մակրոն. Կան ապացույցներ Արցախում ռազմական գործողություններին սիրիացի գրոհայինների մասնակցության մասին
2020-10-01 14:56:35Ադրբեջանական հրետանին ոչնչացրել է սեփական բանակի էլիտար ստորաբաժանումը
2020-10-01 14:54:44Թշնամին արագորեն կորցնում է իր օդուժը
2020-10-01 14:36:39Հրետակոծվում է Հադրութ քաղաքը
2020-10-01 13:52:22Ազգային անվտանգության ծառայությունում բացահայտվել է նախկին բարձրաստիճան զինվորական ծառայություն իրականացրած անձի կողմից պետական դավաճանություն կատարելու դեպք. (տեսանյութ)
#160, 2013-09-24 > #161, 2013-09-25 > #162, 2013-09-26 > #163, 2013-09-27 > #164, 2013-09-28

«ԱԶԳ» ՕՐԱԹԵՐԹ #162, 26-09-2013



Տեղադրվել է` 2013-09-26 01:13:23 (GMT +04:00)


Ընթերցված է` 1076, Տպվել է` 15, Ուղարկվել է էլ.փոստով` 15

ՌՈՈՒՀԱՆԻՆ ԴԱՏԱՊԱՐՏԵՑ ԹԵ՛ ՀՈԼՈՔՈՍԹԸ ԵՎ ԹԵ՛ ԻՍՐԱՅԵԼԻ ՍՏԵՂԾՄԱՆ ԵՂԱՆԱԿԸ

Պ. Ք.

Օբամայի հետ նրա հանդիպումը չկայացավ

Ամերիկյան CNN հեռուստաալիքին տված հարցազրույցում Իրանի նախագահ Հասան Ռոուհանին հայտարարել է, որ Հոլոքոսթըՙ հրեաների ողջակիզումը, որպես նացիստների կատարած հանցագործություն, «արժանի է պարսավանքի եւ դատապարտման»:

«Ես պատմաբան չեմ, բայց կարող եմ ասել, որ մարդկության դեմ ուղղված ամեն մի հանցագործություն, այդ թվումՙ հրեաների եւ ոչ հրեաների դեմ նացիստների կատարածը, արժանի է պարսավանքի», հայտարարել է Ռոուհանինՙ ի պատասխան իրանյան ծագումով հայտնի լրագրողուհի Քրիստիան Ամանպուրի այն հավաստման, որ Իրանի նախկին նախագահ Մահմուդ Ահմադինեժադը քանիցս «առասպել» է անվանել Հոլոքոսթը:

Միեւնույն ժամանակ Ռոուհանին ընդգծել է, որ նմանօրինակ պատմական իրադարձությունները այս կամ այն ազգին իրավունք չեն տալիս զավթելու ուրիշի հողերը եւ այնտեղից դուրս մղելու մարդկանց:

«Ֆիգարո» թերթի կայքէջը այս կապակցությամբ նշում է, որ անցյալ շաբաթ մեկ ուրիշ հեռուստազրույցի ժամանակ Ռոուհանին խուսափել էր ուղղակիորեն պատասխանել Հոլոքոսթի հետ կապված հարցին: Այս անգամ նա դատապարտել է ոչ միայն հրեաների ողջակիզումը, այլեւ Իսրայելի պետության ստեղծումը ի հաշիվ «մեկ ուրիշ բնակչության»:

«Կյանքից զրկելը նողկալի բան է: Տարբերություն չկաՙ հրեայի կյանք է, քրիստոնյայի, թե մահմեդականի: Մեզ համար դա միեւնույն բանն է: Սակայն դա որեւէ մեկին թույլ չի տալիս ասելՙ քանի որ նացիստները ոճիր գործեցին մարդկանց մի խմբի դեմ, ուրեմն հիմմնավորված են մեկ ուրիշ խմբի հողի բռնատիրումն ու օկուպացումը», ասել է Ռոուհանին CNN-ի լրագրողուհուն:

Ինչ վերաբերում է ՄԱԿ-ի Ընդհանուր ժողովում սեպտեմբերի 24-ին Իրանի նախագահի ունեցած ելույթին, Իսրայելի պատվիրակությունը բոյկոտել էր այն: Վարչապետ Բենիամին Նաթանյահուի անձնական կայքէջը հաղորդում է բառացիորեն հետեւյալը. «Վարչապետ Նաթանյահուն ՄԱԿ-ում Իսրայելի պատվիրակությանը հրամայեց վարվել անցյալ տարվա պես եւ ներկա չլինել Իրանի նախագահի ելույթին: Չնայած նոր նախագահի հմայքին, Իսրայելի նկատմամբ Թեհրանի վարչակարգի քաղաքականությունը չի փոխվել»:

ՄԱԿ-ում Ռոուհանին հայտարարել է, որ ինքը չի ձգտում սրել Իրանի հարաբերություններն ուրիշ երկրների հետ: Նա նշել էր, որ պատրաստ է անհապաղ բանակցություն սկսել իր երկրի միջուկային ծրագրի վերաբերյալ, ընդգծելով, որ վերջինս խաղաղ բնույթ է կրում: Բացի դրանից, Ռոուհանին հայտարարել էր, որ Իրանի դեմ ուղղված միջազգային պատժամիջոցները չափազանց «կոշտ» են, եւ որ դրանցից տուժում են ոչ թե «քաղաքական գործիչները», այլ «հասարակ մարդիկ»:

Լրատվամիջոցներին նա նաեւ հայտնի է դարձրել, որ ՄԱԿ-ում Իրանի պատվիրակությունը հրաժարվել է կազմակերպել Ռոուհանիի հանդիպումը ԱՄՆ-ի նախագահ Բարաք Օբամայի հետ: Նման հանդիպում անցկացնելու նախաձեռնությամբ ավելի վաղ հանդես էր եկել ամերիկյան կողմը:

 
 

«ԱԶԳ» ՕՐԱԹԵՐԹ #162, 26-09-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ