RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-10-01 14:56:35Ադրբեջանական հրետանին ոչնչացրել է սեփական բանակի էլիտար ստորաբաժանումը
2020-10-01 14:54:44Թշնամին արագորեն կորցնում է իր օդուժը
2020-10-01 14:36:39Հրետակոծվում է Հադրութ քաղաքը
2020-10-01 13:52:22Ազգային անվտանգության ծառայությունում բացահայտվել է նախկին բարձրաստիճան զինվորական ծառայություն իրականացրած անձի կողմից պետական դավաճանություն կատարելու դեպք. (տեսանյութ)
2020-10-01 12:15:25Եթե այսօր չմիջամտեն, ապա Կովկասը կդառնա մեկ այլ մեծ խնդիր միջազգային հանրության համար
#173, 2013-10-11 > #174, 2013-10-12 > #175, 2013-10-15 > #176, 2013-10-16 > #177, 2013-10-17

«ԱԶԳ» ՕՐԱԹԵՐԹ #175, 15-10-2013



Մարզական

Տեղադրվել է` 2013-10-14 23:21:32 (GMT +04:00)


Ընթերցված է` 1096, Տպվել է` 14, Ուղարկվել է էլ.փոստով` 13

ՀՀ ՀԱՎԱՔԱԿԱՆԸ 2-ՐԴ ՏԵՂԻ ՀԱՄԱՐ ՊԱՅՔԱՐՈՒՄ ՆՎԱԶԱԳՈՒՅՆ ՀՆԱՐԱՎՈՐՈՒԹՅՈՒՆՆԵՐ Է ՊԱՀՊԱՆՈՒՄ

Այսօր ֆուտբոլի աշխարհի առաջնության եվրոպական գոտու ընտրական մրցաշարը կհատի վերջնագիծը: Հայտնի կդառնան եզրափակիչ փուլի ուղեգրերի բոլոր տերերն ու անցումային խաղերի մասնակիցները:

Ուրբաթ օրը կայացած 9-րդ տուրի հանդիպումներից հետո զգալիորեն սրվեց պայքարը 2-րդ տեղի համար B խմբում, որտեղ հանդես է գալիս Հայաստանի ազգային հավաքականը: Իտալացիները վաղուց նվաճել են եզրափակիչի ուղեգիրը, սակայն դանիացիների հետ մրցավեճում մինչեւ վերջ պայքարեցին ու կարողացան ավելացված ժամանակում խուսափել պարտությունից (2-2): Չեխերն էլ հյուրընկալվելիս 4-1 հաշվով պարտության մատնեցին Մալթայի ֆուտբոլիստներին:

Այսօր Հայաստանի ազգային հավաքականը Նեապոլում կմրցի իտալացիների հետ: Հանդիպումը կսկսվի Երեւանի ժամանակով ժամը 22:45-ին: 2-րդ տեղը գրավելու համար նախ մեր հավաքականը պետք է հաղթի իտալացիներին, դանիացիները սեփական հարկի տակ չպետք է հաղթեն Մալթային, իսկ Բուլղարիա-Չեխիա հանդիպումը պետք է ավարտվի ոչ-ոքի: Համաձայնվեք, որ այս 3 գործոնների միաժամանակյա իրականացումը գրեթե անհնար է: Հարկ է նշել, որ Իտալիայի հավաքականն իր պատմության մեջ դեռ երբեք սեփական հարկի տակ չի պարտվել աշխարհի առաջնության ընտրական մրցախաղերում: Այնպես որ, եթե մեր ֆուտբոլիստներին հաջողվի հաղթել Նեապոլում, դա իրոք պատմական հաղթանակ կլինի:

A խմբում Բելգիայի հավաքականը հյուրընկալվելիս 2-1 հաշվով հաղթելով խորվաթներին, աշխարհի առաջնության ուղեգիր նվաճեց: Ուելս-Մակեդոնիա խաղում 1-0 հաշվով հաղթեցին դաշտի տերերը:

C խմբում շվեդները հաղթելով Ավստրիային (2-1), զբաղեցրին 2-րդ տեղը: Իսկ ուղեգիրը վաղուց ապահովել էր Գերմանիայի հավաքականը, որը սեփական դաշտում 3-0 հաշվով հաղթել էր իռլանդացիներին: Ֆարերներ-Ղազախստան խաղում գրանցվեց ոչ-ոքիՙ 1-1:

Ուղեգիր նվաճելուն շատ մոտ է ՌԴ հավաքականը, որը Լյուքսեմբուրգի հետ արտագնա խաղում 4-0 հաշվով հաղթեց մրցակցին: Իսկ ահա պորտուգալացիները սեփական հարկի տակ չկարողացան հաղթել Իսրայելի հավաքականին (1-1), որի պատճառով ներկայումս 3 միավորով հետ են մնացել ռուսներից: Վերջիններիս այսօր Բաքվում Ադրբեջանի հավաքականի հետ խաղում բավարարում է նույնիսկ ոչ-ոքին:

G խմբում 22-ական միավորով առաջատարներն են Բոսնիայի եւ Հունաստանի հավաքականները: Բոսնիացիները 4-1 հաշվով հաղթեցին Լիխտենշտեյնին, իսկ հույները 1-0 հաշվով պարտության մատնեցին սլովակներին: Այսօր կկայանան Լիտվա-Բոսնիա, Հունաստան-Լիխտենշտեյն հանդիպումները, որոնք էլ կանվանեն խմբի հաղթողին:

H խմբում էլ առաջին տեղի համար պայքարում համառ մրցակցություն է ծավալվել Անգլիայի եւ Ուկրաինայի հավաքականների միջեւ: Անգլիացիները հաղթելով Չեռնոգորիային (4-1), վաստակեցին 19 միավոր: Ուկրաինայի հավաքականը 18 միավոր ունիՙ պարտության մատնելով լեհերին (1-0):

I խմբում վերջնական հաջողությանը մոտ է աշխարհի եւ Եվրոպայի գործող չեմպիոն Իսպանիայի հավաքականը, որին ուղեգիր նվաճելու համար բավական է վրացիների հետ սեփական հարկի տակ կայանալիք խաղն ավարտել ոչ-ոքի: 9-րդ տուրում իսպանացիները 2-1 հաշվով հաղթեցին Բելառուսին: Ֆրանսիայի հավաքականը 3 միավորով հետ է իսպանացիներից:

Ահա մյուս խաղերի արդյունքները. Հոլանդիա-Հունգարիաՙ 8-1, Էստոնիա-Թուրքիաՙ 0-2, Անդորրա-Ռումինիաՙ 0-4, Ալբանիա-Շվեյցարիաՙ 1-2, Սլովենիա-Նորվեգիաՙ 3-0, Իսլանդիա-Կիպրոսՙ 2-0, Ադրբեջան-Հս. Իռլանդիաՙ 2-0, Լիտվա-Լատվիաՙ 2-0, Մոլդովա-Սան Մարինոՙ 3-0:

Մրցաշարային աղյուսակ

B խումբ

 ԽՀՈՊԳՄ
1. Իտալիա963017-721
2. Բուլղարիա934214-813
3. Դանիա934211-1213
4. Չեխիա933312-912
5. Հայաստան940510-1112
6. Մալթա91085-223

 
 

«ԱԶԳ» ՕՐԱԹԵՐԹ #175, 15-10-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ