RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-08-08 17:45:01Բեյրութում հրդեհ է բռնկվել հիվանդանոցի մոտ
2020-08-08 17:40:22Արցախյան հիմնախնդիրը և դրա առաջացման պատմական իրողությունները(մաս III-վերջին)
2020-08-08 15:32:55Թուրքիան պատրաստ է վերակառուցել Բեյրութի նավահանգիստն ու հարակից շենքերը
2020-08-08 15:17:53Բագարանի Սուրբ Շուշանիկը(տեսանյութ)
2020-08-08 15:07:25Դուք եք մեր այսօրվա հերոսները. մի խումբ զինծառայողներ պարգևատրվել են Հանրապետության նախագահի անվանական ժամացույցներով
#183, 2013-10-25 > #184, 2013-10-26 > #185, 2013-10-29 > #186, 2013-10-30 > #187, 2013-10-31

«ԱԶԳ» ՕՐԱԹԵՐԹ #185, 29-10-2013



Տեղադրվել է` 2013-11-13 21:46:44 (GMT +04:00)


Ընթերցված է` 841, Տպվել է` 18, Ուղարկվել է էլ.փոստով` 11

ՉԻՆԱՍՏԱՆԻ ՆՈՐ ԴԵՐԱԿԱՏԱՐՈՒԹՅՈՒՆԸ ՄԻՋԱԶԳԱՅԻՆ ԱՍՊԱՐԵԶՈՒՄ

Հ. Ծ.

«Չինաստանի դերը միջազգային ասպարեզում փոխվում է», տեղեկացնում է Արտաքին հարաբերությունների եվրոպական խորհրդի ասիական կենտրոնի (տնօրենՙ Ֆրանսուա Գոդեմեն) «Վերլուծություններ Չինաստանի մասին» հոդվածաշարի վերջին հաղորդագրությունը: «Երկիրը պայքարում է եզրեր գտնելու ուրիշի գործերին չմիջամտելու իր ավանդական արտաքին քաղաքականության եւ ամբողջ աշխարհում անընդհատ աճ արձանագրող իր տնտեսական ներկայության միջեւ: Չինաստանի հարաբերությունները Իրանի հետ եւ նրա արձագանքը սիրիական ճգնաժամի առնչությամբ նշանակալի օրինակներ են, որ Չինաստանը սկսել է վերանայել իր արտաքին քաղաքականության դիրքորոշումները: Նաեւ ապացույց են նրա նոր շահերի եւ հետաքրքրություններիՙ Մերձավոր Արեւելքում եւ թե ինչու է Պեկինը տատանվում պաշտպանելու Սիրիայի վերաբերյալ ՄԱԿ-ի բանաձեւերը:

Կենտրոնի «Վերջ չմիջամտելու քաղաքականությանը» զեկույցում անդրադարձ է կատարվում Իրանի, Սիրիայի, Սուդանի, Հյուսիսային Կորեայի եւ Բիրմայի հետ Չինաստանի նոր արտաքին քաղաքականության դրսեւորումներին եւ նրա նոր պատասխանատվություններ ստանձնելու պատրաստակամությանը:

Սիրիական ճգնաժամի առթիվ ՄԱԿ-ի բանաձեւերին վետո դնելը խորհրդանշում է Չինաստանի նոր դերակատարումը միջազգային ասպարեզում: Չինացի վերլուծաբանները համաձայն են վերջ տալ բռնություններին Սիրիայում, բայց ոչ Արեւմուտքի գծած սցենարով: Նրանք հասկանում են, որ ժողովրդավարությունը «պաշտպանելու» քողի ներքո Արեւմուտքը «վարչակարգեր փոխելու» իր վտանգավոր մտադրություններն է ցանկանում օրինականացնել: Ըստ զեկույցիՙ իրենց վետոներով չինացի դիվանագետները ցանկանում են դաս տալ արեւմտյան երկրներին, հասկացնելով, որ հեռու մնան ուրիշ երկրների ներքին գործերին խառնվելու իրենց մոլուցքից: Յան Ցուետոնգի կարծիքով, օրինակ, Անվտանգության խորհրդի բանաձեւերը տապալելը Չինաստանի շահերից է բխում, քանի որ նվազեցնում է պատերազմի հավանականությունը Մ. Նահանգների եւ Իրանի միջեւ, միաժամանակ ամրապնդում է Պեկինի գործակցությունը Մոսկվայի հետ:

Իսկ Իրանի հետ հարաբերությունները սերտացնելու հիմքում ընկած է էներգառեսուրների ապահովման խնդիրը: Չինացի մեկնաբանները անշուշտ հասկանում են, որ այդ սերտացումը իրենց ներքաշելու է Իրանի միջուկային ծրագրի շուրջը ծավալված թնջուկի մեջ: Հակառակ տնտեսական սահմանափակումներին միանալու Արեւմուտքի կոչերին, Չինաստանը անտեսելով քննադատությունները, առաջնորդվում է իր տնտեսական եւ անվտանգության շահերի համաձայնՙ հույս ունենալով, որ Իրանի նորընտիր նախագահ Ռուհանին համապատասխան քայլերով Չինաստանին կվերաբերվի որպես «ռազմավարական հնարավորության»ՙ պայքարելու Արեւմուտքի պարտադրած «փակուղու» դեմ:

 
 

«ԱԶԳ» ՕՐԱԹԵՐԹ #185, 29-10-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ