RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2021-01-12 16:38:50Ինչքան իշխանափոխությունն ուշանա, այնքան կմեծանա արյունահեղության վտանգը․ կառավարման փորձագետ
2021-01-10 21:22:2645րդ թուրքական ինքնաթիռն է վայրեջք կատարում Ադրբեջանում
2021-01-08 18:54:44Ալիևի ելույթում օգտագործվել են ՀՀ-ին ու հայաստանյան հասարակությանն ուղղված բացահայտ սպառնալիքներ. Արման Թաթոյան
2021-01-08 00:51:02Մարդկային աղբին կարգեցիք երկրի ղեկավար, հիմա կորցնում ենք պետականությունը. Տիգրան Աթանեսյան
2021-01-07 20:42:39Ավելի քան 1 միլիոն ռուսաստանցի պատվաստվել է կորոնավիրուսի դեմ
#191, 2013-11-06 > #192, 2013-11-07 > #193, 2013-11-08 > #194, 2013-11-09 > #195, 2013-11-12

«ԱԶԳ» ՕՐԱԹԵՐԹ #193, 08-11-2013



Միջազգային

Տեղադրվել է` 2013-11-07 21:22:09 (GMT +04:00)


Ընթերցված է` 992, Տպվել է` 18, Ուղարկվել է էլ.փոստով` 13

ՌԵՏԻՆԵ «ԿԱԼՈՇՆԵՐՈՎ»` ԴԵՊԻ ԻԼՀԱՄ ԱԼԻԵՎԻ ՆՍՏԱՎԱՅՐ

Վ. Ա.

Virtualaz.org-ի փոխանցմամբ, նման ակցիայի է նախապատրաստվում Բաքվի Սուրախանի շրջանի Բյուլբյուլ ավանի բնակչությունը: Լրատվամիջոցը գրում է, որ «Հեյդար Ալիեւի պողոտայի եւ օդանավակայանի ճանապարհի «երկու կողմերից բարձրացող պարիսպներից 5 քայլ հեռավորության վրա ապրող հազարավոր մարդկանց վիճակն ավելի վատթար է, քան ամենահեռավոր լեռնային գյուղում»:

Լրատվամիջոցը փոխանցել է մի քանի մարդու կարծիք, որոնք գերադասել են, որ իրենց անունները չհրապարակվեն: Նրանցից մեկն ասել է, որ իրենց ավանում «երբեք ասֆալտապատ ճանապարհներ չեն եղել, բայց նախագահական ընտրությունների ժամանակ, երբ խոսվում էր Բաքվի շրջակա գյուղերի ճանապարհների վերակառուցման մասին, հույս արթնացավ», որ իրենց վիճակն էլ նկատի կառնվի:

«Մենք լսել ենք, որ նախագահը 2 մլն մանաթ է հատկացրել Սուրախանի շրջանի փողոցների բարեկարգման համար, բայց թե ինչպես են ծախսվել այդ փողերը` տեղյակ չենք: Ստիպված մեր միջոցների հաշվին քարուխճով մի կերպ լցրել ենք փոսերը, բայց եկան «Ազերսու»-ի մարդիկ, իբր ջրագիծ էին անցկացնում, քանդեցին մեր արածը, թողեցին-գնացին, հիմա ավանի մի քանի հազար բնակիչները ստիպված ռետինե կոշիկներ են հանգնում` հասնում մինչեւ ասֆալտապատ փողոց, փոխում կոշիկները, նոր քաղաք մտնում»,- պատմել է Բյուլբյուլ ավանի մի բնակիչ:

Նրա ներկայացմամբՙ հուսահատված մարդիկ որոշել են ռետինե ցեխոտ «կալոշներով երթ անել մինչեւ նախագահի նստավայր, գուցե դրանից հետո մի բան փոխվի»: Կհաջողվի՞ նման երթ կազմակերպել, թե՞ ադրբեջանական «քաջարի» ոստիկանությունը դարձյալ մահակածեծի կենթարկի «ազգային արժանապատվության դեմ ոտնձգության կազմակերպիչներին»` կարելի է չկասկածել. Ադրբեջանում ընդունված չէ լսել մարդկանց, հոգալ քաղաքացիների տարրական կարիքները:

Հակառակ դեպքում Մաշտաղա ավանի բնակիչները «նախընտրական հանդիպման» ժամանակ Իլհամ Ալիեւին չէին պաղատի «գոնե խմելու ջրի եւ կոյուղու հարցը կարգավորել»: Իսկ որ Ադրբեջանի մայրաքաղաքում վիճակն իրոք խայտառակ է, վկայում է եւս մի փաստ. օրերս Բաքվի Նարիմանովի շրջանում փողոցների փոսալցման աշխատանքներ կատարելուց հետո բնակիչները սարսափով արձանագրել են, որ քայլում են... նախկին հայ-ռուսական գերեզմանատնից բերված շիրմաքարերի վրայով, շիրմաքարեր, որոնց վրա պահպանվում են հանգուցյալների անուն-ազգանունները եւ անգամ լուսանկարները:

Իշխանությունների լկտիությունը հասել է այն աստիճանի, որ երբ Նարիմանովի շրջանի բնակիչները դիմում-բողոքով ներկայացել են Բաքվի քաղաքապետին, վերջինս, ընդունելով նրանց ներկայացուցիչներին, բառացիորեն հայտարարել է. «Իսկ դուք գիտե՞ք, որ Պետրոս Մեծը Պետերբուրգը կառուցել է մարդկային ոսկորների վրա»:

Ահա այդպես` Իլհամ Ալիեւի դրածոն Բաքուն «բարեկարգում է» հայ-ռուսական գերեզմանատնից բերված շիրմաքարերով, իսկ երբ բնակիչները բողոքում են, իրեն համեմատում է Պետրոս Մեծի հետ: Իսկ Բյուլբյուլ ավանի բնակիչները Հեյդար Ալիեւի պողոտան փակող պարիսպներից այն կողմ դեռ երկար կմնան մոռացության մատնված: Փառք աստծո, Պետրոս Մեծի ժամանակներից մինչեւ իլհամալիեւյան ռեժիմ մարդկությունը հասցրել է «լապտի»-ները փոխարինել ռետինե «կոլոշ»-ներով, որ, իսկն ասած, խորհրդային տարիներին ադրբեջանական «ազգային» տարազի անբաժան մասն էին...

 
 

«ԱԶԳ» ՕՐԱԹԵՐԹ #193, 08-11-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ