RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#194, 2013-11-09 > #195, 2013-11-12 > #196, 2013-11-13 > #197, 2013-11-14 > #198, 2013-11-15

«ԱԶԳ» ՕՐԱԹԵՐԹ #196, 13-11-2013



Միջազգային

Տեղադրվել է` 2013-11-13 22:57:59 (GMT +04:00)


Ընթերցված է` 776, Տպվել է` 17, Ուղարկվել է էլ.փոստով` 9

ԻՐԱՆԸ ԵՎ ՄԵԾ ԲՐԻՏԱՆԻԱՆ ՎԵՐԱԿԱՆԳՆԵՑԻՆ ՀԱՐԱԲԵՐՈՒԹՅՈՒՆՆԵՐԸ

ՄԱԳԱՏԷ-Իրան համաձայնագիր

Իրանը եւ Մեծ Բրիտանիան նշանակել են միմյանց գործերի ժամանակավոր հավատարմագրեր, որոնք ապրում են նշանակման երկրից դուրս: Այդ մասին հաղորդում է Ֆրանսպրես գործակալությունը:

Այսպիսով կողմերն առաջին քայլն են արել լիարժեք դիվանագիտական հարաբերությունների վերականգնման ուղղությամբ: Դրանք խզվել էին 2011 թ. Թեհրանում բրիտանական դեսպանատան վրա ամբոխի հարձակման պատճառով:

Լոնդոնում գտել էին, որ Թեհրանի իշխանությունները դիտավորյալ չեն կասեցրել մոլեռանդների գործողությունները եւ գուցե նույնիսկ հրահրել են դրանք: Իրանը մերժել էր այդ մեղադրանքներըՙ հայտարարելով, թե դեսպանատունն ավերել են «զայրացած ժողովրդական զանգվածները», որոնք դժգոհ են ԱՄՆ-ի եւ Իսրայելի արարքներին բրիտանացիների տված հավանությունից:

Այդ միջադեպից անմիջապես հետո բրիտանացի դիվանագետները հեռացել էին Թեհրանից, իսկ նրանց իրանցի գործընկերները Լոնդոնում հայտարարվել էին անցանկալի անձինք: Հարաբերությունների վերականգնումը սկսվել էր Իրանում համեմատաբար ազատական գործիչ Հասան Ռոուհանիի նախագահ ընտրվելուց հետո:

Ռոուհանիի օրոք Թեհրանը մասնավորապես պատրաստակամություն հայտնեց միջազգային խիստ վերահսկողության տակ դնելու իր միջուկային ծրագիրըՙ տնտեսական պատժամիջոցների վերացման դիմաց:

Այդ պատրաստակամությունն արդեն արտահայտվում է գործնական քայլերով: Ֆրանսպրեսը հաղորդում է, որ ՄԱԳԱՏԷ-ն եւ Իրանը համաձայնության են հասել երկարաժամկետ համագործակցության շուրջը, որի նպատակը կլինի իրանցիների միջուկային ծրագրի հետ կապված տարաձայնությունների հաղթահարումը: Արդեն ստորագրվել է համապատասխան համաձայնագիր, որը ՄԱԳԱՏԷ-ի տեսուչներին թույլ կտա ստուգումներ կատարել Արակի ծանր ջրի պատրաստման կոմբիտանում եւ Գաչինեի ուրանի հանքավայրում: Անցյալում այդ օբյեկտներն անմատչելի էին լիարժեք ստուգումների համար:

Կողմերը նաեւ պայմանավորվել են, որ միջուկային ոլորտում համագործակցությունը կշարունակվի: Ներկայումս մշակվում են դրա զարգացման զանազան տարբերակներ:

ԱՄՆ-ը Իրանից պահանջում է թափանցիկ դարձնել սեփական միջուկային ծրագիրը եւ դադարեցնել զտման բարձր աստիճանի հասած ուրանի հարստացումը: Թեհրանը իր հերթին ուզում է հասնել միջազգային տնտեսական պատժամիջոցների մեղմացմանը:

 
 

«ԱԶԳ» ՕՐԱԹԵՐԹ #196, 13-11-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ