RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

#199, 2013-11-16 > #200, 2013-11-19 > #201, 2013-11-20 > #202, 2013-11-21 > #203, 2013-11-22

«ԱԶԳ» ՕՐԱԹԵՐԹ #201, 20-11-2013



Տեղադրվել է` 2013-11-19 23:37:23 (GMT +04:00)


Ընթերցված է` 859, Տպվել է` 18, Ուղարկվել է էլ.փոստով` 13

ԳԵՎՈՐԳ ՂԱԶԱՐՅԱՆԸ ՀԱՎԱՆԱԲԱՐ ԿՀԵՌԱՆԱ «ՇԱԽՏՅՈՐԻՑ»

Կարագանդայի «Շախտյորում» վարձավճարով հանդես եկող Գեւորգ Ղազարյանը հավանաբար կհեռանա թիմից: Այս մասին Vesti.kz-ի հետ զրույցում հայտնել է թիմի գլխավոր մարզիչ Վիկտոր Կումիկովը: Ըստ մարզչի, արդեն քայլեր են ձեռնարկվում Ղազարյանին, Խիժնիչենկոյին եւ Կանյասին համարժեք փոխարինողներ գտնելու:

Ղազախական «Կայրաթի» վետերան Յուսուպ Շադիեւի կարծիքով, միայն կոլումբիացի Կանյասի հեռանալը կորուստ կլինի «Շախտյորի» համար, իսկ Սերգեյ Խիժնիչենկոյին եւ Գեւորգ Ղազարյանին կարելի է փոխարինողներ գտնել: «Ղազարյանը Մխիթարյան չէ, ուստի չեմ կարծում, թե նա կարող է ուժեղացնել ՌԴ պրեմիեր լիգայի որեւէ թիմ: Նույնիսկ «Անժիի» մակարդակով նա չի կարող խաղալ», նշել է Շադիեւը:

Հիշեցնենք, որ Գեւորգ Ղազարյանը «Շախտյոր» էր տեղափոխվել Դոնեցկի «Մետալուրգից», որին են պատկանում ֆուտբոլիստի տրանսֆերային իրավունքները: Նա ղազախական ակումբում հանդես է գալիս վարձավճարով, որի ժամկետը լրանում է այս տարվա դեկտեմբերին:

Գեւորգ Ղազարյանը News.am-ի թղթակցին հայտնել է, որ Դոնեցկի «Մետալուրգն» ու Կարագանդայի «Շախտյորը» նախնական պայմանավորվածություն ունեն իր նոր պայմանագրի հարցում: Բայց կան նաեւ առաջարկներ Ռուսաստանից, Ուկրաինայից եւ Ղազախստանի այլ ակումբներից: Ըստ Ղազարյանի, հավանականությունը մեծ է, որ ելույթները շարունակի «Շախտյորում»:

Թեեւ Ղազախստանի առաջնությունն արդեն ավարտվել է, սակայն «Շախտյորի» ֆուտբոլիստները նախապատրաստվում են Եվրոպայի լիգայի խմբային մրցաշարի հանդիպումներին: Նոյեմբերի 28-ին թիմն Աստանայում կհյուրընկալի հունական ՊԱՕԿ-ին, իսկ դեկտեմբերի 12-ին Իսրայելում կմրցի «Մաքաբիի» հետ: «Շախտյորն» առայժմ անհաջող է խաղումՙ L խմբում 2 միավորով ընթանալով 3-րդ տեղում:

 
 

«ԱԶԳ» ՕՐԱԹԵՐԹ #201, 20-11-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ