RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#201, 2013-11-20 > #202, 2013-11-21 > #203, 2013-11-22 > #204, 2013-11-23 > #205, 2013-11-26

«ԱԶԳ» ՕՐԱԹԵՐԹ #203, 22-11-2013



ՆՈՐՈՒԹՅՈՒՆՆԵՐ

Տեղադրվել է` 2013-11-21 23:23:16 (GMT +04:00)


Ընթերցված է` 856, Տպվել է` 18, Ուղարկվել է էլ.փոստով` 11

ՀԱՄԵՐԳ` ՆՎԻՐՎԱԾ Ա. ԽԱՉԱՏՐՅԱՆԻ 110-ԱՄՅԱԿԻՆ

Մ. Հ.

Մոսկվայի պետական կոնսերվատորիայի Մեծ դահլիճում նոյեմբերի 24-ին տեղի կունենա Հայաստանի պետական երիտասարդական նվագախմբի (գեղարվեստական ղեկավար եւ գլխավոր դիրիժոր Սերգեյ Սմբատյան) համերգը` նվիրված Արամ Խաչատրյանի 110-ամյակին:

Համերգային ծրագրի մենակատարն է 2012թ. Եղիսաբեթ թագուհու անվան ջութակահարների միջազգային մրցույթի հաղթող, ռուս վիրտուոզ ջութակահար Անդրեյ Բարանովը:

Երեկոյի ընթացքում կհնչեն Արամ Խաչատրյանի ստեղծագործությունները Ջութակի կոնցերտը, Սպարտակի եւ Ֆրիգայի ադաջոն «Սպարտակ» բալետից, Խաչատրյանի թիվ 2 սիմֆոնիան:

Նշենք, որ համերգային ծրագիրը իրականացվում է Հայաստանի պետական երիտասարդական նվագախմբի նախաձեռնությամբ անցկացվող Արամ Խաչատրյանի անվան միջազգային փառատոնի շրջանակում:

Երիտասարդական նվագախմբի մոսկովյան համերգով կեզրափակվի միջազգային փառատոնն արտասահմանում, ինչպես նաեւ այն կդառնա Մոսկվայի կոնսերվատորիայի 150-ամյակին նվիրված ԱՊՀ անդամ երկրների նվագախմբերի շքերթի վերջին ակորդը:

Համերգը տեղի կունենա ՀՀ մշակույթի նախարարության աջակցությամբ, իսկ գլխավոր հովանավորն է «Մոնարխ» ընկերությունների խումբը, ավիափոխադրման հովանավորը «Էյր Արմենիա» ընկերությունը:

Երեկոյի կազմակերպիչներն են Մոսկվայի պետական կոնսերվատորիան եւ Հայաստանի պետական երիտասարդական նվագախումբը:

 
 

«ԱԶԳ» ՕՐԱԹԵՐԹ #203, 22-11-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ