RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-08-13 14:15:12Նավթի և գազի հիմնախնդիրները, Հայաստանը, Հարավային Կովկասը․ հարցազրույց (տեսանյութ)
2020-08-13 13:22:38ՊԵԿ-ը բացահայտել է փոստային առաքանիներով թմրամիջոցի ներմուծման դեպքեր
2020-08-13 13:15:53Ապամոնտաժվում են Սևանի ափամերձ ապօրինի շինությունները
2020-08-13 13:09:13Վերջին մեկ շաբաթում տարածաշրջանում գրանցվել է 2-3 բալ և ավելի ուժգնությամբ 10 երկրաշարժ
2020-08-13 13:08:45Կորոնավիրուսի 229 նոր դեպք, 405 առողջացած, 7 մահ
#210, 2013-12-03 > #211, 2013-12-04 > #212, 2013-12-05 > #213, 2013-12-06 > #214, 2013-12-07

«ԱԶԳ» ՕՐԱԹԵՐԹ #212, 05-12-2013



Տեղադրվել է` 2013-12-04 23:13:33 (GMT +04:00)


Ընթերցված է` 928, Տպվել է` 19, Ուղարկվել է էլ.փոստով` 13

ՖՐԱՆՍԻԱՑԻ ՓՈՐՁԱԳԵՏՆԵՐԸ ԲԱՑԱՌԵԼ ԵՆ ԱՐԱՖԱԹԻ ԹՈՒՆԱՎՈՐՄԱՆ ՀԱՎԱՆԱԿԱՆՈՒԹՅՈՒՆԸ

Պ. Ք.

Ֆրանսիացի փորձագետները լիովին բացառում են թունավորման հետեւանքով Յասեր Արաֆաթի մահացած լինելու հավանականությունը: Այդ մասին հաղորդում է Ֆրանսպրես գործակալությունը, վկայակոչելով պաղեստինցի առաջնորդի մահվան պատճառների հետաքննության ընթացքին ծանոթ մի աղբյուր:

Ֆրանսիացի մասնագետների կարծիքով, Արաֆաթը մահացել է բնական մահով, իսկ մահվան անմիջական պատճառը եղել է «ընդհանուր վարակումը»: Թե ինչի վրա է հիմնված ֆրանսիացիների այդ վստահությունըՙ աղբյուրները չեն հաղորդում:

BBC-ն նշում է, որ փորձագետները հետազոտել են Արաֆաթի գերեզմանի բացման ժամանակ աճյունից վերցված փորձանմուշները, որոնք ուղարկվել էին Ֆրանսիա, Շվեյցարիա եւ Ռուսաստան: Դա արվել էր «Ալ Ջազիրա» հեռուստաալիքի հետազոտության արդյունքների հրապարակումից հետո, որոնց համաձայն Պաղեստինյան ինքնավարության նախկին ղեկավարի անձնական իրերի վրա հայտնաբերվել են պոլոնիում-210-ի հետքեր:

Ավելի վաղ Լոզանի (Շվեյցարիա) ռադիոֆիզիկայի ինստիտուտի մասնագետները եզրակացրել էին, որ Արաֆաթի հյուսվածքներում իրոք եղել է պոլոնիումի եւ դրա տրոհման արգասիքների մեծ քանակություն: Այդ տեղեկությունը հրապարակելովՙ շվեյցարացիները հայտարարել էին, որ իրենք այնուամենայնիվ հետեւություններ չեն անի Արաֆաթի մահվան պատճառների վերաբերյալ:

Ռուսաստանցի փորձագետներն առայժմ ոչինչ չեն ասում իրենց հետազոտության արդյունքների մասին:

Մինչդեռ պաղեստինյան ինքնավարության իշխանություններն արդեն հայտարարել են, թե իրենց հայտնի են Արաֆաթի թունավորման մեջ կասկածվող անձանց անունները, բայց դրանք առայժմ չեն հրապարակվի: Անցյալում պաղեստինցիները իրենց ղեկավարի սպանության մեջ մեղադրել էին Իսրայելի հատուկ ծառայություններին:

Արաֆաթը մահացել էր 2004-ին Ֆրանսիայի հիվանդանոցներից մեկում: Այն ժամանակ բժիշկները չէին կարողացել պարզել նրա սրընթաց հիվանդության եւ մահվան պատճառները, իսկ հանգուցյալի այրին արգելել էր դիահերձումը:

 
 

«ԱԶԳ» ՕՐԱԹԵՐԹ #212, 05-12-2013

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ

ՄԵԿ ՏԱՐԻ ԱՌԱՋ